تجمع الجزائريات المتأخرات في الحمل و أهلين بالتونسيات الغاليات

[أم صهيب2]

شنو اسمهم في ؟؟؟؟؟؟؟؟؟؟؟؟؟؟؟؟

[Nourelhouda]

اهلا الزينات لاباس!؟!؟!؟ سارة اختي رانا كامل في الهواء سوا،،،،،
نعرفكم بروحي انا نورالهدى من العاصمة متزوجة في البويرة ان شاء الله le 31ديسمبر2013 ندير اربع سنين زواج في عمري 31 سنة و المشكل من راجليماعندوش حيوانات منوية كان عندو لاني حملت في ثمانية اشهر زواج و طرحت كان عندي شهر و اسبوع و ماكانش علابالي بلي راني حامل،،،،،حتى طرحت،،،،و من بعد بداو ينقصو حتى اصبح صفر،،،،، روحنا نديرو اطفال انابيب او تلقيح ما قدرناش على خاطر مالقاولوش الحيوانات حتى كي دارولو عملية الخزعة " حلولو الخصية و جبدو خلية تاع الحيوانات المنوية" لقاوها غير ناضجة و الحيوانات المنوية فيها غير ناضجة ايضا،،،، قالولنا خليها على ربي،،،، و دورك روحنا عند طبيب جديد اعطالو يدر تحاليل تاع الدم و قالو نبعثوهم لفرنسا قالو اذا كاين عندك الزريعة نكملك العلاج و اذا ماعندكش الزريعة خليها على ربي ماعندي مانديرلكم،،،، و راجلي ما راحش دار التحاليل ماعلاباليش علاش و انا راني مخلياتو على راحتو،،،،، الله يهديه،،،،
ربي يعوضنا على خير و ربي يرزقنا يالتوأم يا رب يا كريم ياحنان يا منان،،،،،

[Nourelhouda]

سارة راني درتلك لايك على الصفحة تاعك في الفايسبوك عجبتني بزاف الله يبارك،،،،،ربي يحفظك اختي

[oum abderaouf]

ربي يفرحك حبيبتي نور الهدى عاجلا غير اجل؟
سارة انت من المغرب؟

[oum abderaouf]

خولة وين رحت؟

[أم صهيب2]

انا جزائرية من مستغانم

[oum abderaouf]

ربي يبارك خيار الناس اختي سارة

[أم صهيب2]

الله يحفظكم وربي يستركم

[مريم13]

المشاركة الأصلية كتبت بواسطة السعيدة بربها.سارة.

شكون تقولي عن دوااء كلوميد يا الله عرفوني عليكم يا لبنات
كنت ادخل تجمعات جزائريااات ولكن الديفو اللي فيهم ما يردو عليكم وينساوك ؟
يا ريت هاي التجمع ما يكون مثل التجمعات اللي نعرفهم
جزيتم الخير يا رب

اهلا بيك حبيبتي في وسطنا و ان شاء الله تربحي على التجمع
حبيبتي انا ما شربتش كلوميد و لكنكاين بمات رح يفيدوك كيما لامياء قاتلك مادارلها والو
المهم حبيبتي انا مريم من قسنطينة 27 سنة عامين زواج و 5ايام ههههههه

المشاركة الأصلية كتبت بواسطة ندى الوردة

حابة نسقسيك خولة واللي حاملين كانت تجيكم ضيقة النفس بداية الحملي كلي ماتتنفسيش مليح وتتخنقي جاوبوني عيشكم

حبيبتي ايه تجي و كل ما تكبري في الكرش تزيد الضيقة

المشاركة الأصلية كتبت بواسطة ندى الوردة

بنات تسمحولي نرو نجيب بني مبعد ان شاء الله وما تنساوليش الرجيم

شوفي ريجيم حساء chou والا ريجيم thonon في النت راني جربتهم و ملاح

المشاركة الأصلية كتبت بواسطة oum abderaouf

ندى انت قلت ماراكيش حاسة روحك حامل عندك 90 بالمية لا و 10 بالمية واه
و اللي نعرفو على اعراض الحمل يعني على حساب ماقريت يقولو الي تحس روحها ماهيش حامل هي اللي تكون حامل و الله اعلم
وان شاء الله ربي يفرحك و يفرحنا يا رب انا راني نستنى باقيلي 5 ايام عللى الموعد و ان شاء الله متجيش يا رب منشوفوهاش الا بعد النفاس

انا نغلطك ام عبد الرؤوف على خاطر انا ديما نقول احساس من عند ربي يجيك قبل موعد الدورة تحسي روحك حامل و ما تشكيش

[مريم13]

السعيد بربها سارة
من فضلك نقصي حجم توقيعك على خاطر الصفحة تتعوج ههههههههههههههههه
ايه على فكرة درتلك جام في صفحة الفيس بوك و يعطيك الصحة كل صبع بصنعة