أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات،
بالضغط هنا.
كما يشرفنا أن تقوم بالتسجيل بالضغط هنا
مش عارفه خير الصور مقلوبات
اقلبو الابتوب وخلاص ههههههه
المهم هذه لمتي المتواضعه جدا ومن قال بيا هههه وللاسف كنت عابيه ع جاراتي والعبا ع الله ربي يسامحهم في الي جت مع الضيوف في الليل وفي الي ماجتش بكل لكن الحمد لله ربي عانني ودرت الي نقدر عليه غير نوضي بكري وابدي اشتغلي
وان شاء الله ياخوخه استفدتي مني في حاجه ولو تبي اي استفسار تفضلي اني جاهزة وان شاء الله تنوضي بالسلامه يااارب
الله يا امولة الله قديش اسعدتيني بصراحة وماشاءالله كل شيء حلو ومتناسق نتمني هكي لمتي اتكون بس عندي اشوية اسئلة بالله نبي قديش معازيمك وبالنسبة للحار زي البوريك علي ما اعتقد شني الطريقة
تسلمي حبيبتي.. الذوق منك وفيك والاهم طيبة القلب
ويشهد الله ع معزتك عندي.. المهم انه عجبك
سبحان الله حتي العروس السبهاويه امس تلاقينا ف مركز
وقالتي مش عادي بكل عطر ايلي صعب لان نصحته به
....
وماشاء الله اللهم باااارك .. ربي يحفظك
تبــارك الرحمن ع اللمة والترتيب والتنسيق
واضح ان حاجة منسقه وراااقيه ..
واجمل شئ في الموضوع ان انتي لي مدايره كل شئ بيديك
وحبيت نقولك انك ست بيت ومطبخ بامتياز مع مرتبة الشرف
ربي يحفظك..
وكان مافيهش تعب نبي طريقة طاجين الجبن متاعك حسيته يسهف
نعرف نديره وف طرق مختلفه له بس شكله يشهي
هههه اتقول نتوحم راااايحه خخخ
احم احم ههههههه تسلميلي يام فروسه ع الاطراء الحلوووو زيك والله الشهاده من عندك نعتز ونفخر بيها اكيييد ربي يخليك ويسعدك يارب
وبالنسبه لطريقة الطاجين حاظر من عيوني
تاخدي بصل مفروم مش فرم ناعم يعني وسط وتشوحيه مع المفروم واديريله بهارات وبعدين تقلي بطاطا مكعبات وتخلطيهم مع بعض وبعدين اضيفيله حبة طمام وفلفل اخضر وكسبر مفروم وفص ثومه مبشور وشوية خبزة مرحية ودحي ع قد كميتك وتخلطيهم مع بعض واضيفيلهم شوية حرارات وفلفل اسود وخلاص بس شوقتيني نعرف طريقتك لانه طريقتي نحسها الكل يعرفها تقريبا وصحتين ع قلبك مقدما
اقتباس:
المشاركة الأصلية كتبت بواسطة خوله 2014
الله يا امولة الله قديش اسعدتيني بصراحة وماشاءالله كل شيء حلو ومتناسق نتمني هكي لمتي اتكون بس عندي اشوية اسئلة بالله نبي قديش معازيمك وبالنسبة للحار زي البوريك علي ما اعتقد شني الطريقة
تسلمي حبيبتي ان شاء الله لمتك تجيك احلا يااارب المهم عدد معازيمي كان حوالي 20 وقسمتهم ع مرتين لان شقتي ضيقه
وطريقة البوريك طبعا ورقه جاهز والحشو عبارة ع مفروم مع شوية بصل مفروم وطيبيهم وبطاطا مهروسه وجبنة وضيفيلهم بهارات بس وبعد ماتحشي البوريك غطسيه في الدحي والخبزة المرحية واقليه وصحتين ع قلبك
توقيع : أمل ليبيا
الحمد لله الذي بنعمته تتم الصالحات
ربي يخليلي فطومة وابو فطومة ان شاء الله ويرزق الجميع الذرية الصالحة يارب
02-28-2014, 12:01 PM
رد: اهلا باهل الجود والكرم **اهلا بسيدات ليبيا**
خوله 2014 
جديد منتدى ملتقى عضوات حوامل
العرض المتطور
