** ليبيا زين علي زين ليبيا ورد وياسمين ** تجمع الليبيات

[اوشي]

المشاركة الأصلية كتبت بواسطة sosolibya

هلا بأوشي صح على ديك ماشاء الله بديتي أستاذه في الخلفيات والله قد مادرت ماعرفت كيف..

كيف حالك وحال الصغار..

وشن جو الإمتحانات

وشن جو الطقس قاعدة المطر..

هلا سوسو شخبارك انت والعيال

معليش هذا حالهم الرجالة يطلعو ماعتش يعرفو يجو


وانا حالي باهي والعيال حال القراية والامتحانات..

وجونا اليوم مشمس بس اليومين اللي فاتو امطار الله يبارك ويزيد

[جوهرة ليبيا]

السلام عليكم ورحمه الله وبركاته

[جوهرة ليبيا]

كيف حالكم جمييعا ياغاليات

يارب اتكونووا بخير
مشغوووووله طول اليوم فراغي بسيط نقضيه نلعب في صغاري او نتمشي عالسير

نتمني انرد علي كل وحده

حنيت ودرت الحلوه ورنو روحت بيها خالتها باتت مع صغارها من امجيبتي قعدت عندها فبدت اتحب تمشي وخصوصا ان صغارها من عمرها

بديت في المراجعه ولله الحمد وتو بنبدا نمشي كل سبت نراجع عند ابلتي وبنسمع في نفس الوقت نبي انكمل الخمسه السور اللي مازالي

الابله امتاع الانجليزي وقتها ضيق وانا نبي ناخد راحتي في الدرس فقالت خلي النهار يطوال شوي ونبدوا

غدوه راجلي عازم صاحبه عالعشي

جهزت الدجاج كيف نقعته في ليم وميه ورشه ملح

بنوض انتبله لغدوه باذن الله

قررت اندير فاصوليا ورز لانه ماياكلش في المسقي

وبوريك الجبده عندي مفروم وطني مجهزاته

وطاجين

وبيتزا وخبيزات مشكله

وافخاد الدجاج

وسلاكات مشويه والكريكشيه

ولله الحمد من غير العصائر والشاي وتوابعه

[جوهرة ليبيا]

جنوده كيف حالك ياحلوه ربي يوفقك في قرايتكم والقفاطين رووووووعه وذوقي نفس ذوق فروسه

ام فراس شن اخبارك والعصافير العسولين وبوهم ومبارك ماشريتي ربي يهنيكم ويزيدكم

سوسو شلوووونك ياقمر وشن امدايره مع الصغار في هالصقع وصحيحتين العصبان

احني السبت بنديروه ان شاء الله

اثوره كيف حالك وحال السنافر والحمد لله علي سلامة اميمتك ربي يطول في عمرها

هدهد ربي يصبرك غربه وضياقة خلوق وبيبي صغير ربي يعينك وترجعوا بالف خير شن آخر اخبار السكره سما الشيطونه ربي يحفظها

اوشي يااوشي شن جو العرس صحصحي وتعالي هذرزيلنا ويارب اتكوني بخير انتي والصغار

شموووووووووووسه فاقدينك هلللللبه

امول هيا تعالي وطمنينا عليك وعلي فاتي ويارب متكونش زي جموني طول الوقت نايضه لا ليل لانهار ترقد


اللي يشوفني يزبطني طول اقصه نوم وراحه ومع جدول جديد درته لكن بنستمر وربي يسهل

خوله اهلا وسهلا بيك بين وخياتك تعالي وعرفينا عليك وماتقطعيناش وان شاء الله معرفه خير

[أثري في مدادي]

السلام عليكم ورحمة الله وبركاته
أهلالالالالالالالالالالالالالالالالا
بالغوالي ~~~~

حمدا لله على سلامة الغايبين
ومنورين الموجودين
وإن شاء الله يسامحوني المختفيين
بالك اشتدت لهجة العتـــــــــــــــــــــاب
لكن
ما ينشد عليك إلا اللي يحبــــــــــــــــــــــــــــك ~~~~~

أموري معقولــــــــــــــــــــــة
الريجيم مستمرة ومكافحة مع بعض العفسات
غدا نصكر شهـــــــــــــــــــــــــــــــــــر
في الوزن حوالي 5 كيلو نقصت
لكن في المقاييس أكثرررررر
بديت أكثر ثقة في نفسي
وحوايجي
بدي شكلهم انيق هلبة علي ~~~ شعوور مش عادي
علما بأن الغالبية يقولولي
مجنونة حارمة روحك جسمك متناسق جدا
لكن
أثري مو راضية عنه
وهذا هو المهم بنظــــــــــــــــــــــــري
وإن شاء الله نخفف كيلواتي بالصحة والعافية

مش عارفة شكون سألني عليه ريجيمي
ومش متذكرة أجبت ولا لا !!!

عموما
بمساعدة مستر قوقل ابحثي عن "" الأتكوتين """

سبيلك إلى الرشاقة مع عدم حرمان مفجععععععععععع

[أثري في مدادي]

تجارب حول الفطاااااااااااااااااام

رعاكم الله

جنودة الفساتين في مارية اللي في السياحية مش في أبو ذراع
ممكن نمشي نشوف اليومين الجايات

خولة
مرحبتين بيك
آنستي وشرفتي

منو قالك هذا تجمع جديــــــــــــــــــــد ؟؟؟

[جوهرة ليبيا]

اهلا بالحبوبه اثري

كيف حالك

حتي اني انفكر في الرجيم المهم يناسب الرضاعه مع انها مش هداكا الرضاعه تحب الصناعي اكثر

بديت نلبس 42 وحتي الاربعين ايجيني لكن واضح الفرق

وحاليا اندير في اكل صحي

[جوهرة ليبيا]

الفطام وآآآآآه منه
رنوده رضعت سنتين الا خمسه ايام هههههه

لكن قبلها باسبوع كل مابترضع انهديها وانرقدها وفي النهار لصقه شفافه عريضه خخخخخ تحاول ترضع ماتقدرش

طبعا قبلها حاول نفطمها نقعد نبكي معاها ونرجع انرضعها

حتي لما فطمتها راجلي ايركز فيا ايخاف انرضعها هههههه قريب متت عليها مع انها كبيررررره ماشاء الله والحمد لله بسرعه منستها

وبدت ترقد في سريرها طول الليل والفرحان اكثر بوها ههههه

[جوهرة ليبيا]

اثري ويييييييييييينك


تصبحوا علي خير

[خوله 2014]

بسم الله الرحمن الرحيم
السلام عليكم ورحمة الله وبركاته
أخواتي العزيزات كيف حالكم ان شاءالله تكونو بخير يا رب الرجاء حابه اطلب مساعدتكم فيما يخص موضوعي هدا اني حامل توا في الشهر السابع وبصراحه انا مغتربه وفي نفس الوقت حابه جدا اعمل عزومه بعد ما اولد ان شاءالله لان سبق وجبت بنت وبصراحة كان جديد علي الجو فكنت صعب اعمل عزومه ولكن توا حابه اعمل عزومه وبصراحه حابه جدا انكم تساعدوني بخصوص هدا الشي من ناحيه الاكلات التي ممكن اني انقدمها وهل يمكن اني انحضرها قبل العزومه بيوم او يومين وخاصة وحابه اشوف واعرف تجارب الي عملو عزايم وايضا يا ريت بالصور ادا امكن ومشكورات حبيباتي والله لا يحرمني منكم ...............