الحجامه والحمل

[املي بلله]

السلام عليكم و رحمة الله و بركاته

صح اني مب من النوع اللي يشارك وايد بالمواضيع بس أنا متابعة وياكم على الخط

المهم حبيت أقولكم عن تجربتي في الحمل

طبعا أن من عرست ما كنت مستعجلة للحمل كنت افضل أأجل لسنة أو سنتين ... و في كل الحالات دورتي ما كانت منظمة يعني كل ثلاث شهور أو أربعة شهور تنزل :s

و لما سرت فحصت طلعت النتجة كالآتي:

- تكيس شديد بالمبايض " تقريباً 9 أكياس على كل مبيض"
- تضخم المبايض بثلاث أضعاف الحجم الطبيعي
- انحناء خلفي للرحم بنسة 25% بس اعتقد هذا ما يأثر وايد
- و طبعا هرمون الحليب مرتفع

باختصار نسبة الحمل ضعيفة جدا ... بعد العلاج لفترة شهور و حبوب تنظيم الدورة .. نفسيتي الهادية صارت عصبية للأسف الشديد من أقل الأسباب .. و أنا مب من النوع اللي يعصب على الناس .. فيتم بخاطري أو أطلعه بمجهود رياضي

و فوق هذا كله الدورة بس اتيني 3 أيام بس و نزيف بسيط ... مع أنه أول اتيني 7 أيام غزيرة في البداية و اتخف مع الوقت.. بس على الأقل احس الرحم يكون نظيف عقبها .. بس مع الحبوب انقرفت شهور الدورة 3 أيام و الباقي ينحبس ,,, أنا جيه أتخيل .. يااااااااك

بس لما شفت هذا كله ما منه فايده .... قلت خلاص ما برجع للأدوية و لو شو أنا من طبعي ما أحب الكيماويات و الهرمونات و غيره .. أحب الطبيعة

المهم من وقفت الحبوب طبعا الدورة ما نزلت .. لين ما فكرت اسوي شي .. كلنا نسمع عنه بس هل هو قلة اقتناع أو ثقة بالطب الحديث فوق التصور .. أو مثل ما شفت من بعض الناس فوق التعقل ..

=========== طولت صح ... يالله اللحين بخلص ==============

في تاريخ 5-8-2004 يوم الخميس جربت الحــــــــــــــــــــــجــــ ـــــــــــــامة

طبعا البعض بيقول أيي و يخوف و غيره من ها الكلام .........

بس من تجربتي لا خوف و لا الم و لا بطيخ ..

المهم سبحان الله يوم الثاني اللي هو يوم الجمعة نزلت الدورة .. بس أي دورة حسيت بالمبايض لأول مرة في حياتي ... أحسها مثل اللي نشت من سبات مدته سنوات طبعاً كانت غزيرة بس لدرجة معقولة .. بس تمت عندي 7 أيام طبيعي جدا

و من ذاك التاريخ ما أتأخرت عندي يوم واحد .... انظبطت مثل الساعة الحمدالله رب العالمين

و بعد ستة شهور من ذلك اليو سرت فحصت و طلعت النتائج كالآتي:

- لا يوجد تكيس مبايض و لا أي أثر لأي كيس
- حجم طبيعي جدا للمبيضين
- الرحم بصحة جيدة و الحمد الله
-
-
-
-
-
-
-
-
-
-
-
-
-
--
-
-
-

-
--
-
-

-
- و أنا حــــــــــــــــــامـــــــــ ـــــــــــــــل



حبيت أشاركم تجربتي يمكن حد يستفيد أو تاخذون فكرة

والله يرزق كل وحده فيكم بالذرية الصالحة ان شاء الله .. و يسهل على كل حامل ولادتها

و مع السلامة