تجمع الجزائريات الغاليات المتأخرات في الحمل ‏

[ASMA layal]

ام نهى مرحبا بيك حنونة بين خياتك ويا رب تربحي علينا ونربحو عليك

انا من العاصمة 24 سنة عندي عامين ونص زواج ومازال ماكتبش المكتوب

[Nourelhouda]

اهلا ام انهى كنت قريت مشكلتك ربي يشفيك و يعطيك الصبر،،،
انا نورالهدى من العاصمة و متزوجة في البويرة عندي اربع سنوات زواج و 23 يوم ههههه حاسبتهم بالنهار،،،،، حملت بعد ما حبست جبوب منع الحمل بعد 8اشهر زواج و طرحت بلا ماعرفت اني حامل روطار تاع سبعة ايام، ربي يعوضني و لحد الان ما حملتش لان زوجي رجع عندو العدد صفر،،، الله يشفيه و يرزقنا الذرية الصالحة،،،، و ان شاء الله يجعل عتبة هذا التجمع عتبة خير و يرزقك الحمل السليم المعافى،،،،،

[Nourelhouda]

صباح الخير الزينات ،،،،
هذي وصفة لقيتها في واحد الموقع مغربي واقيلا،،،،، حبيت نحطهالك تجربوها،،،، سورتو فيها زريعة الجزر و اللفت الذي ذاع صيطهم بزاف على مساعدتهم للحمل ،،، و قالك مليحة للعجز الجنسي و مشاكل الدورة الشهرية،،،، بسم الله

وصفة جمال الصقلي للعجز الجنسي والحمل وتنظيم الدورة الشهرية
الوصفة يقول الدكتور جمال الصقلي صالحة للنساء والرجال معا تحل مشاكل الزوج والزوجة وحتى للغير المتزوجات اللي كيلقاو مشكل عدم انتظام الدورة الشهرية حتى لو كانت منقطعة -يقول- ستة سنين فإن هده الوصفة تعيدها ،وحدوث الحمل بإدن الواحد الأحد

لا تشرب وقت الدورة،،،،،غير تصفاي اشربيها،،،،

إليكم الوصفة
حفنة حمص
ربع ملعقة من سكنجبير نفس المقدار لكل من القرفة - زريعة الكرافس - قعقلا أي الهيل -
الكبار - السالمية أي المريمية - الخدنجال - زريعة خيزو أي الجزر - زريعة اللفت -

زريعة البصلة
يرقد الكل في الماء ليلة كاملة يطحن في مولينيكس يصفى في قطعة قماش نيلون أي ليبا وماؤه يأخد مع أي عصير تحب أو مع العسل كل صباح وحتى ليلا إدا أحببت
بالنسبة للنساء تزيد على الوصفة حبة حلاوة و النافع
ادعولللييي راح نجربها ان شاء الله،،،،

[Nourelhouda]

و لقيت هذي
اخبرتني امراة بوصفة حملت الكثسر من النساء بعد استعمالها سهلة وطبيعية
قليل من زريعة الجزر + زريعة اللفت + زريعة البصل تقريبا 10 دراهم للكل
تنقى جيدا وتوضع في مقلاة حتى تتحمص قليلا ثم تطحن جيدا وتخلط في 1 لتر من عسل "الدغموس"
في المساء قبل النوم تاخذ الزوجة ملعقة متتبعها بكاس من الحليب الدافئ والزوج كذلك نفص الشئ
وفي الصباح قبل الافطار ياخدون ملعقة من العسل ويتبعونها بكاس من الحليب وهكذا في الصباح والمساء لمدة 40 يوم.

[أم نهى الجزائرية]

صباح الخير حنونات
ههههههههههههههههههههه
واشي ترقدو بكري و طولو ما تفطنو؟؟؟؟؟؟؟؟؟؟؟؟؟؟؟؟؟
انا قلت نجي نلقاكم رديتو علي و لكن ما لقيت حتى واحد خسارة

[bassouma]

المشاركة الأصلية كتبت بواسطة أم نهى الجزائرية

صباح الخير حنونات
ههههههههههههههههههههه
واشي ترقدو بكري و طولو ما تفطنو؟؟؟؟؟؟؟؟؟؟؟؟؟؟؟؟؟
انا قلت نجي نلقاكم رديتو علي و لكن ما لقيت حتى واحد خسارة

صباح النور حنونة ردينا عليك قري واش كتبتلك و أسماء و نور الهدى

[صبورة]

المشاركة الأصلية كتبت بواسطة أم نهى الجزائرية

اهلين حبيباتي انا اول مرة ندخل للتجمع ديالكوم مادابيا ترحبو بي بيناتكوم كما وحدة من خياتكوم

ام نهى الجزائرية

مرحبا بك معانا اختي
ماتخميش كامل
رانا هنا عائلة وحدة
مع الوقت راكي تعرفي..

المشاركة الأصلية كتبت بواسطة أم نهى الجزائرية

الشكر للاخت صبورة هي الي دلتني عليكم ربي يجازيها خير

حابة تشاركوني همومي و تطمنوني لاني تعبت بزاف و محتاجة شكون يوقف معايا بالمحنة ديالي
خاصة انو زوجي راح يخدم وخلاني ربي يرجعو سالم غانم يا رب و يحميه من كل شر

انا كنت حطيت مواضيع جديدة بالمنتدى فيها استفسارات بزاف و لكن ما لقيتش تفاعل كبير من الاخوات غير البعض رربي يجازيهم خير
يمكنلانو حالتي معقدة شوية تقدرو تدخلو و تقراو الحالة ديالي و جاوبوني راجاءا والله غير دخت و ما وليت فاهمة والو

ام نهى الجزائرية

لا شكر على واجب انا قريت الموضوع انتاعك حبيتك تجي لهنا و تحكي حكايتك كاملة لانه اللي تدخل معانا لازم تحكي حكايتها باش نفهموها مليح و ننصحوها باللي نقدرو عليه ..
رانا نستناو فحكايتك من الالف للياء ...

[صبورة]

المشاركة الأصلية كتبت بواسطة أم نهى الجزائرية

صباح الخير حنونات
ههههههههههههههههههههه
واشي ترقدو بكري و طولو ما تفطنو؟؟؟؟؟؟؟؟؟؟؟؟؟؟؟؟؟
انا قلت نجي نلقاكم رديتو علي و لكن ما لقيت حتى واحد خسارة

ام نهى الجزائرية
صباح الانوار
لبنات ردوا عليك راهم يتعرفوا عليك على الاقل كيما رحبوا بك رحبي بهم انت ثاني ههه..
شوفي اكيد ما قدروش يعطيوا ولا راي الا لما تكتبي حكايتك كاملة كيما فهمتك و تشوفي الردود بعينيك..

[bassouma]

صبورة صباح الخير حنونة واش راكي
حبيت نسقسيك لي متتسماش دارتلي 4 أيام روطار و راهي في يومين مقطعتني بالوجع و قطع صغيرة (حشاك) واش هذا.

[basouma26]

صباح الخير عليكم لبنات الباهيات ان شاء الله راكم قاع بخير
ام نهى مرحبا بيك في التجمع نقولك ريحي شوي من التخمام بزاف كملي مع الرقية و الاعية و السمانة الجاية ان شاء الله تسمعي خبر يفرحك يا رب
صبورة دايما سباقة للخير الله يعطيك قد نيتك يا رب
بسومة ما ديريش في بالك هادي اللي ما تتسماش و الله غير تركبك الوسواس ديري الخلطات هاد الشهر و ربي يفرحك الشهر الجاي ان شاء الله
نور الهدى هادوك العقدات كل قريت عليهم من قبل و صالحين للرجال و النسا للخصوبة ديريهم و ربي يفرحك ان شاء الله ربي هو اللي يرزق احنا غير نديرو السباب
لاميا و نور اليقين البصلة درتها على خاطر تنفع للبرد و الله كي درتها الافرازات اللي طاحت حاشاكم و الطريقة هي
جيبي بصلة و قطعيها رونديلات و شيحيها في المقلاة بلا زيت حتى تشوفيها بغات تتحرق ديريها في كومبراس و دري فوقها الشيح و تم تم غطيها و خليها شوي تدفى و ديريها و رقدي تم تم حتى للصباح بصح دفي روحك من بعد انا درتها عاد سخونة شوي طيتني هههههههه ما قدرتش نستنى و لازم ديريها اليوم اللي تصفاي فيه مباشرة و الله يجيب الشفا ان شاء الله
خولة الحمد لله اللي راكي في داركم ريحي شوي ركي نافسة
الما و جميلة كي درتو شوي من خواطركم على فراق حبابكم
اسما حبيبتي شكرا على الدعوة و الله يفرحك يا رب
سهام واش بيك ماكنتيش طولي علينا كنتي انتي اللي ناشطة غير الخير
امومة و وصال و اميرة و امة الرحمان اترج لوزات توحشناكم بزاف طلو علينا طمنونا عليكم