بعد عقم اربع سنين ؟؟يارب رحمتك...

[الماسة26]

المشاركة الأصلية كتبت بواسطة ودي بضمة طفل

بعد عقم اربع سنين وتعب من المستشفيات والعلاجات اللي تهد الجسم ولاتنسوا التعب النفسي والجسدي اللي كنت احس فيه لدرجة خلاص ماعاد ابي شي من هالدنيا قرر الدكتور اللي اراجع عنده اني اسوي عملية تلقيح صناعي مع العلم اني سليمه انا وزوجي ومافيه اي شي طبي يمنع الحمل لكن ارادة الله فوق كل شي سويت العمليه بعد معاناة مع التعب والانتظار والحمد لله نجحت العمليه وحملت بفضل الله والله العظيم لما سمعت الخبر حسيت اني مو قاعده امشي لا احس اني اطير من الفرحه وحمدت الله وشكرته ومر الشهر الاول ورحت لاول موعد لي علشان اتطمن عالبيبي والحمد لله ماتتوقعون قد ايش بكيت لما سمعت نبضه فرحه وشعور لا يوصف((اللي مابعد حملت يارب انها تجرب هالشعور))ومرت الايام والشهور وانا اسولف معه يوميا حتى لما انام واصحى اصبح عليه واستودعه الله والله حتى ملابسه نقيتها ومن اي محل راح آخذها وحتى سريره مانسيته ولما بدا يتحرك كنت اطير من الفرحه واقول يالبى ايدينك ورجلينك اللي ترافس متى اشوفهم وابوسهم وصوره بالسونار من الشهر الاول وانا اجمعها بالالبوم واقول لما يكبر راح اوريه صوره من يوم هو ببطني لما يكبر ,,ولما خلصت السابع وراح ادخل بالثامن وراح يكون اول يوم بالعيد وانا مره فرحانه لانه اول عيد وحبيبي معي ((روح امه))وولما صحيت صبحت عليه لكن مارد مو بالعاده يسويها بأمه كان دايم يتحرك لما اكلمه ,,قلت اكيد انه نايم فديته مر اليوم الاول والثاني وقلقت قلت خل اروح المستشفى واتطمن رحت للدكتوره وقالت يمكن نايم قلت لا مو بالعاده يسوي كذا قالت خلاص قومي اكشف بالسونار وتطمني ولما كشفت قالت شوفي البيبي كويس وتمام الحمدلله بس باقي نشوف النبض ونتطمن اكثر وفتحت مكبر الصوت وانا اناظر بالجهاز الا واشوف خط ابيض يمر بنص الشاشه ((واقول بنفسي انا اعرف لما يطلع هالخط يكون الواحد ميت ))بس قاعده اكذب ع نفسي لانه هاذا حلم حياتي وماابغى اشوفه ينهدم قدامي وقمت سالت الدكتوره وماردت ووجهها صار لونه احمر وزوجي تغيرت ملامحه وانا اقول لها ماااااااااااااااااااااااااات البيبي وماردت وسألتها مره ثانيه وقالت الله يعوض عليكم ؟؟سودت الدنيا بوجهي وحسيت ان جبال النيا كلها ع ظهري مابكيت لا ابدا حسيت ان ربي ربط ع قلبي وصبرني بهذيك اللحظه ..قمت وانا اقول لنفسي هاذا مو يوم عيدي هاذا يوم الحزن بالنسبه لي راح ضناي اللي عاش معي سبع شهور راح بيوم العيد نام بقبره قبل لاينام بسريره ولبس كفنه قبل لا يلبس ملابسه وضمه قبره قبل لا اضمه ,عشت خمس شهور من اشد الشهور علي وانا في حاله نفسيه لايعلمها الا الله والله مامر يوم الا وامخدتي تغرق من الدموع ونوم الليل جافاني ولاعاد اقدر انام بالليل الى هاليوم وكل مااشوف طفل باي مكان ابكي ونفسيتي تعبت بالمره واصبرها بالصلاه والقران واقول لله ماأخذ وله مااعطى واقول بكره راح يكون احسن من امس ,يارب عوضني ولا تجعل للهم طريق لقلبي يارب..هاذي قصتي بعد رحلت المعاناه واناراح ابدا من الصفر للعلاج مره ثانيه دعواتكم لي ..

ما أعرف ويش أقولك ربي يعوضك حبيبتي

أسألك اللهم يا مالك الملك يا من تؤتى الملك لمن تشاء وتنزع الملك ممن تشاء وتعز من تشاء بيدك الخير كله . يا حى يا قيوم . يا رحمن ويا رحيم .

لا تذرنا فردا وأنت خير الوارثين يا أرحم الراحمين . أدعوك اللهم إنك ترزق أختي ودي بضمة طفل ترزقني وأخواتي المنتظرات الذرية الصالحة والخلف الصالح وتجعلني وتجعلهم مقيمى الصلاة ومن ذرياتنا وذرياتهم

ربى وتقبل دعــــــــــــــــاء..........