تجمع الجزائريات المتأخرات في الحمل و أهلين بالتونسيات الغاليات

[مريم13]

المشاركة الأصلية كتبت بواسطة بسمة روجينا

والله يا مغامرات مريم واش مريم ماراكيش خدامة اليوم

ههههههههههههه
حبيبتي خدامة بصح عندي عرس مزيا في خدمتنا عندنا الإنابة و عندي صاحبتي ملي تزوجت وهي تنوبني مسكينة الله يعطيها ما تتمنى و ينوب عليها بزوج صالح يا رب

[بسمة روجينا]

المشاركة الأصلية كتبت بواسطة مريم13

اما ليوم نروح عندي عرس تاع بنت خالي مسكينة غاضتني كنت راح تتزوج في جانفي و من بعد كلش انولاتو وليوم عرسها ختها مسكينة تسكن في الأردن ما جاتش خاطر الطبيب منعها من السفر بسبب الحمل وخوها الوحيد لبارح جاء يرفد ولدو دار فو جاسط تكسر من رجلو
واختها التوأم سمعت بلي طلعوها للسبيطار الصباح تولد هههههههههههه مسكينة عندها زهر يكسر لحجر مع اللول ما خلانيش بعلي نروح ومن بعد كي سمع بلي وحدها قالي روحي

نوضي نوضي توجدي روحك اومبعد ارواحي احكيلنا ماتنسايش

[mounira]

المشاركة الأصلية كتبت بواسطة سهام فرنسا
صباح الخير عليكم ياالبنات
نور لاباس عليك حنونة بصح لازم تشوفي طبيب تاع العينين باش يعطيلك دوا و متوليلكش أختي الصغيرة مسسكينة دائما توليلها حتى راحت لتاع العينين عطاها دواء ومن هذاك النهار ماشافتها
و لا لا حنزنة راكي غالطة مارانيش بالحمل اليوم على صباح ربي قاتلي صباح الخير
كون غير خلاتني حتى احتفلت بعيد زواجي أهئ أهئ أهئ



مالعيش المهم يجوز بالصحة والهناءا .. هههه حتى انا صبححت علييا .. عيد سعيد و كل عام و انتوما بالف خير .. انا عيد زواجي - زععععمة هههههه - كان 02 sept ...

[Nourelhouda]

صباح الورد و الياسمين البنات الزينات توحشتكم،،،،
سهام الزينة ربي يعوضك الشهر الجاي احتفلي بعيد زواجك ماتراطيش و ماشي شرط تحتفلي بعيد زواجك ب........ ههههههههههههه ،،،،
بسمة روجينا لاباس؟!؟!؟!؟!
ام قطب الدين معرفة خير ربي يطلعك على خير و يحفظلك اولادك،،،، انا نورالهدى 31 سنة من العاصمة متزوجة في البويرة عندي 3سنوات و 9 اشهر بدون اطفال حملت بعد ثمانية اشهر و طرحت ماكنتش علابالي بلي حامل و من هذاك النهار ما حملتش رحت للطبيبة اعطاتني كلوميد ثلاثة اشهر و كانو يخرجولي بثلاث بويضات و كل شهر اتجيني الدورة و من بعد الطبيبة قالتلي خلي راجلك يدير التحاليل تاع السائل المنوي بعد التحاليل خرج عندو قلة في العدد 200000 حيوان منوي فقط و من بعد اختفو و رجعو صفر بعد ستة اشهر ، و رانا حاولنا نديرو انابيب والو و زيد رانا رحنا لطبيب اخر اعطى لراجلي تحاليل دم تبين اذا عندو الزريعة و الا لالا و راح يديرهم راجلي و رانا قررنا نجيبو طفلة نربوها من دار الايتام و ربي يجيب اللي فيه الخير ،،،،
منيرة الزينة لاباس؟!؟!؟! حبيبتي كنتي في بالي و قلبي بصح علابالي بلي خليتك في ايدي امينة كي شغول انا او اكثر و احسن مني ربي يجازيهم بالخير،،،،، روحي شوفي البريد تاعك راني هدرت مع صحابتي و قالتلي اعطيها رقم تاعي و انت عيطيلها ربي يحازيها خير طفلة هايلة بزاف،،،،،

[mounira]

المشاركة الأصلية كتبت بواسطة بسمة روجينا

نوضي نوضي توجدي روحك اومبعد ارواحي احكيلنا ماتنسايش

ايه لازم تحكيلنا .... نقرعجو شوية ههههه

لا زم نديرو تجمع اخر نسميوه تجمع الجزائريات القرعاجياااات

[Nourelhouda]

مريومتي تعالليييي وين رايحة و مخليتني زعمة توحشتيني ؟!؟!؟!؟!
ههههههه عجبتني الحرب تاعك ، ماعليش راكي بالحمل و الهرمونات مخلطة غير بردي خاطرك دوركا و من بعد الولادة ربي ينوب ههههههههههه راكي بعذرك،،،،،
بصحتك العرس و ربي يهنيها بنت خالتك ،،،،،، واش اسمها اللس تسكن في الاردن و واش دير تماك بالاك نعرفها؟!؟!؟!؟!

[Nourelhouda]

منيرة هايل الاقتراح ههههه و نحطو ريحانة مشرفة عليه هههههههههه و خولة مساعدة مشرفة هههههه
واش بيهم البنات مابانش خبرهم؟!؟!؟!؟ ايا ارواحو

[Nourelhouda]

قصة وعبرة
طالب نشأ في عائلة غنية
وتعلّم في أفضل المدارس
كان كابتن لفريق السباحة في الجامعة ،
وبدأ الاستعداد ليمثل بلده في فريق السباحة للألعاب الأولمبية القادمة الكل كان يُثني عليه لكنه لم يكن يهتم بصلاته و أوراده اليوميه

كان له صديق في الجامعة ملتزم ومتدين لا يتحرك خطوه إلا ويقول :
" يا الله توكلت عليك "
وكان دائماً يطلب منه الذهاب للمسجد لكنه لم يهتم و يُفضل الذهاب إلى مسبح الجامعة ليتدرب أكثر على السباحة ..
حاول صديقه أن يُعلمه أهمية الصلاة و الأوراد لكنه لم يقتنع

في ليلة ،
ذهب حمد إلى مسبح الجامعة كالعادة ليُمضي بعض الوقت في التدريب على القفز

كان القمر ساطعاً بنوره من خلال الشبابيك الكبيرة للمسبح ، والسكون يخيم على المكان

احس بالراحه لعدم وجود أي شخص في المسبح ،
فلم يهتم في إشعال الأنوار
حيث نور القمر يتخلل مسبح الجامعه من خلال النوافذ

صعد على السلم الأعلى في المسبح ،
وتقدم إلى حافة منصة القفز ،
ورفع يديه استعداداً للقفز

مع شهيق !
ومن دون شعور !
قال : " يا الله "

إستغرب من نفسه و كأن الكلمه خرجت من دون إرادته
أخذ يتذكر ما كان يقول له صديقه عند كُل أمر
" توكلت عليك يا رب "

لم تأخذ كلماته إلا لحظات قليلة ،
شعر بفرح عجيب يملأ كيانه
ووقف مرة أخرى على حافة المنصة مستعداً للقفز ، وتذكر كلمات صديقه الذي يكررها عند بداية كل أمر
" بسم الله الذي لا يضر مع اسمه شيء في الأرض ولا في السماء وهو السميع العليم "

قبل القفز بثواني . . .
و إذ بباب المسبح يُفتح !
و مسئول الصيانة يدخل ،
ويُشعل الأنوار في المسبح
نظر حمد إلى أسفل

ماذا رأى ؟!

المسبح فارغ من الماء !!!!

إذ كان المسئول قد أفرغه لإصلاح شق في داخله

لم يقف بين حمد والموت إلا لحظات قليلة

نزل من المنصه ليسجد لربه وهو يبكي
ليس علي نجاته
إنما علي الوقت الذي مر به لم يذكر فيه اسم الله
كم من مرة
يحف بنا الخطر والموت ،
لكن رحمة الله تعطينا فرصة أخرى ؟
إن الله يكلمنا من خلال هذه الأمور جميعها ،
منتظراً منّا أن ننتبه قبل فوات الأوان
بادروا قبل أن تغادروا

راقت لي فأرسلتها:) سبحان الله
لا يؤخر الله أمراً .. إلا لخير
ولايحرمك أمراً .. إلا لخير ،
ولا يبكيك اليوم .. إلا لخير ،
ولا ينزل عليك بلاء .. إلا لخير ،
لذا لا تتضجر .. فكل الأمور خير ..
فالحمدلله الذي بيده الخير وهو على كل شيء قدير،،،،

[تورية]

http://forum.hwaml.com/t272530.html
بنات بلادي شوفو و قلولي واش رايكم

[Nourelhouda]

اللهم لا تدع تائبا إلا قبلته، ولا ضالا إلا هديته ، ولا دينا إلا قضيته، ولا عزبا إلا زوجته ، ولا محروما من الذرية إلا ذرية صالحة رزقته