تجمع الجزائريات المتأخرات في الحمل و أهلين بالتونسيات الغاليات

[Nourelhouda]

ام قطب الدين خير ان شاء علاش درتي التحاليل تاع الدم!؟!؟!؟! دارتلك الدورة تأخير!؟!؟!

[ام قطب الدين]

انشاء الله لاباس
انا حامل وطلبت مني الدكتورة تحاليل

[مريم13]

المشاركة الأصلية كتبت بواسطة nourelhouda

بالشفاء علليك مريومة بلعقل برك لازم تحاذري على روحك ،،،، ياو راكم زوج ماشي واحد و وليدك مسكين راه لاحول و لا قوة مايقدر يحكي مايشتكي يعني انت تحاذري عليه،،،،، مريومتي ردي بالك و حافظي على روحك،،،،
ام قطب الدين لاباس؟!؟!؟! لالا ماتصالحتش معاه و عيطلي موقبيلة قالي اذا تطلعي للدار قولتلو لالا مانطلعش نقعد في دارنا،،،، قالي امالا دورك ندبر طوموبيل و نجي نهدر مع باباك قولتلو مرحبا بيك و من بعد قالي ماتنعليش ابليس ،،،، قولتلو الله يلعنو و يخزيه،،،،، راني لاعناتو ، قالي امالا واش بيك قولتلو والو،،،،، شاطر راجلي راح حابني نرجع و حتى ما قاليش اسمحيلي و الا راني غالط ، مقبيلة قالي انت تستاهلي واحد خير مني ،،،،،، ايه كي علابالك هكذا واش راك تحوس!؟!؟!؟! ايا قولولي واش ندير؟!؟ ماتقولوليش روحي اطلبي منو السماح،،،، هذ المرة والو هو اللي يطلب خلاص سي بون، خليه يمرمد كرامتو معايا شوية ميما مرمدتها معاه،،،، كل مرة نقول ماعليش ماعليش بصح هذ المرة لالا خلاص ،،،،،،

يا بتني ماش هك تخليه يطلب السماح ماش بتخشان الراس ونما التستات ماش غير يطلب السماح ويبوس راسك من فوق انا هكا ندي انا نضلم وانا نغلط وكي نفيق نستت نلقاه طلب السماح وباسني على راسي ساع نقولو اسمحلي علابالي انا تاني ماش قليلة ههههههههههههه خلاتها ماما تقولي سلهوبة بصح سياسة ناجحة100%

المشاركة الأصلية كتبت بواسطة ام قطب الدين

انشاء الله لاباس
انا حامل وطلبت مني الدكتورة تحاليل

الف الف مروك ري يكملك ويقدمك للخير شحال عندك حمل حيبتي
هادي حاجة تفرح زادو الحوامل في تجمعنا يارب تكمل على البنات كامل ويحملو يا رب

[ام قطب الدين]

ربي يفرح الجميع ياختي مريم
انا عندي ثلات شهور ونص حمل

[ام قطب الدين]

نور الهدى والله قلبي معاك منحبش مرا تزعف من راجلها وكيما قالت اختي مريم تسيتي شوية وتشوفي
انا اسمحولي رايحة ندي وليدي لطبيب
ربي يحفظكم

[مريم13]

المشاركة الأصلية كتبت بواسطة ام قطب الدين

نور الهدى والله قلبي معاك منحبش مرا تزعف من راجلها وكيما قالت اختي مريم تسيتي شوية وتشوفي
انا اسمحولي رايحة ندي وليدي لطبيب
ربي يحفظكم

ربي يجعلو الشفاء

[بسمة روجينا]

واش راكم لبنات

[lamia zina]

المشاركة الأصلية كتبت بواسطة مريم13

ياااا
صبورة طلت يا سلام
راني فرحانة حبيبتي ويين وليتي دركا
ان شاء الله تكون عتبة مربوحة يا رب عليك و على راجلك

لامياء حبيبتي واش احوالك لامياء عندي شحال و انا حاستك ح تولي ام ما علابالش علاش يا راكي بالحمل يا رايحة تحملي ان شاء الله

انشاء الله يكون احساسك في محلو .... ما ني حامل ما والو انشاء الله الشهر الجاي مع كل البنات في التجمع

[مريم13]

المشاركة الأصلية كتبت بواسطة بسمة روجينا

واش راكم لبنات

اهلا سم واش احوالك انت احنا لااس

المشاركة الأصلية كتبت بواسطة lamia zina

انشاء الله يكون احساسك في محلو .... ما ني حامل ما والو انشاء الله الشهر الجاي مع كل البنات في التجمع

امين يا رب حبيتي

[بسمة روجينا]

مريم حنونة ماحكيتيلناش على العرس كيفاش جاز.... شطحتي بزاف ...واش درتو