التجمع الجديد للمقبلات على الحقن المجهري أو أطفال الأنابيب

Ray00m · 02-21-2014, 09:17 PM

انا استخدم الثنتين

تحاميل مرتين باليوم
وابره مرتين بالاسبوع

7 ام عبدالرحمن 7 · 02-21-2014, 10:24 PM

ريووومي انا مثلك تحميلتين ف اليوم وابرة مرتين ف الاسبوع
ابي اسالك بالنسبة للتحاميل مثلا تحطيها ٨ الصبح و ٨ بالليل صح؟؟؟

انا اليوم حطيتها في الخبري خبرج حسيتها نزلت انتي جذي؟؟

اليوم قالي الدكتور لي ٤ اسابيع وعقب اسبوعين بحطني ع السونار عشان نسمع دقات البيبي
يارب انك تثبت حملي وحمل كل البنات يارب
صج احساس حلو الله لا يحرمنا منه

انثى الحرير
ترا ندري هالحركات تكتبين باسم كل وحدة عشان تيمعين مشاركات ههههههههه امزح
فديتج انا زينه وموعدي بكرة للتحليل لانه بصيرلي ١٢ يوم بس خبرج ماقدرت اصبر ورحت حللت اليوم والحمدلله النسبه ارتفعت
وبس

طمنينا عليج حبيبتي

7 ام عبدالرحمن 7 · 02-21-2014, 10:28 PM

رحيق الجنه
اااخ والله اكثر شي اشتهي المخلل ف الليل واول ما اقعد ف النوم هههههه اخاف يضرني

متفائلة افاا عليج بروحي ابي احد يشجعني ههههه

وبعد شخباركم بنات ؟؟

سعادتي اهم شيئ · 02-21-2014, 10:55 PM

انا بصراحه خايفه اروح أعيد التحليل ودكتوري ماقالي عيدي التحليل قال بعد أسبوعين تعالي أشعه

سعادتي اهم شيئ · 02-21-2014, 11:11 PM

الحين اخر دوره لي كانت 2/23 وأخذت الابره التحضيرية وبعد ثلاث أسابيع بدأت التنشيط وكان طبعا النظام الطويل
راح يكون لي كم في الحمل الله يثبته لان الهرمون نسبته ضعيفه يعني احتمال في بدايته

أنثى الحرير · 02-21-2014, 11:16 PM

والله انا الحمدلله طيبه

اليوم عندنا عشاء و توني جايه راسي يفتتتر

و ابي اناام فبأخذ شور

و عقب ابي أشوف فلم فروزن ههههه رسوم متحركة

نزلته قبل ما اروح و الحين كمل تحميله ف بس الي باقي لي أسوي نفيش

و انطر زوجي يجئ يشبكه لي على التلفزيون لآني ما اعرف

و بكره أقول لكم قصته هههههههه

أنثى الحرير · 02-21-2014, 11:21 PM

سعاادتي يهم لا تخربين على نفسج بالوسواس

تعوذي من ابليس و وكلي امرج لله و عيشي فرحتج لحظه ب لحظه

ترى جذي انتي تحطمين نفسيتج بيدينج

عادي نسبته حلوه ما فيها شيء و ان شاء الله بتتطمنين في الموعد الجائ

لا تأكلين نفسج مب زين ترى بسم الله عليج عقب تنزل الدوره من التفكير و تخسرين كل تعبج احفظي على نفسج و أبعيد من التفكير

و كل شي ان شاء الله بيمشي تمام

7 ام عبدالرحمن 7 · 02-21-2014, 11:31 PM

انثى الحرير
صحتين حبيبتي
فروزن عجيب عجيب بتستانسين عليه

سعادتي
عيل كلام الدكتور يطمن وهو بعد متاكد ان شاء الله انه النسبة بترتفع عشان جذي قالج تعالي دايركت اشعه
لو هو شاك جان قالج عيدي التحليل
عيشي استانسي انتي حامل لا تقعدين توسوسين

الله يثبت اجنتنا على خير يارب

اليوم عطست اخاف صار شي لاجنتي

سعادتي اهم شيئ · 02-21-2014, 11:49 PM

أنثى حرير..
ام عبدالرحمن
الله يطمن قلوبكم ..بس كيف احسب كم لي اسبوع

بنت البلاد · 02-21-2014, 11:57 PM

السلااام علييكم بنااات

شو الاخبااااار

انثى انا الحمدلله بخيييير ^^

شخباركم الي بادين ب الحقن ؟ الله يتمم للكم ان شاء الله

ام عبدالرحمن انا مادري شو يايني ع العطس ف اليوم عشر مرات اعطس خايفه نفسج هههه بس اتوقع مايضر ان شاء الله :(

انا باجر موعدي ان شاء الله ^ـ^

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نصائح للمقبلات على التلقيح المجهري - أطفال الأنابيب	Orchid109	منتدى أطفال الأنابيب	11	11-04-2014 03:54 PM
نصائح للمقبلات على عملية الحقن المجهرى او اطفال الانابيب:	ميمونة	منتدى أطفال الأنابيب	9	05-23-2014 10:24 PM
نصائح للمقبلات على عملية الحقن المجهرى او اطفال الانابيب	o فرح عمريo	منتدى أطفال الأنابيب	15	08-05-2013 03:12 PM
الفرق بين الحقن المجهري و التلقيح الإصطناعي و أطفال الأنابيب	2013amel	منتدى أطفال الأنابيب	7	04-24-2013 11:06 PM