تجمع الجزائريات الغاليات المتأخرات في الحمل ‏

[rayhana05]

المشاركة الأصلية كتبت بواسطة jiji belle

habibti rayhana ana netmana rabi yekremni w ykoun 7aml bsah l a3radh kaml mech ta3 7aml
kerchi menfoukha w les douleurs yroho w yjiw
rabi yjib lkhir
mais lakan mech 7aml haba na3ref leh dert kima hak jamais sratli
kant max 15 jours retard
tbiba gatli 3amil nafsi
ed3iwli rabi yjibli li fih lkhir

حنونة ربي اجيب الي فيه الخير ان شاء الله
و كيما قاتلك هدى انا تان كنت نشرب دوفاستون الا كان حمل اثبتو و الا ما فيه والو تهبط
بصح جيجي متحيري روحك ماوالو انا قبل ما نحمل كانت ديرلي بلوكاج منشوفهاش شهرين و من بعد تجي وحدها كي المبخوصة حتى رفدت الحمد لله و لعقوبة ليك و ديرلك كيما انا
مشتهاش شهرين و الي بعدو حملت
ان شاء الله تفرحو كامل
واش برك انساي فكرة الحمل نهائيا
الله يرزقكم كامل

المشاركة الأصلية كتبت بواسطة 20 سنة انتظار

ربي يخليك ريحانة ربي يسرلك امورك
انا اليوم راجلي جاب اللبن و قالي اخبزي كسيرة برك
امالا دوك شوي نروح نشقى على وحد ال6 قارصات هههههه
ام نهى العزيزة
التلقيح الاصطناعي هو انو يديو عينة من السائل المنوي و يحضروه يعني ينحولو الشوائب و يزيدولو مواد و غيرها و مبعد يحقنوه اخل رحم المراة
اما الحقن المجهري انو يديو بويضات ينظفوها و يحطوها فالحاضنة
و يخرجو حيوان منوي واحد باستعمال الميكروسكوب و يحقنو هداك الحيوان المنوي في هيولى البويضة مجهريا و يخلو عندهم البويضات 48 ساعة قبل ما يرجعوها لرحم المراة
خاطر فال24 اعة لولين باه يتاكدو اسكو حدث الالقاح و الاخصاب و 24 ساعة التانيين يتاكدو من انقسام الخلايا و مبعد ينقلوهم لرحم الام
يعني هادي الطريقة متظورة اكتر و تزيد فيها فرص النجاح

ربي اخليك هدى و الله غير دخلتي قلبي نتاع الصح الله ابارك
ماشاء الله اكسبليكاسيون نتاع استاذة علوم باينة هههههههه
بصحتكم انا كون نديرلو هكا اتيري عليا
انا لازم الطابلة مقلانبة من الطرف للطرف
الشربة و الجواز و الكسرة اوبليجي و الحميس و السلاطة
راجلي سامط المهم عمري الطابلة ياكل بعينيه
اليوم درت سوب نتاع خضرة و سلاطة و طماطم و فلفل مقليين و كسرة مبسة

[alma021]

المشاركة الأصلية كتبت بواسطة أمة الرحمان السلفية

ابشركم اناحامل بعد سنين من الانتضار
السلام عليكم اخواتي المتاخرات عن الحمل
حبيت ابشركم بحملي بعدسنوات من تاخر
الحمل والاننتضاروالسبب تكيس المبايض
وضعف التبويض والحمدلله ربي اكرمني
بالحمل بعدعشرسنوات والسبب الدعاء
والاستغفاروقراةسورةالبقرة والصدقه
اللهم لك الحمدوالشكرحبيت ابشركم خواتي
الي متاخرات عن الحمل وادخل في نفوسكم الامل
لاني كنت متاخرةوحاسه فيكم وكنت اذا
قريت ان وحدةحامل يشهدالله افرح لها من قلبي
واقول ان شاءالله يجي يوم وابشرهم بحملي
والحمدلله ماخيبني رربي ادعولي الله يتمم حملي ويخفف
الوحم مرةتعبني
والعقبى لكم يارب

علابالك امة والله العظيم غير قفزت من بلاصتي ورحت نجري لراجلي قلتلو واحدة معانا راهي بالحمل عندها قايت 10 سنوات زواج حتى هو فرح ......
والله غير حسبتك انت قلبي بدا يخبط ان شاء الله لعقوبة ليك كي اليوم تجي تفرحينا

[rayhana05]

لبنات نخليكم على خير
نروح نكمل عشاتي و من بعد الا قعدت راني نجي
تهلاو في رواحتيكم

[jiji belle]

ranaaaaaaaaa hnaaaaaaaaaaaaaa
chokran habibti
ana haba nochreb dufaston w metrada

[الشاكرة -لله]

يبارك فيك اختي ريحانة
راجلي ولا يحب السامبل خاطر موالف معايا غير ننوع و نزيد فالماكلة خاطر ما نلقى ما ندير نصيب الوقت نطيح عليها شغل الدار المسيح النفيض الطياب نكمل شغلي و نروح نخدم شغل عجوزتي و مرات نقلها هيا نعجنو فطير .. هيا نديرو شخشوخة هيا هيا ..هههههههههه
و هي تتهاوش يا مرا اقعدي راكي تديريها غير في صحتك و انا صدقيني كي نخدم خير نلقى راحتي
نروح نقري ... نوجدلهم فيديوهات و ملخصات من الناث باه يفهمو مليح و نزيد نبروبوسي عليهم يجيوني للدار لي ما فهمش حاجة راهم هوما برك يتفنينو ميحبوش يجو
المهم منحبش قاع القعاد خاطر ديما كي نلقى الفيد يجيني التخمام تاع الحمل و ننهار كامل
علابالي كون رزقني ربي بالاولاد نولي منلقاش روحي و انا نزيد نحوس على الوقت بصح هادا مكتوب ربي .....

[صبورة]

jiji bell
بلاك راكي بالحمل..
بنت وليد عمتي
العام اللي جاز قريب هبلت شهرين ونصف و هي بالحمل و ماظهرش لا فالتاست و لا في تحليل الدم و الطبيبة قالت لها نعطيك حبوب تشريها باش تهبط عليك..و هي ماحبتش و لما صبحت قريب فالثالث تخيلي ظهر الحمل في ليكو..و كملت الحمل عادي و ولدت طفل الله يبارك..العقوبة ليك ان شاء الله..
الحالة هادي صرات ثاني في 2005 لوحدة جارتي من عنابة .. شهرين ونصف حالها مقلوب كامل و مابانش الحمل..حتى وحد القابلة قديمة دارتلها حاشاك لاتوش باصبعها قالت لها راكي بالحمل..عرفتها من الكول مغلوق..و راحت معاها للطبيب اللي قال لها ارواحي نعملك الكورطاج..و قبل ما يديرلها قالت لو القابلة راهي بالحمل..قال لها هو ماكانش منها على خاطر ماظهرش لا التحليل انتاع الدم ومابانش فالايكو..قالت راهي بالحمل اكثر من شهرين..و ماذابك تديرلها ايكو بلاك يبان..تخيلوا هو درالها ايكو وبان الحمل عادي..هو استعجب قاللها سبحان وين كان مخبي..

[lamia zina]

20سنة انتظار ما قلتيليش اذا وصلتك رسالتي ...................

[الشاكرة -لله]

سبحان الله اختي صبورة
صح جيجي بال انتي اصبري و انشاء الله ما تنزلش عليك و تكوني بالحمل يا ربي

[الشاكرة -لله]

اهلا لمياء
لالا موصلاتنيش الرسالة ....

[أمة الرحمان السلفية]

المشاركة الأصلية كتبت بواسطة alma021

علابالك امة والله العظيم غير قفزت من بلاصتي ورحت نجري لراجلي قلتلو واحدة معانا راهي بالحمل عندها قايت 10 سنوات زواج حتى هو فرح ......
والله غير حسبتك انت قلبي بدا يخبط ان شاء الله لعقوبة ليك كي اليوم تجي تفرحينا

الما اختي كيمايقول المثل الشعبي كي تفرح اليتيمة وشكون تبكي ديما راني بلالة مولتي الي محبتش تخطيني شدت بيا بعشر يدين ربي يجيب الخير وان شاء الله ركي فولتلي فال خير امين ليا ولكل الاخوات في التجمع