الله يكرم من اهتمت بموضوعي بحمل سليم قرييب( معاناتي مع الدوره القويه ؟؟؟

[صغيرة زوجي]

حبيبتي معذرة على تاخيري في الرد على غير العادة

اش غنقوللك البارح نفسيتي كانت محطمة مزيان سويت تحليل لبروجسترون في الصباح ومع لعشية خرجنا على اساس ناخذو النتيجة وندوز من بعد ندير paptest
نزل راجلي ياخذهم انا في السيارة تندعي رب يكون خير ومتوترة
شوية جاراجلي شفت فيه قالي واحد الهرمون مزيان واحد كما ديما دغيا خذيت الورقة وشفت واتصدمت مزيان لقيت لبروجسترون 0.1 وهو خاصو يكون من 0.3 حتى ل 1.5 غير الفرق اللي كاين اني المرة اللولة فاش درتو كتبولي امام النتيجة رمز ناقص يعني تحت الصفر هاد المرة مكتبوش داك الرمز يعني طلع واحد شوية قلييييييييييل وانا كنت متصورة نلقاه طالع مزيان من بعد ما خذيت الدوا وعملتو في اليوم الواد وعشرين من الدورة ايوا هانتي كتشوفي اختي لاحول وصافي
طااح عليا الضيم ودموعي مبغاوش يتحبسوا وpaptest مقدرتش نزل نديرو حتى لاخر لحظة مشيت ودموعي في عيني راجلي كيصبر فيا درتو بزز والنتيجة ما غتخرج من هنا لواحد جوج سيمانات قاتلنا الطبيبة في هاد الوقت سيرو شدو موعد عند كنسولتاري باش منين تخرج نتيجة البابتست ناخذوهالو مع باقي التحاليل ويعمل ليا لافيزيت وتكون عندو فكرة عامة على مشكلتي باش يعرف اش يدير,,,
كانت عشية صعيبة بزاف الله يجعلها مغفرة من الذنوب ياارب العالمين
ومقدرتش نفتح الصفحة ونكتب لك جديدي غير عذريني
وبدا كايجيني عند بالي الحقن المجهري عاد باغا نقرا ونتعرف عليه واش اختي درتيه بلفلوس حيت سمعت بانو مكلف بزاف
وبغيت نسولك كيفاش نعرف اذا كانت البطانة دالرحم ديالي صالحة ولا لا حيت رجعت شاكة هذا مشكل ثاني عندي وسمعت بان السونار وحدو مكافيش يبين على حالتها واش مزيانة ولا لا

وغادي نصيفط لك في الخاص سكايب ديالي ندخلو نهدرو فيه على باقي التفاصيل
والله يجعل كل حرف كتبتيه في ميزان حسناتك ويفرحك في القريب العاجل