حامل بالتاسع ونزل مني افراز بني ؟

[وتين]

السلام عليكم ورحمة الله وبركاته

بدخل في الموضوع على طول

انا بكريه وحامل في الشهر التاسع وليا في التاسع 11 يوم
اليوم اخذت تحاميل للالتهابات .. 3 حبات هي اليوم بديت استعملت اول وحده المغرب

بعدين بعد فتره غسلت عادي ...

المهم الحين دخلت اغير بالحمام لقيت نازل مني افراز بني على وردي ..

علما بأن بطني مرتفع ماهو نازل والتقلصات تجيني كثير بس مو منتظمه ..

تنصحوني اروح الطواريء اتطمن ؟

[حبيبي]

يمكن من التهاب
اذا ما في طلق ولا دم خليكي لبكره لا تستعجلين واذا في ولاده راح يبين مع الوقت او يزيد الافراز

[شاي أخضر]

اعرف هذي التحاميل اعطوني منها وانا حامل بس موووووووووزينه بصراحه

لانه يجيني معاها هالافراز البني

\

انتي الحمد لله في مرحلة الامان يعني حتى لو هذا الافراز ولاده انتظري حتى يكون معاه دم او تحسي بمغص شديد لانهم بيقولون لك ارجعي وتعالي اذا زاد


الله يسهل عليك ويسسر لك

بشرينااااا عنك عاااااااااااد مو تنسين

[gharam]

روحي اطمني على نفسك ....

[نبع المحبة]

روحي تطمني خيتوو .. وان شا الله ما فيج إلا العافية

[منتظره]

ان شاء الله مافيج الا العافيه الله يسهل عليكي يارب

[وتين]

الله يعطيكم العافيه يالغاليات

انا انتظرت لين الصباح قلت يمكن يخف

لكن صار ينزل دم معاه وبدأت التقلصات تزيد وصرت امشي بالبيت ومررره تعبت

على الساعه 7 ونص رحت المستشفى وكشفت علي الدكتوره قالت الدم عادي الرحم فتح عندك بس واحد سم ونزل طفلك الحوض يعني ان شاءالله خلال هذا الاسبوع تكون ولادتك ..

وكتبت لي ابرتين وحده اخذتها الصباح والثانيه بالليل لانها كل 12 ساعه قالت هذي للجنين لو ولدتي مايحتاج يدخل الحضانه ان شاءالله ..

والله يسهل يارب .....

بس يابنات للحين التقلصات متعبتني وتجي كل شويه والدم ماوقف هل هذا طبيعي فعلاً ؟

[حبي زوجي]

الله اعلم اطلبي لي اختي انا في التاسع موعد ولادتي 2 وطاف شو اسوي خايفه عطتني موعد 9 وخايفه اذا ماولدت يعطوني طلق صناعي

[بحرينية عسل]

اتوقع انها ولادة حبوبة
بس غريبة انه الدكتورة رجعتك البيت ومعاك دم وانتي في التاسع ورحمك مفتوح
اني ماابي اخوفك
بس اني صادني مثلك كنت في التاسع ونزل معي افراز ابيض فية دم وهذا يسمونة سدادة عنق الرحم
رحت الليل وفحصتني قالت لي 1 سانتي
وبعدين بدئ الالم ويوم ثاني الظهر ولدت
هذه ولادة واي شي تحسينة على طول ارجعي المستشفى
ماعليك من كلام الدكتورة

[قمر ليالي مكة]

الله يقومك ويقومني بالسلامة يارب