لكل مشتهيه ضمة طفل

[إباء الروح]

قريت كثير من الردود ..بس الصراحة ماكملت ... ...بس والله نزلت دموعي ..بكتب لكم قصة زوجة اخوي ..
اخوي تزوج مع اخوي الثاني ..
مرة اخوي هذا حملت وتو لها 45 يوم وسقطت ...بعدين ماصار حمل ...
مرة الثاني حملت وولدت ...
وهذي ماحملت مرة ثانية ..
طبعا اخوي ماقصر اخذها يعالجها اخذها لاستشاريه الكل مدحها وفي ناس حسب كلامهم حملوا مع المتابعة عندها ..
عالج وعالج وتعب تعب ..وكل موعد الدكتورة تطلع سبب يمنع الحمل وتطلب تصوير وغيره وفي النهاية وبعد متابعة فترة طويله ..قالت له ..زوجتك ماتجيب عيال ؟
تخيلوا ...قال لها اخوي : والحمل اللي صار قبل ؟
قالت ماكان حمل ..اصلا زوجتك ماتجيب عيال ؟
والله متنا موت وقتها..هو يحبها ويموت عليها ...والصدمة هالكلام .
طيب ..بعدين ترك هالدكتورة بعد ماالكل منا قال له اتركها ودور غيرها ..
تركها ووداها مستشفى الولادة الحكومي ..والله ماكملت سنة ونصف تقريبا الا وهي حامل ...
اللي قالت عنها الدكتورة مابتجيب عيال حملت ..
ذاك اليوم كان يوم عيد ..
والحمد لله ولدت ..
بعد سنتين تقريبا حملت مرة ثانية وولدت ..
والان توها والد وجايبه توأم ...
والله من غير علاج ...
بس تعالجت اول مرة وقالت لها الدكتورة وقتها انه عندها انسداد ..وفتحوه لها وعملوا منظار وصبغة وهالاشياء ..مااعرفها بالتفصيل بس هذا اللي اعرفه ...
الخلاصة ..الله قادر على كل شيء ...
والصبر فيه المغفرة والاختبار ..
فبإذن الواحد الاحد كلكن تحملن وانا معكن ..
طبعا انا عندي عيال ..بس احين نفسي احمل وصار لي كم شهر احاول ..بس مو ضابطه ان شاء الله هالشهر احمل وكلكن معي ...