تجمع سيدات ليبيا الغاليات..

[ام وسونة]

السلام عليكم

مبروك التجمع الجديد وان شاءالله نسمعوا فيه الاخبار الحلوة على بعض وربي يهدي سر بلادنا ويحفظ ناسنا في الجنوب وورشفانة

ارجوكم ماحد يقول يستاهلوا او شي من هذا القبيل فالناس اللي طلعت ورفعت الاعلام الخضر قلة ولاتمتل الانفسها فلهذا هلبا ناس

تموت بدون سبب والله شي يقطع القلب ربي معااااااااك يابلادي وناس بلادي

[ام وسونة]

جوهرة صحيحة غداك ومطرح مايسري يمري وبالنسبة للريجيم احسن شي تبدي من اول ماتحسي وزنك زاد

لان تراكم السمنة ضيع عليك فرصة التخسيس وضيع جسمك اني توا ليا سبع سنوات متجوزة ممكن زايدة على وزني ٣ كيلو بس اول ماتجوزت لقبل مانحمل

ببنتي التانية وزني ٥٩ او ٦٠ وتوا ممكن ٦٣ وجاري تنزيلهم بس للعلم لبسي كله قاعد يجي عليا عندي حاجات من بتاتي واني لما كنت بنت نلبس فيها لاتوا


اليوم درت غداي رز بالخضرة وسليطة وكرنب زهرة مقلي وخلاص

[هدية الخالق]

السلام عليكم كيف حالكم يا حلوات مبارك التجمع الجديد إن شاء الله ربي يجمعنا علي طاعته ويباركلنا في جمعتنا

[هدية الخالق]

صحة غداكم يا جيجي وام وسونة احني كيف فطرنا ومشي راجلي للجامعه
الساعة توا عشرة وخمسة نستني في جارتي السوريه منمشي أني وياها للروضة منرفع سوما قالقه ليها فترة مامشتش

[هدية الخالق]

سوسو اهو فتحنا تجمعك أخيرا ماتزعليش ههههههه

[جوهرة ليبيا]

والف صحيحه غداكم ام وسونه

ماشاء الله محافظه علي جسمك

اني توا 62 زايده اربعه كيلوا علي وزني قبل الحمل لاااازم ينزلوا مع اني بعد عمليتي رحت قريب انموت بس مع الرضاعه انجوع فناكل

الكرنب حتي اني درته البارح عندي عزوزتي امخليتلها من غداي كسكسي بالبصله اقليته معاه في الليل مع عجة البطاطا والجبنه

[dr.loly]

هدووو ان شاء الله تستمع الاموره سوما

بس ننصحك واظبي عشان تتعود

لان اول ايام حتقلق وتبكي وبعدها تنسجم


توا كيف ماصار معايا بس نا طبعا نسيب فيهم مع الحاضناااات


ونركب للقرايه



وبصراحه نظامهم ف روضه متعاعنا روعه م الاخر

[هدية الخالق]

المشاركة الأصلية كتبت بواسطة dr.loly

هدووو ان شاء الله تستمع الاموره سوما

بس ننصحك واظبي عشان تتعود

لان اول ايام حتقلق وتبكي وبعدها تنسجم


توا كيف ماصار معايا بس نا طبعا نسيب فيهم مع الحاضناااات


ونركب للقرايه



وبصراحه نظامهم ف روضه متعاعنا روعه م الاخر

هلا فروسه شن اخبارك
والله نحاول ننتظم لكن مرات تصير ظروف تخليك ماتمشيش زي الاسبوع اللي فات كنت مريضه أني وبعدها مرضت سوما واليوم كلمت جارتي قاتلي مشغوله مصارش مشي طبعا أني مرتبطة بيها لأني قاعدة محفظتش المكان كويس لأني غيرت في مكان جديد
في الأول نمشي مع صاحبتي ليبيه وكنت حافظه المكان لكن بعيد هلبه عليا قريب ساعة في الباص شوبت حتي اللي في الروضة استغربوا قالولي غريبه تجي من غادي مشي قلت لراجلي شوفلي وحده قريبه سأل جارنا السوري قاله زوجتي ترفع في ولدي عادي كان بتمشي معاها امشي كلمتها واتفقنا وباهي قريبه شويه مقارنة بالأولي لكن مشكلتي قاعدة ماحفظتش المكان كان هذا أسهل توا مربوطة بجارتي مرات حتي لما منروحو تقعد تلف ساعة في الاسواق واني عيانه نبي نروح ونساير فيها بالسيف
وبالنسبه لسوما بالعكس منسجمة عالاخر وتضحك للناس غادي أكتر مني ههههه وشيطانه سلامتها يحلالها اللعب بالحاجة اللي عند الصغار وبس تقعد تكر فيها منهم هههههه

[dr.loly]

الباين انكم قصيرات وسونه وجيجي


الحمدلله يــارب فقدت الوزن الزائد عن نفسي قمة الرضا لان جسم متناسق وزيادات بسيطة بس حلوة

لان المراه كان قعدت رقيقه واااجد الحق مش حلو بكل نقصد عظم ع جلد طبعآ



طولي متر و70 سم ووزني حاليا 73


بعد ماوصلت وتنفخت في الحمــل الى 95 خخخخخخخخخ


الحمـــــــــــــــدلله
الي يشوفني توا ع الكام من ليبيا يشهق زدتي نقصتي يقولوا والمشكله اني مش ملاحظه

وحتى ابوفروسي لاحظهاااا نحسابه يرفع ف المعنويات بس

قالي والميزان مش مصدقتيه ودبش لي كبر ههه

[dr.loly]

اوشتي أين أنتي

سوسو غياب حتى انتي