ديوانية حوامل البحرين

[بنت الأياويد]

والله السوق يسمع حسج، يوم سافرت هالصيف تشريت واختي خذت لي من مجمع الظهران فستان وبس وسويت لي دفتين من الرفاع، وانتي؟

[أم حماني]

انا لاول مره بحياتي .. ماشريت ولا شي .. بيتنا وريلي عيزوا معاي اني اشتري لي ع الاقل حق اول يوم .. بس انا مالي خاطر كلش .. قلت لهم اذا ولدت قبل العيد مابلبسهم واذا بالعيد بكون تعبانه ومالي بارض وبعدين اروح اشتري ثياب حوامل وانا جريب بولد ؟ وبيني وبينج على هالتنفخ اللي فيني مالي خاطر اتعدل واكشخ

[بنت الأياويد]

اي والله ، الله يعينج صج الواحد ماله بارض

[بنت الأياويد]

من بوديج عيل باجر الدختر؟

[أم حماني]

العيد الياي بعوض ان شاء الله .. بكشخ عدل عدل .. اقوى شي .. ع قولة اللي في المسلسل ههههههه

[بنت الأياويد]

هههههههههههههههههههاي لحد يشوفج عااد ، انا العيد الياي بكون شهري مالي بارض حق شي واوردي احنا مابنعيد لان ابوي توه متوفي من اربعة شهور

[أم حماني]

وي ... الله يرحمه .. عظم الله اجركم ... ريلي باجر بيوديني .. انا بتصل لهم الصبح بجوف ااذا في سرير فاضي .. وبقولهم متى لازم اروح

[بنت الأياويد]

اجرنا واجرج فديتج ، جوفي اتصلي فيهم ان شاء الله يردون عليج

[أم حماني]

بتصل لهم من الصبح

[بنت الأياويد]

الله يسهل عليج امورج