تجمع الجزائريات المتأخرات في الحمل و أهلين بالتونسيات الغاليات

[سهام فرنسا]

أهلا ألما واش راكي
عندك الحق بصح كرهنا من هذا السوجي المهم أنا مزاللها سمانة وراني حاسة بسطر تعها يعني منفرحش بزاف هههههههههههههه

[mounira]

باش يكون في علمكم يا بنات ... السطر تع الدورة يجي كل شهر في الموعد حتى لو كان فيه حمل يعني انشاء الله ما تشوفوهاش 9 اشهر .. بصصصح السطر ديالها غير ما تطمعوش يروح ... و هدا معناه انه الرحم في حالة جيدة ... سبحان الله

[alma021]

واش سهام نورمالمو انت تقرعجي على هدا السوجي انا مازالي 10ايام نورمالمو في 29 سبتمبر وكل شهر يكون عندي امل باه نكون حاااااااااااااااااااااااااااامل مالغري عندي 3 سنين و7 اشهر
وماديريش على السطر الحمل ثاني يجي معاه الوجع وخلي املك بالله كبير وان شاء الله ربي يرزقنا في اقرب وقت

[Nourelhouda]

الف الف الف الف الف مبروك يا ريحانة ربي يجعلو من الصالحين البارين بيك و بابوه يا رب و يعطيك وقفة سهلة و نفرحولك و نجي ناكل الطمينة،،،،،،، ربي يسهلك يا رب و يحفظك،،،،، فرحتلك يا حنونة طفل طفلة المهم خير من عند ربي و الاهم يجو صحاح و كاملين،،،،، كيما نقولو السلاك و صفة الناس ههههههه وليت عجوزة،،،
البنات واش راكم لاباس؟؟؟؟ هذا وين جيت من الجي سونتر عييييييييتتتتتتتتتتت ،،،، شرينا شوية دوزان لاختي و خالتي اللي في اسبانيا،،،،،ماما الجمعة تروح باذن الله،،،
الما والله عند الحق بصح يا حنونة راني ضربت ثلاثة سنوات و انا نعس في جدها و نشري التست بالطزينات نخلي روحي و راجلي مسكين و مانحكيلكش المورال كيفاش يهبط كي يخرجلي خط واحد و حقل التجارب اللي كنت نديرهم حشاك البول مع ماء الجافيل،،،، البول نغليه حشاكم و نعس في السرة تاعي اذا كاين نبضماخليت ما بقيت حتى راجلي و نعسو على خاطر مرة سمعت عجوزة تقول اللي راجلها وذنيه يكونو لونهم احمر وقت الدورة يعني راهي بالحمل نهار كامل و انا شادة وذنيه و نعس فيهم هههههههههه،،،،،، يا حنونة راه طاب قلبي ديجا كي تفكرت واش كنت ندير حكمتني القنطة على خاطر مانيش مأمنة بلي حبست الصادعات هذاك و البكاء اللي نبكيه مور ماندير التست و زيد كانت المسودة السعد ديرلي زعمة روطار تاع يومين غير نشري التست نديرو من يخرجلي سالب نمسح نلقاها جاتني خطرة وليت نضحك بهيستيربااااا حتى راجلي انخلع عمبالو ضربتها بهبلة و من بعد دخلت لبيتي ابكيت حتى متت حسيت روحي وليت عمية من البكاءو راسي كان راح يترتق،،،،،،،، اههههه يا الما ماتفكرينيش ،،،،،،
المهم انا وانت اتجينا مع بعض قعدلها عشرة ايام،،،،، مرحبا بيها ،،،ً،ً

[Nourelhouda]

ام انس، مريمومتي، امورتي، اترج، سهام، بسومة مرحبا بيك في الجزائر ان شاء الله تكوني لحقتي بخير،،،،، بسومة ١٣ ، خولة، باربي ، لاميا منيرة،،،،،، توحشتكم واش راكم لاباس؟؟؟؟؟؟
صبورة ، نور اليقين، ام بلقاسم، حورية، عبير، نوال، امة الرحمن طلي علينا الله يسترك،،،،، والله تقلقت عليك،،،،،، و البنات كامل ان شاء الله تاكم لاباس. كامل بالمذكورين و غير المذكورين،،،،،،

[alma021]

ههههههههههههههههههههههه تور نتاع الوذنين تاع الراجل خلاص قتلتني بالضحك ههههههههههههههههه

[Nourelhouda]

ههههه دوت فيه راييي ههههههه،،،،

[Nourelhouda]

ام انس ماكيش وحدك حتى انا تبهدياة هذاك النهار راجلي مساميني انا درت اكتواليزي و هما جاوني وجوه الشر دخلت في حوايجي من الحشمة و سقسيت البنات مريم قالتلي فيروس في المنتدى،،،،،،، قالتلي ماديريش اكتوراليزي بدلي رقم الصفحة و ارجعي للي موراها،،،،،،،

[alma021]

نور ايا راكي عطيتيني طريقة جديدة نلهى فيها ههههههههههههههههه
شوفي قاع واش قلتي والله غير نسخة طبق الاصل على روحي رانا كيف كيف بصح واش نديرو نقطعو لياس وربي سبحانو كاين
ما تعرفي قاع رحمة ربي وقتاه تنزل علينا وان شاء الله ياربي ياربي هدا الشهر للزوج نكونو حوامل

[Nourelhouda]

سمسومتي الزينة وين راكي ؟؟؟؟ توحشناك،،،،
وصال الزينة هذي غيبة اخطيك من المسابقات و ارواحي طلي علينا،،،،،، توحشنا الهدرة معاك،،،،