جدول فحوصات العناية بالحامل تفضلو

[هبة الله 24]

مشكورة على الموضوع المهم لكن عن نفسي و الله ما عدت اثق في الاطباء انا كنت بتابع في مستشفى حكومي مرة كل شهر من اول يوم للحمل اشي تحاليل و اشي فحوصات و في الاسبوع 22 ابتديت انتفخ و البول اكرمك الله حتى لو اشرب برميل ماء فاني اتبول بس نقطتين و كفى حكيت للدكتورة قالت عادي انتي بتاكلي كثير لهيك سمنتي قلتلها و الله ما باكل لانو ما كانت عندي شهية و بالنسبة للبول قالت ممكن التهاب و لما بحثت عن حالتي في النت عرفت انو تسمم الحمل حكيت لزوجي قالي انتي بتعرفي احسن من الاطباء و خلينا من النت لحد ما وصلت للاسبوع 29 في ليلة ما قدرت اتنفس خالص و رحت للاستعجالات قالو عندك الضغط مرتفع و زلال البول يعني تسمم الحمل كيف الاطباء ما اكتشفو هاذ الشيء من الاول فعملولي عملية قيصرية و نزعو بنتي في الاسبوع 30 اي قبل موعدها و تعذبت المسكينة و اتعذبت معاها حسبي الله عليهم
و بقول للحوامل اياكم و الثقة العمياء في الاطباء الوحدة لازم تشوف حالها و كل التغيرات اللي تصيبها اثناء الحمل و تستفيد من خبرات اللي بيعرفو
و الله يفرح كل وحدة بحملها يا رب