حبيباتى سيدات ليبيا تفضلو لأعرف ما حالكم

[أثري في مدادي]

جيجي
ربي يعطيك صحيحتك
وردي بااااااااااااااااااااااااااااااالك من روحك
بالذات التعصيد وبطنك قدامك

س/ تحكي لراجلك عن يومك بالتفصيل ؟؟؟
باش يحس بيك

[جوهرة ليبيا]

الحج انا عزوزتي وسلفي وسلفتي بيمشوا علي حسابهم فيزا حره

كنا انا وراجلي وعزوزتي بس انا شهري صعب يمشي فبيمشي معاها سلفي ومرته


وربي يسر امورهم


اليوم اتصل جارنا في الحوازه قال الصور طاح ربي ستر مافيش حد تحته


طاح في حوازت الراجل لان ارضه متواطيه وحارثها طبعا بنشتركوا في الدفع 5الاف وسلفي قال ماعنديش


وانا مستحقه الفلوس اللي عندنا للاتات وعشب قدام الحوش يبي تغير وووووووووووو


ربي يرزقنا من خيره وخلاص


تعرفوا انا ديما اتصيرنا هكي مجرد بنبدا اندير حاجه تطلع حاجه سبحان الله

الحمد لله علي كل حال

[جوهرة ليبيا]

ايه اثري يحس بيا وهللللللللللبه الحمد لله

ولو بيده مايبينيش انمس وندير حتي حاجه بس عارف امه بتحصل في كل شئ فيبيني انساعده بحدود المعقول

[أثري في مدادي]

هل تعلم . . . لماذا نزل موسى وجنوده فى البحر
هل تعلم . . . لماذا خرجت مريم إلى الناس بطفلها
هل تعلم . . . لماذا لم يخف سيدنا محمد وصاحبه في الغار
هل تعلم لماذا !! ؟؟...
...
ذلك لأنهم أحسنوا الظن بالله
ولأن ثقتهم بالله كانت أكبر وأشد من الخوف والحزن والألم

يقول الله تعالى : أنا عند حسن ظن عبدى بى

أجعل حسن الظن طريقك
والإيمان بالله شراع النجاة من قسوة الدنيا
الله ينجي ليبيا من كيد كل ظالم وسارق وقاتل وخاين وغادر وطامع
اللهم امييييييييييين

[أثري في مدادي]

أحد الأطباء النفسيين يقول :

زارني في عيادتي كُل فِئات المُجتمع ..
عدا أهل القُرآن وحفَظتُه !

فهنيئاً لهُم بكلام الله

[هدية الخالق]

السلام عليكم
صباح الخير
كيف حالكم اليوم
لاباس سوسو إن شاء الله خير
وينك معدش خشيتي ؟
الله يبارك فيك أتري
أجنادين الحمد لله علي سلامتكم
شن الاوضاع اليوم إن شاء الله أحسن
ربي يهدي الجميع ويحفظ ليبيا وشبابها

[هدية الخالق]

ام فراس كيف حال الولي ؟إن شاء الله تحسنت شوي
جيجي الله يعينك ويعطيك علي قد نيتك
بصراحة سلفتك زودتها ليها قريب شهر معقولة ما صحتش؟؟؟
امالا كيف بتمشي للحج ؟
إنتي وضعك توا أصعب منها مثقلة وتعب عليك
هيا اللي شبه كملت الأربعين شن مازاللها؟؟
والله أني إلا فرحت إني مش في ليبيا توا لما جابت سلفتي
سعيدا بعيدا أحسن
كان هذا عارفة حيكون وضعي زيك جيجي
حتي أني ما نقدرش نقعمز ونرتاح مع إنه حماواتي
ماشاء الله مايقصروش لكن في النهاية بنيات عندهم قراية
ومايقدروش يهنو لو جو ضيوف وعزوزتي صغيرة وفالحة ماشاء الله
لكن عيب بتخلي العزوز تعول وبتقعمزي

[هدية الخالق]

الساعة 12ونصف
منرقد خلاااص عويناتي بيتسكروا
سوما حبيبتي رقدت وراجلي شكله بيلحقها ينعس
واني أحرف منهم منطيح علي وجهي نحس في روحي
ناقصة نوووووم
سلامات

[dr.loly]

المشاركة الأصلية كتبت بواسطة أثري في مدادي

أم فروسي

الله يبارك

علـــــــــــــــــــــــــــــــــى الحج

يارب باركلي في عمري نين نقضي فرضـــــــــــــــــــــي
بصحة وعافية
كما تحب وترضى
آميــــــــــــــــــــــــــن

ياريتكم تخططولها أم فروسي
حتى مش هالعام
العام الجاي
ربـــــــــــــــــــــح صااااااااااااااااااااااافي

ويسر الله الأمر
صحيح
أنا مقصرة في تعميم ما أنقل
كانت سوسو
بارك الله فيها
مرات تاخد وتحط علي الفيس
لكن الواجب لأولي
علي أنااااااااااا

شكرا على التنبيه

حتي نا خاطــري في عمره ... الحج انحس فيه مازال مش متهيأتله بصرااحه...
قالي زوجي بعد انروحوا وانتيريحوا اشويه انعدوا ان شاء الله ..
لان بصراحه في وحدات ماشيات الحج مواليد94 و95؟؟ وحتي طريقة لبسهن كاجول ..
مانبيش نحكي عليهن وهكي بس الوحده بعد تقعد تلبس هكي وديما طالعات يدهورن بروحهن لتوا .. انحس فيهم ماشين مش عارف استغفر اللله هكي زي المظاهر...
والله اعلم..

بالنسبة للمقتطفات اللي اتنزلي فيهم حتي نا كاني انحب الفيس بوك را ناخدهن وانزلهن خخخخ
بس الحق ماخشيليش راااس ...
ومانبيش ناخدهن وانزلهن مواضيع عندي مواضيع واجد ههههه
بس الحاجة المفيدة والرائعه ديما انحب يستفاد منها الجميــع...

[dr.loly]

هديــة شخبارك واخبار سومااا واسنينتها ههههه اكيد فرحانه بهااا
فروسي طلع اول سن نذكر في يوم عرفة اللي فاااات قداش فرحنا بها نا وباته فطنالها بعد المغرب قعدنا نلمسوا فيها وخلاص من الفرحه مش مصدقين ..
وتسلمي يا احبيبة ع السؤال ع لولي ... وحالها افضل بشوي هي اتزيد وتهدي في نفس اليوم..