تجمع الجزائريات المتأخرات في الحمل و أهلين بالتونسيات الغاليات

[سهام فرنسا]

أنا كنت نشرب غير وحدة برك
كون عيطتي للطبيبة و سقسيتيها و لا شوفي فارماسيان برك بالاك يقلك

[سهام فرنسا]

هيا تصبحو على خير البنات
أنا لازم نروح

[بسمة روجينا]

واش راكم باربي سهام لاباس انا كملت صيامي حمدلله والله غير جازو بالخف ...... مي ما قلتيليش صح عيدك غدوا عيدي راني نوجد اليوم فالقاطو باش نعرض الغاشي نتاعنا يجي يعيد معايا غدوا اليوم مارانيش كامل مليحة طلعتلي سخانة ماعلاباليش علاه ماشي من عوايدها بلاك رايحة نمرض ياربي واسترني

[barbi alg]

صحا عيدك بسمة

[بسمة روجينا]

المشاركة الأصلية كتبت بواسطة barbi alg

صحا عيدك بسمة

الله يسلمك حنونة

[مريم13]

صح عيك بسمة كل عام وانت بالف خير
حبيبتي اشربي اسبجيك و ارقدي راكي من التعب برك تاع الصيامم

[Nourelhouda]

اهلا البنات واش راكم لاباس؟!؟!؟ بسمة، باربي مريومتي سهام و كامل الزينات!؟!؟!
انا هذا وين كملت الميناج دوشت صليت العشاء و تعشينا و راح نرقد ، لازم نرقد بكري على خاطر غدوة نطلع بكري للخدمة نخدم على الثامنة صباحا يني لازم مقلع على الستة تاع الصباح،،،،، المشكل لازم نجوز لداري على خاطر ماجبتش حوايجي تاع الخدمة و لا قرايتي،،،،، كنت راح نجيبهم و من بعد قلت علاش يا نولي نهار السبت و المكتوب كتبلي نقعد في دارنا،،،،، علابالكم موافة كي نجي لدارنا نجيب بزاف الحوايج معايا دائما حتى لوكان نقعد يومين نعمر روحي بالحوايج ، بصح هذ المرة ما جبت والو حتى سوتيان جبت واحد و ماجبتش حوايج الخرجة جيت بالجلابة قلت ماعندي وين نروح الله يسترنا هذ المرة خذاني التلس و العماء و هذ المرة راني قعدت بلا حوايج هههههههههه جبت زوج بيجامات راني نغسل و نلبس كي المهبولة،،،،،،
بابا حار فيا كي قلتلو موقبيلا شوف اذا الطوموبيل فيها البنزين قالي علاش قلتلو غدوة نخدم،،، قالي من نيتك قولتلو ايه ،،،، فاقلي ماسقساني والو،،،،، هههههههه بصح من غزرة تاعو بان بلي فاقلي،،،،،،،

[بسمة روجينا]

المشاركة الأصلية كتبت بواسطة مريم13

صح عيك بسمة كل عام وانت بالف خير
حبيبتي اشربي اسبجيك و ارقدي راكي من التعب برك تاع الصيامم

الله يسلمك مريم والله راني في حالة مع السخانة ربي يستر برك

[Nourelhouda]

والله قتلتني بالضحك هذي سورتو في الاخير:
السؤال الاسطوري تاع لي كوبل : ;واش لابسة
فتجيب الفتاة الاجابة الاسطورية : غوب دو نوي غوز

.
....
.
.

.
.
.

انه الحب على الطريقة الجزائرية
.
.

وهي في الحقيقة لابسة تريكو مرسوم فيه ارنب و من كثرت الغسيل ولا كلب هههههههههههه




ايييييي تاع ارنب ارجع كلب راني نضحك كي المهبولة،،،،

[Nourelhouda]

ام قطب الدين الف مبروك الحمل ربي يطلعك على خير و يرزقك الولد السليم المعافى،،،،، و بالشفاء على وليدك،،،
بسمة بلاعقل برك بالاك راهي السخانة،،، في العاصمة راه الهواء ماكاش مقبيلة كانت الدعوة باردة و الهوا يهبل و درك اتقطع كلش بعيد الشر و راني حاسة روحي نغلي ، بصح انا راح اتجيني الدورة غدوة ان شاء الله،،،،،،بالاك منها السخانة،،،