تجمع للمقبلين على تلقيح صناعي + للي سوو تلقيح صناعي فقط

[yassololo]

السلام عليكم جميعاً و بجد أنا حبيت أسجل لأني قلقانة جدا من عدم حملي
أنا بقالي 3 سنوات متزوجة و اول ما تزوجت بعد 6 شهور رحت لدكتورة نساء عشان اتابع الحمل لقيت ان عندي تكيسات علي المبايض فقالتلي لازم الخسسان لان كان وزني128 كيلو لاني تخنت بعد الجواز 20 كيلو و بعدين روحت عملت رجيم قاسي جدا و الحمد لله خسيت و بقي وزني 85 كيلو و بعد سنة من الخسسان تابعت مع دكتور تاني اعدت معاه 7 شهور واقبل اي حاجة طلب مني تحليل زوجي و الحمد لله قالي كويس جدا و طلب مني تحليل التبويض بتاعي و قالي كويس جدا برده و في الأخر طلب مني أعمل عملية الأشعة بالصبغة علي الرحم والأنابيب عشان يتاكد ان مفيش حاجة مسدودة و الكلام دة لقي عندي مقاس الرحم كويس و الأنابيب مفتوحة و بعدين اخدت منشطات و حقن عشان عندي التبويض حجمه صغير للتلقيح البويضة ومفيش اي حاجة بعد متابعة 7 شهور واخر مرة قالي بصي انت مفيش اي سبب أنت وزوجك لعدم الخلفة حاجة من الأتنين يا اما تعملي باختصار حقن مجهري يا اما تعملي منظار بالبطن عشان يفتت التكيسات البسيطة بالرغم من خسساني التكيسات شبه مش موجودة فقالي لو عايزة تختصري اعملي حقن مجهري فانا سالته طب يا دكتور مادام معنديش حاجة طب ما اعمل الأول التلقيح الصناعي اللي بألف جنيه قالي مش هتنفع و هتفشل معاكي لأن انت و جوزك كويسين احنا بنعمل التلقيح مع الناس اللي عندها مشكلة و بعدين نسبتها ضعيفة لكن الحقن نسبته عالية المهم الدكتور اتشأمت منه انا وزوجي ورحت لدكتور تاني وشاف كل التحاليل الخاصة بنا و الأشعة بالصبغة و قالي انا شايف ان كله عندكوا تمام و ممكن نبدا الأول بالتلقيح الصناعي و نجرب و نشوف و علما ان الدكتور دة ارتحت له في أول الجواز ودة الدكتور صلاح عبد الصبور هو مش مشهور اوي بس في ناس قرايبي تابعوا معاه و كانوا عندهم مشاكل وهو كويس فالمهم حدد معايا يوم التلقيح الصناعي و قالي نسبة نجاحها من 20 إلي 25 % النسبة دي بتزيد مع تكبير التبويض عندي لأنه شاكك ان انا عندي إفرازات بتموت الحيوانات المنوية قبل ما تدخل تلقحها فقالي ان نجرب نعمل التلقيح الصناعي ولو ما نجحش نعمل الحقن المجهري
و ياريت تفيدوني علما بأني بتابع مع الدكتور التاني والمفروض هأعمل عملية التلقيح الصناعي خلال الأسبوع دة و انا الفترة اللي فاتت من تاني يوم الدورة الدكتور اعطاني كلوميد قرصين لمدة 5 أيام و من اليوم السابع و الثامن و التاسع من الدورة أخذت حقنة فوستيمومن75 و رحت للدكتور اليوم العاشر و كشف بالصونار رأي أن في 3 بويضات مقاس 14 و 15 في اليمين و الشمال 16 مللي و بعدين كتبلي علي حقنة فوستيمون في اليوم العاشر ورحتله اليوم الحادي عشر و عملت صونار لقيت 15 و 16 و 17 فقالي توقفي حقن و تجيلي في اليوم الثالث عشر و المفروض هرحله عشان يشوف بالصونار و يقولي علي ميعاد الإبرة التفجيرية عشان قالي بعد 36 ساعة هنكون انا وزوجي بالمستشفي عشان عملية التلقيح الصناعي بجد يا جماعة انا قلقانة و ياريت اللي عمل العملية يفيدني و يقولي بصراحة هل ممكن تفشل معي ولا إيه و لكم جزيل الشكر
و " يارب لا تزرني فرداً و إجعلني من الوارثين "