تجمع الجزائريات الغاليات المتأخرات في الحمل ‏

[ASMA layal]

ام نهى صح عندك الحق الناس هادي خدمتهم..........التصاور لي حطيتيهم يهبلو

ريحانة ربي يسهلك ان شاء الله ماتتقلقيش

عبير حتى انا توحشتك والفايس عندي شحال مادخلتش بلاك في الليل ندخل دوكا راني نكونيكتي بالتيليفون

[أم نهى الجزائرية]

وينك يا بسومة غبتي مرة وحدة هههههههههههه

[rayhana05]

المشاركة الأصلية كتبت بواسطة 20 سنة انتظار

اهلا و لدتي و لا نجي نولدك
ايه كملت الربع سواايع بعد ما فقدت كااااااااااامل قوايا خخخهه
ههه نقصر برك راني خففتهم شوييا قرينا مع الفوج الاول ساعة و الساعة التانية جبتلهم داثاشو و وريتلهم فيديوهات للتوضيح و الفوج التاني كيف كيف
و زيدي للربع سوايع تا ع العشيا متنسايش زوج سوااايع صباح مع قسم ادبي يقلقو قباااح .... نحب نقري لقسم العلمي خير

والله محب يخرج يا هدي كان تجي تعطيه طريحة ارواحي هههههههههه
ربي يرزقك في القريب حنونة و افرح قلوبكم كامل ان شاء الله

المشاركة الأصلية كتبت بواسطة nourelhouda

البنات الزينات بعثتلي دورك خولة راهي معرسة ههههه،،، ربي يكثر الفراح و قالتلي سلميلي عليهم كاملين وحدة وحدة ،،،،،

الله اسلمها
و الله سخفتني سلمي عليها هي تان نور

المشاركة الأصلية كتبت بواسطة basouma26

لبنات واش راكم راني جيت
ام نهى الف مبروك ان شاء الله يثبت حملك يا رب و ان شاء الله كل يوم تجي وحدة تبشرنا
20 سنة انتظار تشرفت بيك اختي ان شاء الله نربحو عليك و تكون عتبتنا مبروكة عليك يا رب
عبير على سلامتك مزية غير الانترنات كان دايرها و ماشي حاجة اخرى الحمد لله اللي راكي مليحة
نور الهدى واش راه البوبون و اختك راحت و لا مزال و الله اعطيني قلبها ما نقدر نروح و نخليه و صحيتي اللي طمنتينا على منيرة مسكينة ربي يشافيها ان شاء الله توحشناها مسكينة
مريومة كيدار يانيس شوي
ريحانة كيراه الزعيم و الله نسيت اسمه ربي يحفظه ان شاء الله
باربي و المغتربة كنتو مطولين الغيبة هدا وين
صبورة و امة الرحمان و لاميا مادخلتوش اليوم غير الخير مالفين منشطين الحالة
اترج و نور اليقين وين راكم
سهام الله ينجحك ان شاء الله في قرايتك و الله سعداتك راكي معمرة وقتك بفايدة
بسومة انتي تخدمي في ولاية و تسكني في ولاية ولا واش
سلمى التوقيع اللي درتيه يهبل الله يرزقك بنت كيفها قولي آمين
خولة بصحتك العرس كملي و ارواحي حكيلنا

لبنات راني كامل سقسيت عليكم ان شاء الله ما نكون نسيت حتى وحدة

زعيم نتاع الصح تان
كيفاش الزعيم و تنسي اسمو
هاذي برك منتفاهموش عليها بسومة
حطي رجليك في الصح هي باش نقولهالك
اسمو مهدي و هي مكتوبة بالازرق و كبيرة باش ماتزيديش تنساي

[عبير الحرية]

ريحانة قررتي تسميه مهدي اسم شباب ربي يجيبو بالسالم يارب

[lamia zina]

صبورة ادخلي فرغي قلبك رانا هنا .
اسماء على سلامتك شحال عندك زواج واش هو المشكل تاعك

[barbi alg]

انا كنت دركا عند فاميلتي لي ولدت
قالولي لعقوبة ليك مقدرتش نشد روحي
درك رجعت للخدمة درت حالة بالبكا غاضتني عمري عارفة تاع ربي بالصح الله غالب مقدرتش نحكم في روحي
وزيد اختي قالولها بالجمعة تدخل لبلوك تولد سيزاريان

[عبير الحرية]

باربي حنونتي معليش حاجة ربي انت مؤمنة و المؤمن مصاب ربي يهديهم العباد هاذو

روحي توضي و صلي ركعتين و استغفري و ربي يعطيك انت و كل البنات

يااااااارب الذرية الصالحة و المعافاة في القريب العاجل

يا ربي راني صايمة و دعيالكم من قلبي كامل زينات و كيما العسل تستاهلو كل خير

[lamia zina]

شكرا عبير على الدعوة يصح واش راكي صايمة يخي ماشي مليح الصيام للحامل

[rayhana05]

المشاركة الأصلية كتبت بواسطة عبير الحرية

ريحانتي ساااااامحيني على بالي تاخرت عليك الله غالب فطرت و شربت الماء عييت نوقف و الله هذا وين تقهويت و انفتحو عينيا جيت نجري

يعطيك الصحة و ربي يتقبل ان شاء الله

المشاركة الأصلية كتبت بواسطة basouma26

قولولي لبنات شكون ما عجبتهاش بوقالتها

انا مدرتيليش فاش بسومة
من قبيل نسيتي اسم الزعيم و دوكا نسيتيني انا كامل في البوقالة

المشاركة الأصلية كتبت بواسطة أم نهى الجزائرية

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه ياختي بسومة كون تعرفي واش راهو صاري في
























كل احلالامي تبخرت و طارت مع الهواء راني في حالة لا يشوفك من الصبح و انا نبكي حاسة الدوخة تدي في و تجيب و مخنوقة قريب نتفجر


نزل علي اليوم الفجر دم مع الام من البارح يقطع في و اكيد هادي الدورة هبطت



يا خسارة ها الانتظار و الحيرة والشك و الفرحة على باطل مارانيش لاقية ويم نحط وجهي منكم

قالك خصني غير توقيع الحمل مازال ما حطيتوش و الله كي نشوفو غير يتقطع قلبي راسي راهو قريب ينفجر من لوجع


حسبي الله و نعم الوكيل اللهم ااجرني في مصيبتي و اخلفني خيرا منها

ربي اعوضك اختي ام نهى و متقلقيش روحك
اسلكها ربي سبحانو ان شاء الله

المشاركة الأصلية كتبت بواسطة عبير الحرية

اسوووووووووووووووووم و اخيرا تلاقينا واش راكي حنونتي ما لقيتكش خلاص في الفيس توحشتك يا الزينة

ريحانتي ما تقلقيش انا ولدت في الاسبوع 39 و 4ايام

يا يما على 39 واش عاد اصبرني يا عبورة

المشاركة الأصلية كتبت بواسطة asma layal

ام نهى صح عندك الحق الناس هادي خدمتهم..........التصاور لي حطيتيهم يهبلو

ريحانة ربي يسهلك ان شاء الله ماتتقلقيش

عبير حتى انا توحشتك والفايس عندي شحال مادخلتش بلاك في الليل ندخل دوكا راني نكونيكتي بالتيليفون

اسماء حنونة وشراكي لاباس شويا
و الله غير عييت
بصح ما بقاش الكثير ان شاء الله و لعقوبة ليكم كامل يا رب

المشاركة الأصلية كتبت بواسطة عبير الحرية

ريحانة قررتي تسميه مهدي اسم شباب ربي يجيبو بالسالم يارب

ربي اخليك حنونة
مام انا عجبني توقيعك سيرتو الهدرة الي راه اقول فيها
تقول نحكمو نعضو و هو في كرشك
لعقوبة ليك نفرحو بوليدك يا رب
معلاباليش واش عندك بصح ان شاء الله اكون ولد

المشاركة الأصلية كتبت بواسطة barbi alg

انا كنت دركا عند فاميلتي لي ولدت
قالولي لعقوبة ليك مقدرتش نشد روحي
درك رجعت للخدمة درت حالة بالبكا غاضتني عمري عارفة تاع ربي بالصح الله غالب مقدرتش نحكم في روحي
وزيد اختي قالولها بالجمعة تدخل لبلوك تولد سيزاريان

باربي حنونة متقلقيش روحك
ربي احنين كريم و ان شاء الله يرزقك في القريب العاجل
و اختك ان شاء الله ربي اسلكها على خير

[عبير الحرية]

لمياء زينونة راهي اختك عبير فايقة خلاص طحت عليها صياااام

الشهر الي فاتو اجر و حتى ذي الحجة صمت 8ايام و بقالي الديت صمت 4ايام

و بقاولي 2ايام صمت امس و اليوم مانيش مالفة نخليهم لضركة و خفت هكا شوية نعيا و يجي السخانة

صدقيني نهار نصوم يعطيني ربي القوة تقولش مانيش بالحمل