تجمع حوامل المدينة المنورة

[دلع]

يارب ..وان شالله مايجي العيد الا وانا والده..
تخيلي الجنين من يوم الجمعه لاحس ولا خبر واليوم قررت اني اروح المستشفى واتطمن وبعد المغرب رحت الطوارئ في المواساه وطلبت الدكتوره ونادوها بعدين سألت الموظف مين الدكتوره المناوبه قالي غاده رمزي من سمعت اسمها ماتشوفين غير غباري طلعت من المستشفى ورجعني زوجي يقولي يعني ايش راح تسويلك احنا بس نبغى كشف سونار والله رجعت وانا ارجف من الخوف وجاتني وكشفت علي قالت لي نبض فيه الحمدلله بس انصحك تروحي لدكتورتك اللي متابعه حملك حتفيدك اكثر بس مارحت لها..

[الاموره رغد]

الله يعينك يادلع ويقومك بالسلامه اهم شي سمعتي نبض البيبي

[دف القمر]

دلع
يسلمووووو ياقلبي انا ادخل في الثالث ماشاء الله وعلى بالي توقيعي خطا
اجل الدكتورة نجوى الي في الدار ماتعرف روحتلها اخر 28 شعبان قالت لسا البيبي ماجالو شهر وللا سف مرت الاسابيع وماارجعت مرة تانيه .
حبيبتي دلع الله يسهلك ولادتك من دون طلق صناعي وتولدي قبل العيد

[حبيبة أولادها]

دف القمر الله يسعدك على الدعوة

دلع ..

رحت اليوم الولادة وقالت وقفي الحبوب المثبته وما طمنتني ابدا

قالت راجعينا الاسبوع الجاي اذا للان مستمر الحمل يبدأ النبض

لان شكل الكيس فاضي .:(

ياارب ياارب فيك استجييير

دعواتكم

[عبير المدينه]

بنات انا حللت وطلعت الحمد لله حامل بس والله شايله هم وتعبانه وبس افكر

انا مسويه عمليه تجميليه تقريبا من 8 سنوات والحين خايفه هل ولادتي بيكون متعبه والا عادي والا يش راح يصير


انا من 8 سنين ما حملت الا هذا الشهر الفضيل

تكفوووووون طمنوووني يا بنتات ديرتي

[دف القمر]

حبيبة اولادها
يارب يارب يثبت حملك يارب في هادا الشهر الفضيل حبيبتي انشاء الله يكون في نبض للجنين .
عبير المدينه
اولا مبررررررروك الف مبررررررروك
اتمنى البنات يفدوك

[بذخ~]

دلع ربي يعييينك ويكتب لك التسهيل في ولادتك يآآرب ..
,.,
حبيبة أولادها ربي يثبت حملك ويطمن قلبك حبيبتي ..
,.,
عبير المدينة الف مبــــــــــــــروك ياقلبي الله يتمم لك على خير ولا تشيلي هم الولادة تتيسر ان شاء الله ..
,.,
دفء القمر ربي يتمم لك على خير يارب انتي في الـ 3 انا قبلك بشهر تقريبا ..

[دف القمر]

بذخ
الله يسهلنا ويسرلنا حملنا وامورنا ويرزقنا بطفل سليم معافا يارررررررب امين

[دلع]

رغد
الحمدلله اهم شي اني سمعت النبض ويوم الاربعاء موعدي واشوف ايش تقولي..

دف القمر
غريبه تقولك ماجالو شهر..طيب انتي فين تراجعي مافي دكتوره غيرها حسبت لك الموعد..انا ماانصحك ترجعي لها تخوف..

حبيبة اولادها
وكلي امرك لله ..ان شالله خير وربي يثبت حملك ..ليش ماتروحي للدكتور ياسر فـ البترجي ..انا حملت ثلاث مرات بكيس بدون جنين وماشالله عليه كان يعرف على طول ومايمرمطني زي باقي الدكاتره روحي وتعالي خلاص من اول زياره يقولي مافي جنين واروح اسوي تنظيف وحملي هذا اخذت شهرين والنبض مو مبين وبهذلوني الدكاتره ورحت له وطمني وسمعني النبض وشوفت الجنين صراحة مررررره ممتاز...
حتى مستشفى الولاده ممتاز بس انا حاسه فيك لاني مريت بالتجربه وعارفه انك على نار وتبغي تتطمني..

عبير المدينه
الف مبروك ربي يتمم حملك على خير ويقومك بالسلامه..الخياطه التجميليه ماتأثر على الولاده..انا سويتها فـ ولادتي الاولى وسألت دكتورتي وقالت ماتأثر ولا هم يحزنون وناويه اسويها فـ ولادتي هذي باذن الله....

بذخ
ربي يسعدك ويهون عليك يارب....

[الوان الطيف]

حبيبة اولادها يارب يارب يثبت حملك في هذا الشهر الفضيل
عبير المدينه مبررررررروك الف مبررررررروك