انا ماعندي غير الله ثم انتو اخواتي

[بنوته توته]

السلام عليكم ورحمة الله وبركاته


شحالكم


امممم والله ماعرف كيف ارمس بس صج ماعندي غيركم الي افضفض له وينصحني شواسوي


امممم زوجي صاااار له سنه معاه ماشفته اهتم في فون او رسايل او شي


ومن ثلاث ايام يايب فون ثاني ويبا يحط له قفل ويوم مسكته ارتبك ويصارخ علي لاتمسكينه

ومره لاحظت عليه انه نقل مسج لفونه الثاني يعني لو يبا يطرش يطر ف الفون الجديم شمعنى اله هذا

انا شاكه فيه انه يرمسسسسسسسسس احد وماعندي غيركم الي تنصحوني كيف وشواسوي


انا اهني عايشه وحيده وماعندي غير الله ثم انتووووووووووو اخواتي

[ابي بنوته خدودها مليانه]

انا انصحك انك تحاولي ماتبيني له انك شاكه فيه عشان يطمن لك

ولاتحاولي تسأليه عن الفون الجديد ولاتفتشيه وهو صاحي

ويمكن ربي يوقعه في شر اعماله وينسي مايقفل الفون وتقدري تدخلي

بس اهم شئ انك تخليه يطمن لك ولاتسوى مشاكل عشان مايعتبرها حجه ويطلع من البيت باستمرار وادعى ربك انه يريح بالك


وقلبي معاك ولو صار شئ جديد خبرينا اوكي ياعسل

[بنوته توته]

اوكيه فديتج بس اهو اربع وعشرين ساعه ماسكه وين مايروح


بس ان شاء لله مايصير الي ف بالي ويطلع يرمس والله مب عارفه شواقول


انا متزوجه وماحد عندي غيركم انتوو والله هم واحس عقلي مب معااااااااااااااااااااااااي



مشكوره يالغلا وربي يعطيج الف عافيه ماااااتقصرررررررين والله

[~~لحن الحياة~~]

حبيبة قلبي راقبيه وشوفيه وما تخلي يعرف انك انت شكيت فيه
وازا مابين معاك شي
انا من رأي تعدي انت وهو اعدة صفا ورومنسية وتفاتحيه لانو انتو ببيت واحد واخرتا رح يبين كلشي
الله يهدي يا قلبي

[أمل 777]

صلي على النبي 000 ولا تجعلي الوسواس يفسد عليكي وقتك معه
لكن يجب أن لا تشعريه بإنك تراقبيه لأنه سيعاند أكثر ويجد مبرر
لنفسه أنه ضجر من تصرفاتك معه إن كان هناك شيئا ما يخفيه
لكن عليكي أن تحسني الظن 000 ثم تناقشيه بالموضوع من قبيل إنك
خايفه عليه 00 وانتظري الرد منه بناءا عليه00 بعدها تصرفي لكن بحكمه
وأسألي الله أن يهديه 00 ويبعد عنه خطوات الشيطان أن الله مجيب الدعاء
وتأكدي أن هذه الأمور لا تستطيع المرأة السيطرة عليها إلا أن يكون الوازع من نفسه
وتشعريه بقربك له ليس النفور منه 000 وإن تمادى ولم يستجب عندها يجب التفكير بجد بحل مناسب 000 وربنا يهديه ويكون ظنك خاطيء 0000 والله ولي الصابرين0

[خلود11]

حبيبتي انصحك لااتدورين

وراه ولاتبينين انك شاكه

فيه نصيحه من اخت ترى الرجال طبعه

عنيد يمكن ماايكون عنده شي وانتي

اللي عندك مجرد شك وصدقيني

لمن يشوفك شاكه فيه راح يغلط

فانتي انسي كل اللي يسويه

ودلعيه وبين له اننك واثقه فيه

والله اسأليني انا انا كنت اشك في زوجي

والله ماكان يعرف ولاوحده بعدين

من كثر شكي صار يكلم البنات

الحمدلله الله يهديه ليا

[ابي بنوته خدودها مليانه]

هاه حبيبتي خبرينا صار شئ معاك
وطمنينا وان شاء الله يكون زوجك ماوراه اي شئ
وتطلع كلها وساوس شيطان

لان الشيطان يحب يدخل بين الزوجين ويفرح اذا خربت علاقتهم

لاتخلينه يفرح وادعي الله يريح بالك ويشيل الوسواس من رأسك

[بنوته توته]

مشكورين اول شي على ردوكم والله ماعرف كيف اشكركم



بس انا كان يقولي ابد مايهتم ف الفون ومره وحده حط فون ثاني ويلس يقول لازم اسوي له قفل


ويطرش مسجات لفونه الثاني >>>كنت بقول اكيد يباه لناس يطرش لهم ااه


ويوم فتحت السجل لقيت مسج طالع ومسج داش يعني واصل له وهو بعد مطرش


بس الصندوق والمرسله ممسوووحه ومالقيتهم


هذا الي خلاني اششششششششششششششششششششششششششششك


والله حتى ماصرت اتقرب منه حتى لوتقربت اتذكر واسير عنه


يوم ايلس لو ارمسه قلبي يعورني واهده واسير


مشكله هالشي مب راضي يروح عن بالي


وابغي اقول لمي اتطلق ماااااااااااااااااااااااااااااابي اعيش معاه اااااااااااه

[اوراق الخريف]

لاحول ولاقوة الا بالله طلالالالالالالالالالاق مرة وحدة حبيبتي ناس تعرف ان رجالها تكلم حريم وتجلس تفكر وأنت لمجرد شكوك تاخذين قرار مصيري زي هذا تعوذي من الشيطان واجلسي معه وقوليله شكثر انت حبينه ولو ماتحبينه كان مغرتي عليه وقوليله انا واثقه فيك بس تصرفاتك شككتني اذا ماعليك امر ورني الفون حقك بس عشان يطمن قلبي وانا زوجتك وام عيالك ماله داعي القفل وتغبي عني فديتك واذا فيه وحده مأذيتك صارحني عشان نفكر سوا وشلو نوقفها عند حدها يعني خليه الملك حافظيله على كرامته سويله خط رجعة اثناء النقاش عشان ماتخسرينه ولاتفكرين بموضوع الطلاق واهلك لايدرون عن مشاكلك انتبهي لأن هذا اكبر غلط ممكن تندمين عليه



اوراق الخريف

[أم فؤاد]

يا غاليتي لا تخلي الشيطان يفسد ما بينك وبين زوجك
وانتي تقولي شاكه يعني مجرد شك ما عندك دليل انه علاقه باحد
اكثري من الاستغفار ولا تعطي للشيطان مجال يدمر حياتك
ولا تحسسي زوجك انك شاكه فيه لان احتمال يكون ما عنده شي وانتي تنبهيه عن شي كان غافل عنه راقبيه بس بطرق غير مباشر يعني خلي الوضع عادي واذا لا قدر الله كان عنده شي رب العالمين راح يكشفه صدقيني اهم شي لا تفكري بطلاق ولا تدخلي احد بمشاكلكم الا اذا كان شي كبير لا سمح الله وهدي اعصابك لما تتاكدي يالغلا