التجمع المغربي الجديد لتجديد الامل و مرحبا بكم من كل بلد

[huyam]

سمحولي على الأخطاء انا نكتب كلمه و الهاتف يكتبها كيف بغا هههه

[Oum meryam]

المشاركة الأصلية كتبت بواسطة huyam

آه انا عندي ضعف تبويض و هو عييت معاه ما بغا و خصوصا ان خاصه يديرو فلابوراتوار حيت ممنوع ندير فالدار و نديوه قولولي شي طريقة تقنعه بيها

أش غادة نقول ليك أختي قوليه را طبيب قالي منبدا معاك والوا تنشوف تحاليل ديال راجلك قوليه راه ساهلين ماشي شي حاجة و من غير لولاد غير باش طمأن على صحتك وتلحلحي عليه شوية وشي كليمات زوينين رفعي ليه معنويات إنت أدرى بالأسلوب لي تيستجب بيه راجلك وصبري عليه راهم أختي إيلا عكسوا يا لطيف منهم الله يهديه لك تأنا في الأول لقيت صعوبة ولكن الزن على الودان أمر من السحر اليوم لا غدا لا بعد إطوع وديرهم

شجعيه قوليه جاع صحابتي رجالهم ديرين تحاليل قول ليه رجال ولوا تيخافوا على روسهم وتيديروا كنطرول مرة مرة غير إنت لي معجاز الله يهديك ألحبيب ديالي على نفسك خوديه براحة وتلحليح تيمشي يديره وخلي عندك نفس طويل لأن كل راجل والإستجابة ديالوا كاين لي دغية يطوع وكاين لي معكس

راجلك وإنت عارفة مفتاح ديالوا

الله يسروا ليك بين إيديك

[يآ أرحم الرآحمين]

أم مريم احبيبة راها ام محسن دوخاتني و تبارك الله عليها كتسرسر بلا فرانات ما كرهتش كون كانت ساكنة حدايا تفوج عليا راني منين كنقرا ردودها كنبقى غير نضحك .. الله يعطيها الخير
شوفي الخير في ما اختاره الله دابا منين نزلت عليك الدورة إن شاء الله تقاد ليك و ما خاصكش تندمي حيت طمئنيتي على راسك و خوفتيني انا باش نديرها ... حيت انا ولدت قيصري + لولب يعني خاصني نديرها وخا الطبيبة هنا قالتلي ما ديريهاش // الله يجعل التعب ديالك انتي و راجلك يجي بفائدة هاد الشهر ياارب


هياام حتى انا قولت لراجلي بغيتك دير تحليل السائل المنوي وقولت ليه خاصك ديرو عندهم في المختبر و هو يشوف فيا قاليا ما يمكننننش كيفاش غندير هههههه راكم عارفين الواحد بحالا كيكون مستريسي و باغينو ي ............. المهم نقدر نقنعو حيت على قبل الوليدات كلشي يهووون
قوليلو كاع الرجال هكاك و هادشي ما كينقسش من رجولته و راك انتي غادي تكوني معاه باش تسهلي عليه العمل ... الله يجيب التيسير

[ommohsen]

صبااح الورد والياسمين يا ام مريم منورة المنتدي والله يشافيك ويفرحك قلبي معاك والفراج قريب انا حاسة هاكة ومتفائلي خير هيام صباحك مبروك انا عاد فقت من نعاس شفتك البارح خفتي وانت تهربي ومجوبتينيش ميفاش حتي وليتي مشرفة ياك خايفة تنافس معاك علي الكرسي انا راه باغة نولي نائبة المودير باغة غير نسيني ههه ام مريم ها واحد البوسة مغربية حارة عروبية مح مح راه توحشتك مح مح كيدايرة مح مح اش هاد الغبور مح مح اما هدوك زويزويات تنصيفطلهم غير البوسة الفرنسة منفخة اما انت عززيزة علية والله ها واحد جوج خرين مح مح

[ommohsen]

سلطانة زماني انا راه مبغيتكش دوخي لغيتيك انت دوخي بوركابي ديالك انا خليك فايقة معانة ومنورانا اوا الله يسهل عليكم اجماعين

[Oum meryam]

أهلا أهلا بحبابتي جاو التجمع نور بوجودكم
سلطانة زماني شكرا أختي على الإهتمام بالنسبة الأشعة أنا دوزتها بخير الحمد الله كان شوية الألم مي كتصبري ليه بحال وجع دورة وفرحت ملي كل شي مزيان غير دازت شي أيام وأنا نبدا نزف طلع لي دم ديك ساعة إيوا لعله خير بلا ما تخافي منه خاصك ديريها لأن من بعد ولادة قيصرية تيقدر إتكونوا إلتصاقات بالحق الأمر عادي معندك مناش تخافي واحد سيدة قالت أختي هديك الأشعة باش كتولد فيما تديرها تتحمل من وراها الله يسر لك أختي
حبوبة أم محسن تاأنا غير عروبية مح مح مح ماعندي مندير بالبوسة الفرنسية هههههه هديك خليه لسلطانات تجمع

[Oum meryam]

وفينكم مشيتوا وخليتوني نسرسر بوحدي

[يآ أرحم الرآحمين]

المشاركة الأصلية كتبت بواسطة ommohsen

سلطانة زماني انا راه مبغيتكش دوخي لغيتيك انت دوخي بوركابي ديالك انا خليك فايقة معانة ومنورانا اوا الله يسهل عليكم اجماعين

علاه انا بحالك حادكة يحسن عوان هداك بوركابي عندك مهبلاه

[يآ أرحم الرآحمين]

المشاركة الأصلية كتبت بواسطة Oum meryam

أهلا أهلا بحبابتي جاو التجمع نور بوجودكم
سلطانة زماني شكرا أختي على الإهتمام بالنسبة الأشعة أنا دوزتها بخير الحمد الله كان شوية الألم مي كتصبري ليه بحال وجع دورة وفرحت ملي كل شي مزيان غير دازت شي أيام وأنا نبدا نزف طلع لي دم ديك ساعة إيوا لعله خير بلا ما تخافي منه خاصك ديريها لأن من بعد ولادة قيصرية تيقدر إتكونوا إلتصاقات بالحق الأمر عادي معندك مناش تخافي واحد سيدة قالت أختي هديك الأشعة باش كتولد فيما تديرها تتحمل من وراها الله يسر لك أختي
حبوبة أم محسن تاأنا غير عروبية مح مح مح ماعندي مندير بالبوسة الفرنسية هههههه هديك خليه لسلطانات تجمع

راني كنفكر فيها بزاااااف و اذا ما كتبش الله غانديرهاب
بالحق الطبيبة هنا قالتلي ناخد الكلوميد و انا مازال ما زعمت و اللي فاقصني قالتلي ميمكنش تشوفلي التبويض خفت يوقعلي تكيس لالالا قدر الله

ام مريم حنا شفتينا فرانساويات حتى حنا بنات البلاد وخا سلطآآنات

[Oum meryam]

المشاركة الأصلية كتبت بواسطة سلطانة زماني

راني كنفكر فيها بزاااااف و اذا ما كتبش الله غانديرهاب
بالحق الطبيبة هنا قالتلي ناخد الكلوميد و انا مازال ما زعمت و اللي فاقصني قالتلي ميمكنش تشوفلي التبويض خفت يوقعلي تكيس لالالا قدر الله

ام مريم حنا شفتينا فرانساويات حتى حنا بنات البلاد وخا سلطآآنات

هههههه حريم سلطان عندنا في تجمع
بالنسبة لأشعة توكلي على الله وديريها
بالنسبة لكلوميد الإفراط فيه هو لي تيدير تكيسات أما يلا خديتيه بإنتضام معندكش مناش تخافي أجي إنت بنت لي خوافة ههههه لخزامة لا كلوميد لا إيوا باش بغيتي تعوني راسك هههه
في صراحة لكلوميد مفعول ديالوا تيبقى في دم مدة طويلة لهدا حاولي تاخديه مرة في 3 شهر معرفتي الله يجيب لك تيسير عليه
الله يسر أمرك وتوكلي على الله ومعندك مناش تخافي