تجمع بنات الجزائر الحوامل

[lonnna]

السلام عليكم ورحمة الله وبركاته..


ان شاء الله تكونو بالف خير يا رب...


بنات عندي واحد المشكلة وحايبتكم تعطوني رايكم .. وتشورو علي...




انا ابني سميتو محمد امير...


في البداية كنت حابة نسمي محمد ادم ..

المهم حماتي من الاول قالتلي مهما تسمي زيديلو محمد ...يعني محمد واسم اخر..


وانا قلتلها اوك ما يكون غير خاطرك..


الاسم الثاني اخي الصغير هو اللي خيرو ..هو قالي سمي امير وراجلي قبل وعجبو....


كي قلتلها اسم امير قالت ما يعجبنيش مي سمي واش تحبي المهم محمد..


المشكل اني ابني انا حابة نعيطولو امير لان بابا اسمه محمد وما نقدروش نسميو 2 محمد في الدار..

وحتى راجلي يقلو امير...


لكن حماتي واولادها ما يقولولوش امير ..


قالو الاسم ماعجبناش وجاينا ثقيل...

ويقولولو محمد...



انا قلت لراجلي قول لهم يقولولو امير على خاطرش هكدا تفاهمنا وباش ما تخلطلوش وعلى خاطرش بابا محمد..ما نقدرش نقول لابني محمد...



البارح حماتي جات عندي.


ماما تلعب معاه قالتلو امير...



حتى لقيت حماتي جبدت الموضوع...


قالت احنا جانا ثقيل هدا الاسم امير...

وقالتلي انا او نسميه محمد ماش امير...


والله غاضني الحال...


انا درتلها خاطرها بصح المفروض هي تحترم الخيار تاعي وتاع ولدها..


ويسموه كما حنا خيرنا...


مالقيت كيفاش نتصرف والله البارح ربي لي عاىم بيا كيفاش بات..


انا بطبعي نكره المشاكل وعمري ما حطيت روحي يصرالي موقف كما هدا مع اهل راجلي...