صدمتي في نكبه اسمها .. لوشن الزنجبيل

[sofi q]

السلام عليكم انا عضوه جديده واتمنى يلا قي موضوعي رد واهتمام لانه بصراحه يقههههر انا ياحبايبي طولي 152 ووزني 59 سويت دايت ونحفت الين 55 لكن بقت زنودي كبيره وشكلها مضايقني حتى لما رحت لدكتورة تجميل قالت جسمك مو انثوي تحطمت واهلي بس يعلقون طفشوني مابي اطول عليكم مابقى شي ماجربته خلطات وكريمات الين قررت اجرب اخر شي قريته بهالمنتدى الا وهو ((((( لوشن الزنجبيل ))))) مادري وش اقول عن الي كاتبين عنه الله يسامحهم والا الله يهديهم والا ايش شريته من تاجره معروفه هنا بالموقع انا وين عقلي لما اصدق خرابيط نت حتى الردود اشك انها هي الي كاتبتها اقولكم ليش ؟؟؟؟؟؟
1- احطه بغرفتي الي بالدور العلوي والباب مسكر وكل من دخل البيت قال ريحة البيت عفن واستفراغ وانتو بكرامه ريحته لااااااااااتطاق غريبه صاحبات الرد والي مادحينه ماذكرو هالنقطه حتى امي صارت تقول اقسم بالله لو باقي تستخدمينه والا روحي الحوش الوراني وحطيه
2- اسحملت وقلت اكمل لكن للاسف مانشد جسمي ولا نقص ولا ملم ولا راحت الخطوط البيضا
3- سعره غالي مقارنة بعفنه وريحته وعدم فايدته
بصراحه كرهت نفسي وقالتلي صاحبتي عن كريم نيفيا الشد ورحت شريته بحول 35 ريال يمكن وريحته نظافه وانتعاش وسعره معقول
كتبت الموضوع عشان لاحد يتوهق فيه خاصه المتزوجه انا بنت واستحيت من ابوي وامي واخواني والي تبي باقي العلبه بعطيها عشان تصدقوني

[fo0fo0]

يعطيك العافية ع توضيحك وصراحتك
بس أنا اول مره اسمع فيه؟؟

[sofi q]

شكرا لمرورك حبيبتي وانا ماعمري سجلت بمنتدى بحياتي الا هالمره بس عشان اكتب عنه وراح اكتب عن كل شي جربته وطلع كذب واكتبي هنا عنه عنه وشوفي التعليقات عليه بس

[Dana]

تسلمي حبيبتي على التنبيه

[الـغـنـد]

انا استعمله وريحته نفس ريحه خل التفاح بس اخف شوي وتطير بعد فتره.

واحسه جاب معي نتيجه حليوه بس لسى مطوله عليه

[Orchid109]

ياحبيبتي انتي استخدمتيه لمدة كم ؟!

هل كانت له اثار جانبيه عليك غير الريحة ؟!

اذا الحرمة هذي مسوية اللوشن من راسها وعارفها انه اضراره اكثر من منافعه او ماله منافع بالمرة

فالله ينتقم منها ~ ولايسامحها يارب

[sofi q]

شوفي حبيبتي هي عطتني علبه كبيره تكفيك شهرين يمكن لكن انا ماقدرت اكمل عشان الريحه ماتقدرين والله ماراح تقدرين وقريت في منتدى ثاني عن وحده تسب في تاجره غشتها في المدينه انا في الرياض وكاتبه هي ان المغشوش ريحته شينه والاصلي ريحته زي الجلسرين يعني الي عندي مغشوش

[Orchid109]

طيب
اذا تقدري ارسليه لمختبر عشان يفحصونه واستفسري
اذا طلع فيه شي ضار خذي تقرير المعمل واشتكي عليها عشان يوقفونها ومايتضررون ناس اكثر من المنتج

[dr.loly]

شكرآ ع التنبيه اختي
انا سمعت عن كريم الزنجبيل للتنحيف بس ما جربته ...
عندي اشوي منطقة البطن بعد الولادتين زياده بس جسمي الحمدلله متناسق
بس مع تمارين البطن .. الحمدلله .. اتخف وتشد

وفي بعد خلطة للشرب ماء مغلي اتضيفيله ملعقة يانسوون ومربع ملعقة قرفه وزنجبيل وعصرة ليمون رهيبه جدآ


وأهم شئ طبعا الريااااضه

[-قطر الندى-]

الله يعينك بصراحة