فقدتي جنينك ؟؟ تعالي لنتخطى هذه المرحله بامان (نفاس بدون طفل)

[ملكة القلم]

الله يعوضنا ويعوضكم خير يارب

انا اجهضت اول مرة كان عمر الجنين شهرين ما زعلت كتير عشان كان حمل مباشرة بعد الزواج وما كان لسا فيه نبض

بس بعد شهر حملت وكانت فرحتي ما بتوسعها الدنيا لاني عرفت انه فيي توأم وزوجي انبسط كتير وحتى الاهل

وصار الكل يخطط للبيبيات كيف رح نحملهم وكيف رح ندبرهم وفرحتنا زادت لما عرفنا انهم توأم بنات زوجي كتير بحب البنات وندور ع اسماء الهم وهيك

بالاسبوع 24 يعني نص السادس اجتني الام فظيعة مش الم ولادة وانا ما كنت عارفة لحالي شو بيصير معي بعد اربع ساعات حسيت شي بدو ينزل وفعلا اجت حماتي وحكتلي بسرعة عالمستشفى وبالسيارة كانت تيجيني الام ما كنت عارفة انها طلق وبس وصلت المستشفى كانت البنوتة الاولى صارت طالعة نصها وميتة وصرت اترجى بالممرضة تولدني بالتانية لاني مش قادرة اتحمل الالم وهي تحكيلي لازم نستنى طبيبتك وبس شافت الوضع مأساوي ولدتني حسيت ببنتي بتتحرك ولمحتها ونفسيتي بس اتذكر الموضوع بتتعب كتير انا الان حامل وقربت افوت بالشهر الثامن بس من اول الحمل وانا يا نزيف يا تعب وعملت ربط وبالشهر السابع حكالي الدكتور انه الراس نازل كتير بالحوض ولازم تضلي نايمة والان انا بستنى اكمل الشهر الثامن دعواتكم الله يتمملي حملي ع خير يارب ويرزق الجميع