حبيباتى سيدات ليبيا تفضلو لأعرف ما حالكم

[شموسه 88]

زوجي الكسول والصغار مازالوا راقدين انا نايضه من الساعه ثمانيه علاشان انلحق وانوتي الحاجات الطلعه لاني امس في ليليل غير قررت المشيه قبل جاينتي حالت اكتائب معندش نيه لانطلع ولا انخش

[sosolibya]

ماشااء الله شموسة جووووووووو يسهف

[أم أجنادين 80]

صباح الخير

[أم أجنادين 80]

ماشاء الله علي النويشطة سوسو

شموسة والله استاحشناك واشتقني لهدرزتك وحكاياتك

امولة ان شاء الله ربي يهل ولادتك

ام فروسي في انتظار المزيد من الصور

[أم أجنادين 80]

ام فراس نقدر نشارك فيها المسابقة

حتي لو اني لاانتظر مولود

[dr.loly]

اكيد جنودة ولو كل الذويقات اللي نفسك يشاركن سواء منتظرات مولود او انسات
عشان نستفيدوا من ذوووق بعض ..

ورينا تجهيزاتك للولد او البنت البكر كيف حتكون ....
من ملابس وغرفة نوم بالكامل والشنطة والضيافه ..واي حاجة ببالك بخصوص هالموضوع

[dr.loly]

المشاركة الأصلية كتبت بواسطة شموسه 88

هل داري اليوم عازمني عل البحر واخذين شاليه"في قرية وادي الباب في سيدي خليفه يا ام فروسي" لهم كم يوم ايكلموا فيا درت بطاطا امبطنه اوعجنت بيتزا نبي انطيبها اوكان حصلت فرصه اووقت اندير بسبوسه اوناخذوا فاكهه اومشروب من طريق ماشين متغدين غاادي

ماشاء الله ...جديدة القرية هذه يا شموووسه عارفه من قبل مانزوج معش شفت مصاااايف بنغازي بعد الزواج ديما بحر سوسة وراس الهلآل ايامات هلي انديرو في رحلة سنويه الحق ... في الصيف لسوسة وفي الشتاء نزردواااا

بعد الزواج ماشين جاين ع الجبل خصيصا سوسة فندق المنارة



وامس سهفتيني ع الينابيع قعدت نتفرج ع الصووووور ف لاب توب امتاع اخر مشية

توا تسمعيني اوشي تقولي اصيلة يا بنت هههههههههه


وماتعرفيليش بكم الشاليه خدووه ؟؟؟

زوجي يفكر يشري شقة او شاليه امشرق..

[dr.loly]

المشاركة الأصلية كتبت بواسطة شموسه 88

حمد لله عل سلامتك اموووله ردبالك من روحك واتمملك حملك عل خير اوتجيكي ولاده ساهله اوميسره

خطرها عل الولاده طمنني يابنات عل ام نوزه مشغوله عليها جابت ولا مازال
اومتخافيش من الولاده عليك اوعل الم شالله مااهناك الا الخير شي اواكل التمر اولما تخشي شهر ادهني بطنك كل يوم ابزيت زيتون اوحبه البركه وانبس والله ضحكتني ياام فروسي اوهديه عل قصصكن الممتعه انا في شموسه تعبت اشويا"اوخذيت ابرة الظهر " بس والله الكشف ابجد مش مؤلم بلنسبه ليا
بس عبسي ياروحي والله لا خذيت ابره ولاشي مشيت لمستشفى لانازله عليا اميه رحمي 2 سانتي والحمد لله عطوني ليه صناعيه ماطقيتش ساعه الاونا جايبه اووالله ليه خافيفه بكل اوحتى اخياطه ماتخيطش الاغرزه وحده من بره

ماشاء الله .. اللهم بارك شموسه ع جيباتك خصيصا عبسي .. عاد كنهم يقولولي العيل ليته وااااااعره


والله في فراس عشت بعد مامتت تقدري تقولي 3 ايام لية قوية تمشي وتجي حتي هلي يبكوا عليا قعدوا

ورحم 1 سم ... بس انفتح ومابوش يساعدوني عليك مكر في ابن سينا باقيته دكتوري كان اجازة كل واحد مايبيش يتحمل مسؤلية ..


عارفة فراس جا راسه طويل زي نفخة من فوق ... بعد نزل عادي شفته مدور راسه بعد تغير
مسكين من كثر ماقعد يضغط ع الحوض لوطا ومزرور ومانزلش

مابوش يعطوني لية صناعية عشان تقلصات الرحم قويه ف رابع يوم قالو كان مازادش عملية

هربت الساعه 10 م ابن سينا بلا خروج نبكي لماما قعدت ف نقال وجتني ع عصير راوخ وزوجي ليلتها روح لاجدابيا في ظرف صا لخوه ويبي فلوس ... عموما طلعت من ابن سينا وروحت درته عزاء ف حوشنا وخواتي يبكن ..

اختي وتتلي حوض دافي رقدت فيه وقفن التقلصااااات .. ومجرد ماصبيت بدت لية تشلط
نبدا تحت الظهر وتقعد تبرم حتي دبش اختي تلبس فيه مش قادرة


وجا زوج ع الظهر قعد يصبر فيااا

وماما كل مرة دايرتلي حاجة .... عند الساعه 6 قعدت انعيط بيشيلوني انقوللهم لآ ح يكشفوا واعر ويقولولي 1 سم .. وزوجي قالتله ماما اشرب معاها قرفه مسكين يشجع فيا جغمة هو وجغمة نا قرفه

ونا مسكره راسي كرهتهااااااا ...

عموما الساعه 8 خلآص حسيت بالموت كأنها بتاخدني ولا طلعت هالروووووح اللي فيا

كروني ماما واختي وزوجي طلع يجري وخويا قمعزوني قدام وماما واختي وخويا عمره 15 لا ورا


وانقوللهم ابن سينا لآلآلآلآلآلآلآلآلآلآلآلآ

قالت ماما شيلها الجمهوريه مسقط رأسها خخخخ
وشالوني وكشفت عليا قالتلي مدام انتي حالة ولآدة رحم 5 سم فرحت ردت فيا الروح رغم الية

وعطتني ورقة الدخول وكان ريح بكل وقتهاااااا وسقع

عموما زوجي خداني وقالي والله مانك جايبه فيه .. عدينا عاد لابن سينا وشوفي المسافه من الصابري لطابلينو حسيتها كأني خلآص.. راسي ع كتره وهو يسوق معش قدرت


ووصلنا ولقيت طاقم كويسااات بكل صاحباتي اوكرانيات والحق دلعني وساعدني وااااااااجد


وبعد طلع انصدمتان حاجة اسماها لية وقفت واخيرآآآآآآآآآآآآآآآى هههههههههه

[dr.loly]

كرعيا مثلجااااااااااااات جو سقع وريح اليوم امالا كان الحوش مش كوووخ شن صاير فينا كانهو خرسانة مسلحة كيف ليبيا خخخخخخخخخخخخخ

[أم أجنادين 80]

السلام عليكم ورحمة الله وبركاته

كانوا عندي خالاتي وحناي " نقوللها ماما "

والله ماشبعت منهم

اتحشمت منهم كل وحده جايبة معاها حاجة ولا حاجتين

وزياده فلوس

اللي عطتني عشرين واللي عشرة واللي 100

والله تحشمت ...

عرفتوا لما تخشوا لدار او حشو تلقوا الكل يتكلم في نفس الوقت مع الدوشة والضحك

هدا احني هكي ,,,

ومعاهم بنت خالتي كل مانخش للمطبخ اتخش معاي وكل شي تغسله عليا وتوزع هيا

وآخر شي انا قعمزت وهيا دخلت للمطبخ نظفتها ...

ربي حرمني من الخوات بس عوضني بأحلي خالات

ياناس ياناس المحبة بخوت يقولوا

ومش كل الناس زي بعض

يعني لما روحوا راجلي يشوفلي الأبتسامة عريضة علي وجهي وفرحانه بيهم

ومن قبل مايجوني وأنا نجهز ونستني فيهم

اكيد هدا مش زي مايجوني اقارب زوجي