مواليد<<شهر ربيع الثاني♂ ♀ فبراير (1435,2014)

[امنيه 28]

مساكم ورد ياكروشات
احساس
عااااادي تحملي كلام زوجك اجل لو تشوفين اللي عندي وكلامه الله المستعان وامي نفس الحكايه وانا حاطه اذن من طين واذن من عجين
طفشت من كلامهم
ماحد حاس فيك ولابتعبك
المهم ربي يقومنا بالسلامه

عشرينيه
دخلت عشانك والله
لايضيق صدرك حبيبتي
انا لما كنت حامل ببكري قالو فخذها اليمين مااعطانا قياس صحيح وكنت بالسادس وفجعوني وجلست ابكي والحمد لله مافيها الا العافيه
واختي قالو لها الجنين مشوه لازم تطيحينه وجلست تستخير ولاراحت تجهض والحمد لله جابت ولد بسم الله ع قلبه سليم معافى وتقول نفسي اروح للدكتورات اللي حكو لي انه مشوه وانه يبي يموت باي لحظه واطلع حرتي فيهم
وعندك كمان انا بحملي هذا مره المشيمه صغيره ومره كبيره ياساتر !! ومره راسه كبير ومره قالو لي ماعنده رجلين او عنده بس فيهن شي مو طبيعي
واخر اشعه سويتها الحمد لله شفت رجلين طبيعيه ماشاءالله
نصابين والله
لاتصدقينهم ترا نفسيتك الحين تعكس عليك بعد الولاده
صدقيني ثقي بربك فقط
السونار ولاااااااشي عند علم ربي سبحانه
واحسني الظن بالله وادعي وتصدقي وتفائلي بالخير تحصلينه

الله يطمن قلبك وقلوبنا بسلامة حبايبنا الصغنونين ياااااااارب


البقيه
اعذروني ماقريت كل الردود
بس ان شاء الله انكم بخير

ألقاكم ع خير ياارب

[احساس طفوله]

امنيه ربي يطيب خاطرك صادقه ماحد حاس بتعبنا بس ان شاءلله يكبرون ويعوضونا الله يوفقك بأمتحاناتك

عشرينيه اتوقع سمعتي كلام البنات انتي استودعيه الله وسوي السونار الرباعي وطمنينا يارب يارب انه يريحك ويكون ولدك سليم كامل الخلق والخلقه

[أسوووم]

احساس عادي لازم تقابلي ناس تكذب خايفه من العين شكلها بس ماعليكي منها دام ماجاتك لاتروحي الي ماقدرك لا تقدريه والله يعينك يارب اكثر شي اكرهو الكزب ويبان ان كزب الله يسترنا من الناس الي كدا الحمدالله الذي عافانا تحسي نفسك منبوذه ومحد طايقك

ولا همك أحد خلفة البنات اولها شمااااااته واخرها حسسسسد اسمعي مني وحتقولي اسوم قالت والله يقومك بالسلامه
أنا في بنتي معنها بكريتي بس كان باين عليا اني حامل في بنت لاني محلوه وواضح طبعا بدأو الناس الي مايحبولي الخير يتشمتو ويمسكو عيالهم ومايتكلمو الا على حملهم وولادتهم في عيالهم وسمعت كلام كتير تخيلي وحده قالتلي بايين في بطنك بنت للﻷسف تخييييييلي تقولي بجيب معوقه ماشاء الله لاقوة الا بالله بنتي زي القمر وذكيه والكل يحبها من أول نظره ربي يحميها


عشان كدا بقلك طنشي وماهمك يوم من الايام ربي يرجع حقك

والله يقومنا بالسلامه

[احساس طفوله]

اسوم كلامك يريح ربي يريح قلبك انتي قلتي الكلام الي ابغى اقوله بس ماكنت عارفه اكتبه انا قهرتني انها كذبت هذا الي يقهر وزوجي بعد زادها علي لأني انا فرحانه ف بنتي وهو يقول حتى احنا ياليت الي ف بطنك ولد كأني انا اختارهم ع كيفي وهو ماتكلم انه يبغى ولد لين ماجابت سلفتي حسيته غار من اخوه هذا الي زعلني
بس انا ماكلمته من الصباح وهو يعتذر احس خاطري ماسك عليه شوي


ياحياتي انتم احس خلاص مابقى شي ونولد بالسلامه لاتنقطعون عن التجمع بعدين اذا جو النونات راح تنشغلون وراح نشتاق لأيامنا هنا

[يغار الحلى]

ااه بس مع النوناات راح ننشغل .. كل وحده تولد تختفي الله يعين بسسس

احساس انتي حاولي تكلميه عن الي فبطنك انها سوت اليوم حركة قوية و شتقتي تشوفيها

و حببيه ف بناتك ﻻ تتحطمي الحمدالله هذا رزق من الله

والله الي ماعندهم اطفال بيموتوا من الشووق و حنا نتشرط عندي بنت ابغى ولد

عندي ولد ابغى بنت .. الحمدالله ربي رزقنا من واسع فضله الله ﻻ يحرمنا من النعمة ..

[يغار الحلى]

http://forum.hwaml.com/t98450-250.html

رجعتني الى ورااااء ي احساس و رحت للصفحه الي بشرت فيها البناات يوم

جبت بنتي ..

[ام احلى بنوتين]

صباح الخير جميعاً
اخباركم
عشرينيه ماتشوفين شر انتي ونونو ماعليك منهم لا تصدقينهم وقياسات السونار مودايمآ مضبوطه تاكدي في مستشفى ثاني وماعليه الا العافيه ان شاءالله

احساس يمكن سلفتك قالولها بنت وجابت ولد والله اعلم

[غيمه]

السلام عليكم صباح الفل عشرينيه ماقدام ابنك الا العافيه لا تصدقيهم وروحي تأكدي من دكتوره ثانيه
والبنت والولد كلهم نعمه من ربي مايحس بقيمتهم الا الي ماعنده
انا من اول زواجي واحلامي تفسر باني بجيب بنت وبعدها صرت احمل واجهض ولله الحمد
في سنتين ونص وانا من مستوصف لثاني مافيه مشكله طبيه حملت اربع مرات مرتين إجهاض ومرتين حمل خارج الرحم وأخذت جرعتين كيماوي ونفسيتي كانت دمار وكرهت التجماعات من كلام الناس كل ماشافني احد قال مسكينه وعيالهم مااجيهم ابدا ومن حملت تخبئ علي وكلام من أهل زوجي كنت اقول لزوجي تزوج لما أشوفه حزين واكثر شي يؤلمني لما اشوف دموعه بعد اي إجهاض اكره نفسي خاصه انه يحب الأطفال دمعت عيوني لما تذكرت ذكي الأيام الله لايعيدها ولايوريها لاحد والحمدلله على كل حال ادري حكيت لكم قصة حياتي بس حبيت افضفض واقول ياما ناس يتمنو طفل واي وحده لما يقولولها جبتي بنت تتكلم عنها بفخر وتقول هذي هديتي من ربي والكل رح يسكت
والحين الحمدلله في الشهر السابع الله يتمملي بخير يارب واشوفها سليمه معافاة

[احساس طفوله]

يغار قلتها ندوش الرجال لو ع كيفه يبي كل خلفته عيال انا فرحانه في بنتي الله يجيبها لي بالسلامه كامله الخلق والخلقه يارب هو يمكن بعد ماجابت سلفتي حسيته غار خصوصآ انها قايله من اول انها حامل ف بنت

غيمه ياحياتي الحمدلله والشكر سوا كان ولد او بنت انك تشوفين بنتك بين يديك اكبر نعمه لازم نشكر ربي عليها صاحبتي الحين متزوجه لها11 سنه ماجابت تتمنى لو بنت وحده واحنا بدل مانشكر نقعد نتشرط بس الانسان بطبعه مايقتنع الي عنده بنات يبي عيال والي عنده عيال يبي بنات خالتي عندها6 اولاد والحين حامل بالسابع نفسها ف بنت وحده بس سبحان الله ؛ الله مو كاتب لها الله يصلح لها عيالها وينفعونها يارب

[احساس طفوله]

الشهر الثامن تعب احس كأني بالتاسع ولله كل لحظه كانها ولاده سبحان الله الجسم قاعد يتهيأ للولاده يارب تمر الاسابيع بسرعه ونولد ونرتاح احس خلاص تعبت الله لايضيع تعبنا ويتمم لنا يارب