تجمع الجزائريات الغاليات المتأخرات في الحمل ‏

[rayhana05]

المشاركة الأصلية كتبت بواسطة barbi alg

ريحنة شريتي ليكوش هههه
اختي شرات تاع لكبار كل فالسبيطار قالولهم كامل لي يولدو يستعملوهم خاصة تاع سيزاريان
خاطر كي يبقاو راقدي يوصل الدم لظهرهم

هههههههههه
و الله غير جابهملي و رجعتهم
ايه مام اختي هاذاك النهار كي نحات الفيبروم داروهملها
و مرت خويا قاتلي ادي معاك اوموان زوجقاتلي ملاح و تبقاي نضيفة
شريت نورمال برك

المشاركة الأصلية كتبت بواسطة barbi alg

نهار لي تخرج فيه نعملولها عشا تاع المزيود
راها حايرة فالاسم
عجبها اسم يانيس وراجلها محبش

اسم يانيس مليح
كون تسمع مريم تيري عليه
المهم تسلك على خير و الله ما اهم الاسم

المشاركة الأصلية كتبت بواسطة أم نهى الجزائرية

مساء الخير حبيباتي واش راكم كامل نشاء الله تتكونو بخير

كنت مع لمشينة هذا وين طفيتها و جيت حكمت بلاصتي و قلت نطل عليكم

لبنات و الله غير راني نحس في وحد السطر في الجهة اليسرى و في ظهري التحت من جهة لكلى راهو مقطعني تقولشي موس قاعد يغز في خاصة الجهة ليسرى عند المبيض راهو قاتلني

يعني تقدرو تققولو بلي ماخطانيش التنغاز فيها هادي مدة شهر و الله غير راني خايفة كاش ما يكون عندي بلاك التكيس زاد بزاف في المبيض و زاد اتنفخ اكثر من الي كان لانو ماشي طبيعي يبقى التزيار هاد المدة كامل

ام نهى علاش ما تروحيش للطبيبة و تريحي روحك

[rayhana05]

لبنات تصبحو على خير غدوة ان شاء الله
مقدرتش لقعاد

[barbi alg]

اهلا ام نهى واش راكي اختي
ريحانة ههههه لالا علابالها مريم قاتلي هي لبارح كي قلت لاختي عجبها يانيس وميران بالصح راجلها معوج
اختي تخدم فالسبيطار بعد كامل قالولها ادي معاك لكبار خاطر من السطر كاين لي ما ينجموش يوقفو هههههههه
تفكرت عجوزتي مسكينة نهار دخلت سبيطار ودارتهم عجبوها خلاص هههههه

[barbi alg]

ونتي من اهل الخير اختي

[أم نهى الجزائرية]

اهلين باربي واش راكي ختي

شفتي للاسف ما لحقتش على بسومة خرجت قبلي بلحظة

لبنات ماراكمش تلاحظو بلي هدى ما زادتش دخلت من البارح والله غير تقلقت عليها هي و راجلها ما نعرف كيفاه صرالهم

يا رب كون غير تدخل

[نور اليقين]

هاني رجعت كنت مع الارشيف طويل بزاااااااااااااااف دوحني ماقدرتش انكمل مرحبا ب20سنة انتظار ربي يفرج عليك ويرزقك بالذرية الصالحة ومرحبا بيك اخت خولة

[أم نهى الجزائرية]

مرحبا بيك نور اليقين

وين رحتو يا لبنات؟؟؟؟؟؟؟؟؟؟؟

دوختوني اليوم كامل و انا نحوس عليكم

[نور اليقين]

المشاركة الأصلية كتبت بواسطة bassouma

الله يسلمك نور يقين هذي غيبة واش حوالك

الله يسلمك الله لايغيبك حبسونا الانترنت ماخلصهاش وانا استحليتها كنت مع الدورة وقلت باه خليني الانترنت ندير دوايا مليح درت بخار الزعتر والفيجل وهاديك الخلطة انتاع ام لجين جربتها عندي عامين مي ماقدرتلهاش حرقتلي ليسطومة وعندي القلون لهبتني دخلتني فالمليحة ومازالت الخلطة عندي مخدومة واش لبنات عندها عامين وهي في باط انتاع الزجاج فالخزانة ماتكونش فقدت مفعولها يعني ماتكونش فسدت لوكان نستخدمها

[نور اليقين]

المشاركة الأصلية كتبت بواسطة أمة الرحمان السلفية

اهلا وسهلا بالقمر نور اليقين واش راكي ياتوئم تعي توحشتك بزاف بزاف

يتوحشششك الخير والربح حبيبتي واش راكي انت كاش مالقيتي وين تقطعي التابعة ولا لا انا راني روشارشي

[samasim]

سلام لبنات واش راكم كامل .....يارب تكونو كلكم بالف خير .........انا وليت ماكنتش بعيدة بصح وليت ....يارب تكون عودة مربوحة ان شاء الله .......