تجمع الجزائريات المتأخرات في الحمل و أهلين بالتونسيات الغاليات

[أمة الرحمان السلفية]

المشاركة الأصلية كتبت بواسطة asma layal

ههههههههه امة ماشي خسارة فيك نبعتلك انا عندي واحد لعدس يهبل راجلي دايما يشكر فيه يقولي عندك موهبة في العدس
لوكان جيتي قدامي دوك نبعتلك طبسي وانا البركوكس نموووووووووووت عليه خاصة بالجاج

اه اه ياسماء زتي شهتني اكثر مع البرد وخصتا كيكون عدس حار وسخون ومع المطلوع روعة روعة ريوقي ساحو ان شاء الله تكون جارتي درت عدس اليوم الي يشوف يقول رهي تتوحم

[mounira]

المشاركة الأصلية كتبت بواسطة asma layal

ماكانش منيرة كي اليوم ان شاء الله رانا طامعين في ربي ولي خلق مايضيع

سبحانه .. ربي يرزق الجميع

[mounira]

و لبنات لوخرين وين راهم ؟؟؟؟

[مريم13]

السلام عليكن
واش راكم توحشتكم كامل
راني ميتة بالتعب هدا وين كملت شغل الدار و التسياق ولافام دو ميناج راهي تتقلش والله حاكمة روحي كل ما نتفكرها نحب ندعيها يا رب ما نديرهاش

المشاركة الأصلية كتبت بواسطة alma021

صباح الخير عليكم يا الزينات واش راكم والله غير توحشتكم بزاااااااااااااااااااااف مي انتوما على حساب الحالة ماتوحشتونيش اهئ اهئ اهئ
معليش ان شاء الله تكونو بخير المهم جاو والديا بخير من الحج وجاو في اتم الصحة والعافية وان شاء ربي يتقبل عبادتهم يارب ولعقوبة لينا كامل نروحو نزورو هذاك المكان المقدس صح كنت غايبة عليكم مي كنت كل يوم نضرب طلة نشوف الجديد
بسمة الف الف مبروك الحمل حنونة ربي يكملك على خير وانت عبير ثاني مبروك عليك وان شاء الله تشوفو ولادكم بيديكم بعد 9اشهر انشاء الله سالمين معافيين ولعقوبة لينا ان شاء الله
امومة نتوحشوك رح تخلي فراغ كبييييييييييييير مي معليش انشاء الله تفوتي وقت شباب مع زوجك ويعود بالفائدة عليكم هههههه ويعطيك الصحة كي سقسيتي عليا حنونة راني قريت الارشيف
امة الرحمان توحشتك
انت ثاني مريومة الزينة مانسيتكش
حورية ثاني خلات فراغ كبير وقيلا راهي في دارهم قالت هبطت للبلاد
ريحانة ماراهيش تدخل خلاص لا السكايب ولا المنتدى ان شاء الله مايكون غيالخير
ونور وش بيك خلاص حسونة دا بلاصتنا
باربي انت ثاني قلو مشاركاتك
سهاممممممممممم وين راكي من هداك النهار فالسكايب مزدناش تلاقينا
سمعت بلي خولة راحت تزيد ربي يعطيلها وقفة سهلة ان شاء الله
لامية الزينة متوسوسيش انا خطرة قدمتلي الدورة 10ايام وقالي الطبيب نورمال ممكن لخبطة هرمونات او حالة نفسية
جمانة واسيرة مازال متعرفتش عليكم ومرحبا بيكم

اهلا الما توحشناك اكيد وكيفاش تهون العشرة؟؟
الف مبروك على الوالد والوالد ة والحمد لي رجعوا بخير سلمي عليهم وقوليلهم حج مبرور وسعي مشكور وذنب مغفور لعقوب لينا
الما خولة ماراحتش تولد راهي في دارها الحمد لله لاباس
ونور و خولة عندهم مشكل ما يقدروش يدخلو للمنتدى مانيش عارفة علاش



امة حبيبة توحشتك توحشتك توحشتك طولتي علينا
ياك راكي لاباس امة حبيبتي تقبلي ديريلي سطاج ؟؟؟

اسماء حنونة كاش جديد واش بيك عدتي ساعة ساعة تغبري وين يا لالا ماطوليش علينا حنونة الله يرقك

منيرة امومة صباح الخير
امومة صح الدوش ان شاء الله اخر مرة تشوفي المربحة حتى تشوفيها في نفاسك يا رب

[mounira]

واش راكي مريومة .. حتى انا دخلت بعد الفطور كانت عندي خدمة .. كرهت منها عييت .. الدار البنات و قرايتهم و راجلي هداك لي هو وحده 10دراري و الخدمة و القراية ... ااااااه

[مريم13]

المشاركة الأصلية كتبت بواسطة mounira

واش راكي مريومة .. حتى انا دخلت بعد الفطور كانت عندي خدمة .. كرهت منها عييت .. الدار البنات و قرايتهم و راجلي هداك لي هو وحده 10دراري و الخدمة و القراية ... ااااااه

هادي هي المراة لام تجاهدي
ولاكان عللى الخدمة والله تخدمي خير من القعاد في الدار

[احلى شيء الاموموة]

السلام عليكم ..لبنات راني جيت واش احوالكم لاباس...ايا منعتوا الحمد لله لي لقيتكم دخلتو...منيرة وامة واسماء ومريومة صح غذاكم....مريومة ربي يخليك على الدعوة ان شااء الله من فمك لباب السماء...حورية راهي في الجزاير وراهي تسلم عليكم بعثلها رسالة خاصة ورجعتلي...
لي تحب العدس هو لييك..


و اللي تحب البركوكس بالجاج هااوا ليك...



وانا راجلي يموت على الغرايف ...ميل ترو...كي يشوف المطر تصب والحالة مظلمة وباردة ..يولي تقول مراة تتوحم...ما خساراش فيه ..هههههه

[مريم13]

المشاركة الأصلية كتبت بواسطة احلى شيء الاموموة

السلام عليكم ..لبنات راني جيت واش احوالكم لاباس...ايا منعتوا الحمد لله لي لقيتكم دخلتو...منيرة وامة واسماء ومريومة صح غذاكم....مريومة ربي يخليك على الدعوة ان شااء الله من فمك لباب السماء...حورية راهي في الجزاير وراهي تسلم عليكم بعثلها رسالة خاصة ورجعتلي...
لي تحب العدس هو لييك..


و اللي تحب البركوكس بالجاج هااوا ليك...



وانا راجلي يموت على الغرايف ...ميل ترو...كي يشوف المطر تصب والحالة مظلمة وباردة ..يولي تقول مراة تتوحم...ما خساراش فيه ..هههههه

لالا قلبي الصغير لا يتحمل

[mounira]

يا خاه على الامومة واش دارت ؟؟ الغرايف .. نهار الويكاند هدا بربي انشاء لله ندريهم سخفففففت + يخرجولي روعة

[مريم13]

انا جامي درت الغرايف ماعنديش الطاجين كل مر نقولو اشريلي و هو حاطني في التقيل\\


وينكم