تجمع الجزائريات الغاليات المتأخرات في الحمل ‏

[الشاكرة -لله]

ههههههههه بالاك راجلك نسى الحنفية مفتوحة هههههههههههههه

[lamia zina]

امة الرحمان حتى انا توحشتك و راكي في القلب كي تغيبي نعرف بيك حاجة شوفي جربي القسط البحري انا الامام رقالي في الزيت الزيتون و دار فيها قسط البحري و قالي ادهني بها جبهتك و الصدر و الرحم و المفاصل و كي حوست في النت لقيت بلي القسط البحري يستعمل لسحر الارحام و كذلك عشبة الفيجل تبخري بها و شربي مقدار فنجال يقولو ريحتها قوية على الشياطين و الجن .
سماسم ما تبعيش الطبيبة حتى تشوفي راي طبيب اخر وين جاية هاذي الطبيبة تاعك...

[سمراء]

لبنات واش طيبتو عشا أنا جارتي بعثتلي عشايا ههههههه هناتني

[الشاكرة -لله]

انا درت جلبانة و سلاطة و بطاطا مقلية

[lamia zina]

هدى و الله غير قصتك قصة مع كنتي صغيرة و النهاية سعيدة
بسومة و صبورة وين راكم راكم تتعشاو...........

[أمة الرحمان السلفية]

المشاركة الأصلية كتبت بواسطة samasim

لبنات الاحد نروح للطبيبة اتاعي ....مقلتلكمش رحت يوم 24 من الدورة ..لقات عندي ماء يعني سوائل فالرحم
يعني معمرة الرحم ...قاتلي لازملك منظار مرة ثانية ...ولازملك انحولك الانبوبة المريضة خاطش هي سبب السائل
يعني طاتني دفعة من الطاقة تشدلي شهر يعني رجعت نتسحب ............والنتيجة حمل طبيعي تقريبا مستحيل
واطفال الانابيب لازملي .........هاذ الدورة الطويلة واحتمال النجاح قليل
قاتلي ولي الاحد ثاني يوم من الدورة باه تعرف الما هاذا وش طبيعتو ومنين جا ...بالاك كاش واحد نسى الحنقية مفتوحة
هههههههههه

سماسم ربي يشفيك ويرزقك من عندو ماتحتجي لالطبيبة ولا دواء ولله صدقيني يطبا ماعد عندي فيهم ثيقة سماسم حنونة متتسرعيش علااش ماتروحيش لبغدادي بوعلاام ولا نعطيك رقم وحد العجوزة في البويرة الله يبارك عليها جتها مراة تبكي عندها 13 سنة بدون اولااد وطبيب عطها برية باش تروح لسببيطار مصطفي ينحولها الولدة تعها قلولها خمجت وهي تتبكي قلتلها ماتبكي ماولو قطعي البرية وتبعي عندي وتوكلي على ربي سبحان الله الشهر الاول بخرتها وسلتتلها ذك الخماج وماء الي في الرحم نحتلها نص بسينة من صغار تع خماج وقلتلها شهر الجاي زيدي ولي وعودت درتلها اعشاب ونقتها مليح ثم رفدت مسيكينة ومافقتش من خلعا تع طبيب حتي عاد يتحرك البيبي كي قلت لعجووزتها وسلفتها قلولها المرض الي فيك رهو يتحرك كي رحت عند الطبيب قللها واش هذ راكي بحمل وعندك طفل تخعلع قللها علااش مانحيتش الرحم واش درتي قتلو دوتني عجوزة قللها لازم جبيهالي كي رحت لعجوزة قلتلها ولله ماروح لوكان خذيتي ريو رهو وخذك انتي ثاني ان شاء الله يرزقك ويشفيك عزيزاتي

[basouma26]

اسمحولي لبنات كنت نحكي مع دارنا هدا وين كملت جبت قاع الاخبار هههههههههههه

نور الهدى الله يتوحشك الخير حبيبتي بصحتك التوقيع عجبني بزاااااااف عقبال ما ديري توقيع الحمل و نباركولك يا رب

[lamia zina]

سمرا انا درت كسكس بالحم و الخضار

[samasim]

المشاركة الأصلية كتبت بواسطة سمراء

كمسيتو ياشرات كعشيتو اسمحولي النت راحلي هذاوين جا واش راكم واش خباركم مرحبا حبيبتي سمسم أنا سميرة من الأغواط ويعجلها معرفة خير وان شاء الله هاذي اخر دورة حتال لتسع شهر تاع حمل الله يعطينا الحمل العاجل غير اجل يارب انك سميع الدعاء.

مرحبا بيك سميرة ...يسمع منك رب ان شاء الله ....واش تزيدي اتعرفينا

[أمة الرحمان السلفية]

المشاركة الأصلية كتبت بواسطة lamia zina

امة الرحمان حتى انا توحشتك و راكي في القلب كي تغيبي نعرف بيك حاجة شوفي جربي القسط البحري انا الامام رقالي في الزيت الزيتون و دار فيها قسط البحري و قالي ادهني بها جبهتك و الصدر و الرحم و المفاصل و كي حوست في النت لقيت بلي القسط البحري يستعمل لسحر الارحام و كذلك عشبة الفيجل تبخري بها و شربي مقدار فنجال يقولو ريحتها قوية على الشياطين و الجن .
سماسم ما تبعيش الطبيبة حتى تشوفي راي طبيب اخر وين جاية هاذي الطبيبة تاعك...

بارك الله فيك لمياء انا راني ندهن بزيت زيتون درت فيه الفيجل وحرمل والله واش نحكيلك رهو صير فيا العجب اللهم لك الحمد