تجمع سيدات ليبيا الغاليات..

[dr.loly]

درت بيتزا وسندويتشات وبسبوسه من جديد ههه

جارتي كلمتني قالت بنجيك ف ليل


وتوا ابوفروسي عدا يلعب ف كوره مع اصحااابه..


نذكر مره سألتوا ع شئ هذااا


زوجي من عشاااااااق لعب الكوره..

حتى هنا يلعب فيها اكثر قعد مرتين ب الاسبوووع


...

[dr.loly]

هدووو ماتقوليش مرات حملك الثاني اسهل ان شاء الله

ع قولة عزايزنا كل بطن وعجبها

[dr.loly]

نستأذن تواااااا الباب يدق

[هدية الخالق]

المشاركة الأصلية كتبت بواسطة dr.loly

اهلا هدووووو

حتي نفسك ونفس سوسو


نتابع بس عندي برنامج روعه اسمه مراحل الحمل ع النقاااال ف الاء


كل اسبوع جديد ندخله يجيني تذكير دخلت اسبوع جديد .. وهو مثلا 28الاسبوع

ويعطوني تطورات لي تصير للبيبي وليا فيه .. وشكل الجنين ب هالفتره


بس ايام فراس الجالاكسي نوت مازال ماخديته..

كنت نتابع نفسكم ع النت ديماااااااا

إيه يا فروسه حتي موقع بيبي سنتر هكي يبعت تطورات الجنين أسبوعيا ويقولك خشيتي أسبوع كذا وقاعد لتوا يبعتلي تطور طفلك أسبوع بأسبوع وكل أسبوع يعطوك فكره لعب لطفلك متلا يكتبوا ألعاب هذا الاسبوع ويعطوك الفكره لكن والله ما انطبق هههههه جربت مره حسيتها ما انسجمتش تبي ألعاب عفويه

[هدية الخالق]

المشاركة الأصلية كتبت بواسطة dr.loly

هدووو ماتقوليش مرات حملك الثاني اسهل ان شاء الله

ع قولة عزايزنا كل بطن وعجبها

أن شاء الله يا فروسه والله كلهم يقولولي فيها بس ما نصدق نين نجرب ههههه

[هدية الخالق]

فروسه وينك شكله عمك الحاج اللي يجيبلكم في الديليفري ههههه
مره سألت راجلي ليش احني مايجيش للباب قالي لأنه احني ساكنين في عمارة يحطوا فيه تحت عندهم وتنزلي تستلميه لكن الاحياش الارضيه يجيهم للباب لكن صاحبتي قاتلي والله هكي اريحلكم احني ازعاجات مرات راقدين الصبح

[fefe93]

هدية الخالق
ايه توا يمشوا بسرعه بس خايفه من الولاده هلبه انقول لراجلي نبي انجيب بالعمليه يقلي لا طبيعي هدا كله خايفه من االوجع
ايه اهني احسن القرايه لما نروح الي ليبيا نبدا فاضيه مافيش حاجه وراي وخاصة احني ليبين مجتمع اجتماعي مرات يجيك حد وله تطلعي عندك مناسبه ويبدا مرا عندك امتحان ويقعد كل شي في خاطرك .
فاحسن شي الواحد يكمل قرايته اهني و يروح يبدا فاضي .
ام فراس
تسلمي
اني في مدينة اسمها مونستر تقع غرب المانيا

[ام معاد]

سلمك ياهدو .والله سفهتني في الجياب ج جيت انسلم عليها قتلي شني انقولك عقبالك قتلها ﻻ ﻻ مازال شوي

[هدية الخالق]

السلام عليكم
شن الجو توا
فيفي ربي يسهل عليك ما تخافيش من الولادة أنتي ادعي بس وباذن الله ربي ييسرهلك لكن ما تفكريش في العمليه مادام وضعك يسمح بطبيعي هوا يوم ويفوت وترتاحي كلا العمليه تقعدي تعاني شهور وبعدين أنتي في بلد أجنبية اكيد في عناية ووسائل تخفيف زي ابره الظهر والا اي شي يخفف الوجع
ام معاذ حتي أني جاية منقولك العقبالك بعدين ترددت ههههههه
والله تصدقي حتي أني سفهتني بالجياب هههههه كأني ريقي يابس عالصغار والا ليا سنيييين

[جوهرة ليبيا]

عاشت الاسامي حلوين ربي يحفظهم

بيبي سنتر مرات نسكر اميلي ونغفل مانفتحاش نلقاه امعبي بيه ههههههههه الحق هو حلو ومفيد