حبيباتى سيدات ليبيا تفضلو لأعرف ما حالكم

[هدية الخالق]

المشاركة الأصلية كتبت بواسطة sosolibya

مافهمت شىء كلمةشنو وأنا امتى سألت وشن هي الكلمة أصلا

ياسوسو اني نوضحلك هادي مش امس سألتي شموسة على معني كلمتين قالتهم اللي هما لنقني وزر بعدين قالت كلمة ثانية اللي هيا حال غايتي ف إثري قالت أكيد سوسو حتسأل عن معنى حال غايتي اني نجاوبها من تو حال غايتي معناها أقصى أحلامي وأمانيه .

[هدية الخالق]

سوسو وشموسة حالة ترقب وانتظار صاااار؟
ان شاء الله خير الخيرة فيما اختاره الله مرات حملكم فيه خير ماتخمموش
حتى اني نستنى موعدها عالعيد لكن أكيد بتقدم يومين أو ثلاثة كالعادة معناها مايصيرش من صيام الوقفة اهئ اهىىىىىىىئ
جنودة مش عوايدها الغيااااب هذا كله ليها وحشة
وأمولة حتى هيا مغطسة زعما جابت

[هدية الخالق]

اثري ماشية معاك مديرة مدرسة ماشاء الله فعلا الشخص المناسب في المكان المناسب
مسؤولية إنتي قدها ربي يعاونك اني انظني حتى تدريس مانقدرش نتحمل مسؤولية ونسيطر على طلبة
منسألك خلال فترة الدوام تلبسي في خماار؟ ماهو عندي مرت خالي مدرسة ومختمرة لما يخش عليها إستاذ والا مشرف تلبس في خمارها وكلهم ينتقدوا فيها عليه وقالولها انتي في مكان عمل وتأدي في واجبك مفروض عادي بلا تقييد تخلي روحك عادية لكن هيا قالت منقدرش حتى من سلافها تلبس في خمار قدامهم

[هدية الخالق]

شكلكم لاهيين ومافي حد بيخش توا ترا منوض طالما سوما الحلوة رقدت مندوش وندير دورة عالحوش .في وحدة صاحبتي ليبية شادة فيا تبيني نمشيلها في الحوش لكن اني مشوبة من البعد مسافة ساعه الا ربع بالباص وماخاطريش انوتي روحي ومنوتي الغدي قبل مانمشي قصة طويلة الحق ونعسااانة نضت الصبح بالسيف امبارح سهرانة وسوما ناضت في نص الليل مغمضة عيونها وتعيط مش عارفة شكلها تحلم والا شني واليوم نوضتني الساعه 9مصبية في السرير وبتنقز على سريرنا كل يوم اتدير فيها الحركة هذي تهدد فيا نضطر انوض نجري ههههه
سلامات توا

[sosolibya]

السلام عليكم

طلعنا العشية وفتنا لعيالي بعد المغرب لقيناهم شاريين لحم ودارو قلاية

وتوا ظميت الدنيا ورتبت المشتريات

وتوا شموووووووووووووووووووووووسة

بنمش ندير ألإختبار ماعنديش صبر نصب للصبح

ادعوووووووووووولي

[هدية الخالق]

المشاركة الأصلية كتبت بواسطة sosolibya

السلام عليكم

طلعنا العشية وفتنا لعيالي بعد المغرب لقيناهم شاريين لحم ودارو قلاية

وتوا ظميت الدنيا ورتبت المشتريات

وتوا شموووووووووووووووووووووووسة

بنمش ندير ألإختبار ماعنديش صبر نصب للصبح

ادعوووووووووووولي

ان شاء الله خير سوسو نستنوا فيك منسمعوا النتيجة على احر من الجمر حتى مرت خالي توا كانت تكلم فيها عالفايبر قاتلي حامل والله فرحتلها مووت عندها تلاتة اولاد اصغر واحد عمرها خمسة سنين معادش حملت عليه وبتهبل تبي بنية ربي يرزقها ماتتمنى يارب

[هدية الخالق]

شن الجووو وينكم ماخش حد اليوم سوسو شن صار فيك
على فكرة إثري اني اللي قلت رشدة بالخضرة مش سوسو
ونقصد بالخضرة طماطم أخضر وفلفل وبطاطا وثوم وعدس وحمص ووووو وعندنا اهني يبيعوا في خضرة مكيسة ومثلجة فول وبازيليا وذرة وجزر نحط فيهم في الماكلة الجارية ديما

[جوهرة ليبيا]

السلام عليكم ورحمه الله وبركاته

[جوهرة ليبيا]

مقدرتش نقرا ولااااااا صفحه فايتتني بس فهمت شويه تهدريز


سوسو وشموسه ربي يعطيكم ماتتمنوا والخيره فيما اختارها الله


جنوده خيرها غياب ان شاء الله خير

واموله العسل ربي يطمنا عليها


كووووووووووول البنات كيف حالكم ياغاليات ليكم وحشه

[جوهرة ليبيا]

تصبحوا علي الف خيييييييييير