دردشه خاصه لأعراض الحمل والوحام

[nona alaa]

ازيكوا ياجماعة انا لسة عضوة جديدة وبصراحة كنت بشوف كلامكوا عن اعراض الحمل وشجعتونى اكتبلكوا وافضفض معاكوا انا بقالى سنة وشهرين شايلة الجهاز عشان نفسى اجيب اخ او اخت لبنتى بس للأسف مفيش حمل خالص لا بقى عندى تكيس فى المبيض والدورة مبقتش منتظمة خالص لدرجة ان كل ما تتاخر اعد اوهم نفسى وفى الاخر مفيش حاجة اخر حاجة الدكتورة كتبتلى على ابر منشطة وابرة تفجير فى اليوم 12 بعد ما لقت الحمد لله البويضة حجمها بقى كويس حوالى 20 بس من ساعة ما اخد الابرة اتفجيرية وانا تعبت جدا بقت نفخالى بطنى جدا وحاسة كان فى كيلو زلط فى بطنى وتقل غريب فى المبايض والموضوع دة بقالوا اكتر من 10 ايام ولغاية دلوقتى فى وجع فى المبايض ووجع فى الظهر ووجع عند حلمة الصدر ياترى دى اعراض حمل ولا كل الايام دى تبويض معقولةمع العلم انها كتبتلى على الدوفاستون فى اليوم 18 وفاضل 4 ايام ويخلص ياترى الوجع المستمر دة ممكن يكون حمل ولا اعراض الابرة بتستمر كل الفترة دى وياترى ابتدى احلل حمل امتى لانى بصراحة مستعجلة جدا ونفسى اعرف لان بجد نفسى ابقى حامل جدا عشان اخاوى بنتى ياريت تدعولى ياجماعة ان الدورة ماشوفهاش تانى ويارب يكرم كل اللى عايز ويئوم كل حامل بالسلامة ويرزقنا كلنا بالذرية الصالحة معلش طولت عليكوا بس ياريت تردوا عليا وطمنونى لانى تعبت من التفكير والله يارب اكرمنى انا وكل اللى زيى بالذرية الصالحة امييييييييييييييييييييين يارب