التجمع الجديد للمقبلات على الحقن المجهري أو أطفال الأنابيب

[Ray00m]

المشاركة الأصلية كتبت بواسطة متفائله خير

ريوم احكيلنا عن تجربتج خلنا نستفيد وياريت كل واحده الله كتبلها الحمل تكتب تجربتها

هلا متفائلة ...

انا تزوجت وانجبت ولد وبنت ولكن بعلاجات بعد ارادة الله طبعا مره هرمون حليب ومره تكيسات ..وتعالجت بكلوميد وجلوكوفاج ودوبرجين ...
ولدي عمره 11 سنه وبنتي 8 سنوات ..

انفصلت عن ابوهم ..

والان متزوجة من سنتين ..
خلال السنتين حاولت تنشيط كم مره وابر تفجيريه وتحديد جماع ولا يحصل حمل ..
زوجي سليم ..
رحت لدكتور عبدالعزيز الشهراني وقابلته هو ودكتور بندر وكانوا يقابلون المرضى بمكتب واحد اول ما فتح مركز بنون
قال دكتور عبدالعزيز نجرب تلقيح صناعي قال دكتور بندر لا حقن مجهري افضل
قال دكتور عبدالعزيز نجرب تلقيح صناعي مره وحده واذا ما ضبط ننتقل للمجهري وما راح نكرر صناعي
اتفقنا اجي الدوره ولما رحت لقى عندي كيس عالمبيض قال ما ينفع لازم تاخذي حبوب منع الحمل حتى يروح التكيس!!!
انا زعلت واخذت حبوب منع الحمل 3 شهور ورجعت لدكتور عبدالعزيز لقيته لوحده وبدات معه تلقيح صناعي !! كان يعطيني جرعات خفيفه وكلوميد رغم اني قلت له انا لازم منشطات قويه لاني اعرف تبويضي ضعيف اذكر مره تابعت مع دكتوره تعطيني منشطات اجي اسوي اشاعه تقول والله ولا كانك ماخذه منشطات .. لكنه ما سمع كلامي حتى انه كان بيوقف البرنامج بس انا رفضت وقلت نكمل بس قوي الجرعات وعطاني مينوغون وكبرت شوي البويضات وسوا لي التلقيح وفشل ..

طبعا انصدمت وزعلت وجلست 3 شهور مرتاحه بدون قلق وحبوب وابر ..

بعدها قررت ارجع لكن مع دكتور بندر ولما دخلت عنده اول زياره عرفني انا وزوجي قلت له تذكر قلت لي من اول مره شفت حالتي نسوي حقن علطول افضل قال ايه متذكره قلت ايه يا الله قال تعالي ثاني يوم دوره قلت انا ثاني يوم دوره وسويت اشعه يا الله شوف ههههه ضحك قال ماشاء الله مستعده قلت ايه ..
قلت بس يادكتور انا استجابتي ضعيفه للمنشطات ابغاك تعطيني مينوغون وابغا جرعات قويه قال ماشاء الله عارفه جسمك قلت ايه عشان نختصر المسائل والتجارب ههههه
وفعلا بدأت ..

انتظروووني >>>>> لازم حركات

[J O J O]

المشاركة الأصلية كتبت بواسطة ray00m

اذكرو الله وقولو ماشاء الله تبارك الله ولا حول ولاقوة الا بالله فالعين حق ...

ابشركم يا بنات سويت تحليل هرموني اليوم وطلعت حامل لكن الدكتور قال لازم اعيد التحليل بعد يومين حتى يشوف تضاعف الهرمون ..

الحمدلله حمداً كثيراً طيباً مباركاً فيه ملء السماوات والأرض وملء ما بينهما وملء كل شئ .. اللهم لك الحمد كما ينبغي لجلال وجهك وعظيم سلطانك ..

اللهم اني أعيذ مافي رحمي بكلماتك التامة من كل شيطان وهامة ومن كل عين لآمه
اللهم اني اسألك أن تحفظه و تجعله معافى كامل الخلقة دون زيادة أو نقصان
اللهم حسن خُلقه وخلقه وسهل حمله ومخرجه واجعله قرة عين لي ولوالده واجعله من عبادك الصالحين
اللهم اني استودعتك جنيني وما خاب من أستودعك
آمين يارب العالمين

وصلى اللهم وبارك على عبدك ونبيك محمد عليه افضل الصلوات وأتم التسليم ..

مشآءالله تبارك الله ،، والف حمد وشكر لله
الف الف مبروك
والله فرحت لك وكآنه انا وخصوصاً نفسس دكتوري
الله يتمم لك يارب وتجيبي الي يقر عينك وعين ابووه
انتبهي لنفسسكك وخليك مرتاحه ويارب يتضاعف الهرمون

[Ray00m]

برنامجي للحقن المجهري :

ثاني وثالث ورابع وخامس وسادس يوم للدوره : ابرة مينوغون ٤بودره +٢ماء/ فوليك / اسبرين / عصيراناناس
سابع وثامن وتاسع وعاشر واحدعشر يوم للدوره : ابرة مينوغون ٥بودره + ٣ماء / ابرة ستروتايد / فوليك / اسبرين / عصير اناناس
يوم ١٢ من الدوره : راحه مافي ابر بس فوليك واسبرين واخر يوم لعصير الاناناس...
يوم ١٣ من الدوره : عملية سحب البويضات كانت مؤلمة جداً بصراحه بعد ما صحيت من البنج ..العلاجات: مضاد حيوي / اسبرين / فوليك .
يوم ١٤ و١٥ من الدوره : كلموني قالو سحبنا ١١ بويضه وتلقح منها ٧ بويضات .. العلاجات : تحاميل سايكلوجيت وحده صباح ووحده مساء/ المضاد / الفوليك / الاسبرين

يوم ١٦ من الدوره : ترجيع الاجنه وتم ارجاع ٣ اجنه من الدرجه الاولى .. وجلست منسدحه وقمتتبولت الله يكرمكم بعد مرور تقريبا ٤٠ دقيقه
رحت البيت بعد ساعتين ..كان معي مصحف جلست اقرأ سورة مريم وجزء من البقرة ..وجلست ادعي كثير ..
خفت الالام بعد الترجيع ..
وزي ما قرات مره تفسير جميل لاحد البنات تقول الرحم كان مجهز البويضات للعريس الحيوان المنوي بعدين يجي الدكتور يسوي سحب بويضات يزعل الرحم كأن احد سرق منه حاجه فلما ترجع الاجنه يفرح الرحم وتزول الالام ههههه
العلاجات : دوفاستون حبتين الصباح وحبتين الليل كل ١٢ ساعه / تحاميل سايكولاجيت تحميلتين الصباح وتحمليتين الليل كل ١٢ ساعه
كنت اخذهم سوا الساعه ١ونص الظهر والساعه ١ونص الليل ..
/فوليك / اسبرين
وهذه العلاجات مستمره الى الان بنفس النظام ...

فترة الانتظار :
اول يوم ترجيع : شد بطني من اليمين والام اسفل البطن
ثاني يوم ترجيع : نفس الشي فوق
ثالث يوم ترجيع : خفت الالام
رابع يوم ترجيع : مافي الام
خامس يوم ترجيع : مغص خفيف ومافي الام
سادس يوم ترجيع : مافي الام
سابع يوم ترجيع : مافي الام
ثامن يوم ترجيع : شد بطني جهة اليسار
تاسع يوم ترجيع : شد بطني جهة اليسار وجاني شد برجلي اليمين
عاشر يوم ترجيع : مافي الام
احد عشر يوم ترجيع : مافي الام
ثاني عشر يوم ترجيع تحليل رقمي وظهور الحمل وبالاضافه للعلاجات السابقه اخذت ابرة تثبيت ..

تعبت وانا اكتب اي استفسار اسالوني وان شاء الله اجاوبكم على قد ما اقدر
ادعو لي ثبات اجنتي لازم يتضاعف بعد بكره حتى اطمن ..

حاولت اكتب كل شي ونقلت لكم حرفيا اللي كتبته بدفتر مذكراتي من تحت مخدتي ...

[سعادتي اهم شيئ]

الله يتمم لك ياقلبي ويثبت لك حملك ويرزقك ..هل كنت دايم مرتاحه على ظهرك او تتحركي
وماحسيتي بألم في صدرك

[Ray00m]

المشاركة الأصلية كتبت بواسطة سعادتي اهم شيئ

الله يتمم لك ياقلبي ويثبت لك حملك ويرزقك ..هل كنت دايم مرتاحه على ظهرك او تتحركي
وماحسيتي بألم في صدرك

وقت التحاميل ارتاح انسدح ساعتين ثلاثه باقي الوقت عادي اتحرك بشكل معتدل طلعت للسوق ورحت لزيارات عند خواتي .. كنت اتهاوش مع السواق اذا طلعت معه عشان المطبات .. احب التلفزيون انسدح عالكنبه واتفرج واتصفح الايباد ..

صدري الم ثقل وانا مشكلتي صدري كبير فلما افسخ السنتيانه احسه ثقيل بس لاحظت الحلمات دوم بارزه ..

[متفائله خير]

فديت قلبج ريومه والله اسلوبج عسل وانتي تشرحين لنا هههههههههههه طمنينا عليج دوم يالغلا

[J O J O]

الله يسعدك ويتمم لك ريوم ماقصرتي ع التجربه

.

[7 ام عبدالرحمن 7]

ريوم حبيبتي ماشاء الله ربي يتمم لج على خير يارب
ومبروك مرة ثانية


انا اليوم الثامن من التريع وباقيلي ٤ ايام

لو اسوي تحليل منزلي بيطلع يا ترا

في احد حلل قبل موعد التحليل وطلع موجب ؟؟؟؟

[7 ام عبدالرحمن 7]

الامورة سوس طمنينا عليج حبيبتي ؟؟
يارب خير

[Ray00m]

المشاركة الأصلية كتبت بواسطة 7 ام عبدالرحمن 7

ريوم حبيبتي ماشاء الله ربي يتمم لج على خير يارب
ومبروك مرة ثانية


انا اليوم الثامن من التريع وباقيلي 4 ايام

لو اسوي تحليل منزلي بيطلع يا ترا

في احد حلل قبل موعد التحليل وطلع موجب ؟؟؟؟

من عاشر يوم بان معي بالمنزلي ..
على فكرة انا هوايتي التحاليل المنزلية
كل يوم احلل يطلع خط بس من عاشر يوم طلع خطين بس خفيف جدا جدا ..