وضع الجنين !!

[Dracula]

صباح الورد


كيفكم


رحت امس للدكتوره قالت لي راس الجنين فوق لازم تحبي، قصدها زي الاطفال

انا دخلت ثاني اسبوع بالتاسع

سؤالي


كم ساعه احبي في اليوم، ولما احبي كم المده اللي يتغير فيها وضع الجنين
مثلا بعد ما احبي بيومين او اكثر

ولا احتاج فتره طويله عشان تتغير وضعيته

[غيمة ومطر]

غاليتي
انا قبل اسبوعين كان راس بنتي فوق
والدكتورة قررت لي عملية قيصرية علشان حجمها كبير
المهم نزلت موضوعي وردت علي وحدة الله يجزاها الخير
وصرت احبي واكل تمر كثير واسجد واباااعد بين فخوذي
طبعا الجزء العلوي تحت كاني ساجدة والظهر ارفعه فوق من الخلف
جلست فترة اتريض صباح ومساء حتي لما اركع اباعد بين رجولي
وكل ما حسيت بحركة البنت ع طول سويت حركة السجود
الاسبوع اللي راح
صارت جايه بالعرض
يعني راسها بجهة اليمين وظهرها بجهة اليسار
والله اني دعيت باخر الليل وصليت وسالت ربي ان يعدلها وينزل راسها تحت
وصدقيني بعد الاستغفار والصدقة والدعاء والتضرع لله باخر الليل
يااااااااربي لك الحمد جيت من موعدي الحين وانا طاااايرة فرح
الدكتورة لقيت راسها مستقر بالحوض تحت ورجلينها فوق
وعلى فكرة انا بنتي اذا فيه حزام ع بطني تجلس تضرب في المكان اللي فيه حزام
وانا لبست حزام بس خليته تحت صدري وانا اشتغل بالبيت او ماشيه
طبعا كنت احس بحركتها وانزعاجها من الحزام علقت عليه كم قطعة ملابس
صار مثل الجهاز اللي ياخذون تخطيط قلب الجنين جهاز مربوط بحزام
المهم صار ضربها بدل من تحت
طلعت فوق وصارت تضرب فوق
والحمدلله هذا اشياء سويتها اولا بفضل الله ثم بفضل نصيحة اخواتي بالمنتدي
ثم احساسي كأم كنت اكلمها ومن معرفتي باللي يضايقها سويته
وياااارب لك الحمد انقلبت لتحت
واسال الله العلي القدير
ان يثبتها لحين وقت الولادة
ويهون علي ولادتها
وعقبالك يااارب ما تبشرينا بانها نزلت لتحت راس الجنين*

[ام وليد2005]

ما شاء الله الأخت غيمة ومطر كفت ووفت
و عن تجربة الحمد لله وعقبالك غاليتي
ما عليك سوى ان تكثري السجود
وتأكلون التمر ولا تنسي الدعاء
والاستغفار وان شاء الله
المستعان

[عيون امها]

انا كمان ياقلبي بنتي كانت جالسه
صرت احبي الين اتعب مافي وقت محدد وعلى طول اسجد واحاول اطول بالسجود قد ما اقدر
اكررها كذا مره بايوم اقل شي 4 مرات
بعد يومين عملت اشعه والحمد لله لقيت راسها تحت

[حبيبت عمر]

الله يسهل عليج يارب

[نور المغرب]

اهلين دراكولا
انا حصلي كذة بحملي السابق و للاسف كنت ما افحص بالثامن الا بالشهر التاسع لما انصدمنا انه الجنين مقعدي و تبارك الله كان وزنه كبير قالت الدكتورة مافي امل انه يلف كتبتلي على طول قيصرية ثاني يوم ..... انا ما عملت بهاذي النصايح لاني ما كنت اعرفها انتي توكلي على الله وحده و طبقي منها عسى ربي يسهل لك
سؤال اتأكدتي من جنس الجنين انها بنت ؟؟؟؟

[Om Raheed]

الله يسهلك اختي ويهون عليكي يااارب

[Dracula]

الله يعطيكم العافيه جميعاً وييسرها عليكم يارب

بدأت حبو وسجود، بس ماتوقعت الحبو متعب

يادوب عشر دقايق واحس نفسي خلاص منتهيه


،،،،،



نور المغرب

عادي من السونار عرفت انها بنوته
ايوه متأكده لان من نهايه الرابع قالو لي ولاعمرها شككتني بالموضوع

ليش؟؟

[جنون بيبي]

امشي بنصايح البنات والله يسهل عليك تقلب ان شاء الله

[عيون امها]

ايوه ياقلبي
الحبو متعب .. بس ايش نعمل كله عشان مانولد قيصري الا باذن الرحمن
انا في حملي الاول ولدت قيصري بسبب انه مقعدي ولا ابغى اجرب القيصري مره ثانيه الا بارداة رب العالمين
حاولي بقد ماتقدري عادي حتى لو 5 دقايق بس اهم شي تكرريها كذا مره باليوم

ربي يسهل لك
<= منتظرينك تطمنينا ع البنوته