حبيباتى سيدات ليبيا تفضلو لأعرف ما حالكم

[هدية الخالق]

المشاركة الأصلية كتبت بواسطة *ام فراس*

يانا عليا الصفحة المشئومة كان ماخشيت ومسحتها م الاي باد ما قدرتنش تحكن من ع لاب تووب

وسببها تعالي هنا ياهديه هههههههه


صور طالعات فايروس ماحي الصفحه بالجنب خخخخخخخخخخخ




ع اساس يا ام سوما مدينة جميله ف كندا طالعات خراااااااااااااابيش واخرتها كلامك

ههههههه حي عليا إن شاء الله السبب مني هههه مش عارفه والله صور عادي زي ما قبل انزل فيهم مش عارفه خيرهم المره هذي

[dr.loly]

المشاركة الأصلية كتبت بواسطة هدية الخالق

كويسة الله يسملك كيف حال فروسه ولولي
شن جوها مع العياط من غلب زعما سوما إلا لولي هههههه

لآ بنيتي التوب 1 في العياط مايغلبها حد

ماجستير ودكتواره نق وعياط هههههههه سقع ع بنتك خخخخخخ

[dr.loly]

فروسي قاعد يلعب جايته ع اللم يلم اي حاجة تقابله ويجي حطها في كتري او ع لاب توب تووااا

مافهمتش شن يقصد ههههه

[هدية الخالق]

باهي فروسة اللي مسحتيها الصفحة كان هذا درتوا تجمع جديد ولزيتوني منا ههههه

[أمل ليبيا]

السلام عليكم
كيف حالكم ياحلوات
ام فروسي\هداية\ام اجنادين\اوشي\سوسو\اثري\جي جي\شموسه\ام نوسه\ام معاذ\ام ورد

ان شاء الله تكونو بالف خير كلكم

[هدية الخالق]

كان نقولك أني سما شن اخر تطوراتها نغيرلها في الحفاظ وهي علي بطنها ههههه
عشنا وشفنا الله غالب حكمت فيا ههههه

[هدية الخالق]

مرحبتين أموله كيف حالك وحال الحمل معاك طمنينا عليك

[أمل ليبيا]

ام فروسي
ماشاء الله صاحبة واجب ديما ان شاء الله جاراتي يديرولي زيك ما حلاها لما حد يتفكرك بتقاليد بلادك في الغربه
ربي يعطيك الصحة والاجر حبيبتي

وماشاء الله عجبتني لماتك كنت نتمنى ندير لمة كبيرة في البكر بالذات تبدي فرحانه بس راحت فيا لكن حتي اهني نفكر بندير جو ليبيا ويندير لمة بس ح نيطر ندير لمتين لانه معازيمي قريب 20 مراة ماشاء الله وشقتي دوبها تسد 10 صغيرونه وان شاء الله خير
عموما نبي نسألك ع التوزيعات والهدايا الي تنحط فيها المكسرات و الكونفيتي للبيبي شن اسمها بالانجليزي نبي ندورها في موقع اونلاين بس ماعرفتش شن نكتب بالظبط؟؟


وان شاء الله نبعتلك مشاركتي الليله للاسف ماصارش من الجهاز مشيت وقالولي لين الدكتورة تعطيك موعد اشبح امتى يجي!
لذلك بنكتب ع اساس بنوته وخلاص

[هدية الخالق]

حماتي عندها بنتين وتوا حامل بالخامس قالولها بنية حتي توا
مسكينه وجعتني تمنيتلها وليد مع إنه البنيات خير ونعمة وأحسن من الأولاد لما يكبرن
لكن المشكلة راجلها بيهبل يبي ولد واهل راجلها دايرين فيها حالة من البنت الأولة وهما
تلقيح كلام وتلميحات ويضغطوا عليها مسكينة هيا مش بيدها




جهل وتخلف

[أمل ليبيا]

اهلين بأم سما الحلوة
الحمد لله اني بخير كيف حالك انتي وسومة ربي يحفظها صار من توا تسمعي في كلامها ههههه

وصح شعور صععععب لما تسمعي بعرس في العيله وماشاء الله صغيييييرة هلبا بنت خالك وضحكتيني بيحسابو الزواج روب ومكياج ههههه
تعرفي زمان كانت امي الله يحفظها تقولي هكي لكن هاتي من يفهم ههههه
مستحيل تقتنعي لين تجربي