دردشة حوامل أهل الامارات - دردشة بنات الامارات - تجمع حوامل الامارات

اقصوصه · 10-17-2010, 07:24 PM

ملاك والله انا اللي اعرفه ان المايك شغال في المسنجر في الامارات

منو قالج انه مسكر؟ يمكن يكون عندج مشكله فالكمبيوتر او فمسنجرج انتي

حاولي تتاكدين

ام منصور · 10-17-2010, 10:40 PM

مساء الخير
شحالكم
بصراحه استقت لكم ولسوالفكم
اقصوصه مشكوره الغاليه على السؤال عني
ملاك وحشتينا يا بنت الحلال وين انتي
طبعا انا ميته من التعب بروح اعوض قله النوم مالت امس كلها وباجر ان شاء الله بتفيج لكم عدل

ام منصور · 10-17-2010, 10:43 PM

تصبحووون على خيرر

ala2 · 10-17-2010, 10:52 PM

مرحباااااااااااااااااااا
على اهل الامارات
اتا كنت عايشه فس الامارات واحن الها دايما

ام شــواخــي · 10-18-2010, 01:46 AM

السلام عليكم
حيالله كروشات
عاش من شافكم
شو هالغطه
من طول الغيبات ياب الغنايم
ام منصور اشحالج فديتج
واقصوصه اتولهت عليج ها بشري ما ربيتي
ملاك شخبارج وشخبار امج عساى كلمتيها وطمنتي عليها ربي يخليها لج
امواااااااااااااااااااااااااااااح فديتكم والله تولهت عليكم
كنت بيت امي امس رجعت بوظبي
في بيت امي كانو مسوين صيانه يعني بهدله في بهدله ما اقدر اشغل النت لان البيت معتفس
وانتو شو اليديد خبروني تراني متوله عليكم

اقصوصه · 10-18-2010, 02:21 AM

ام منصور : وانتي من اهله حبيبتي واحلام سعيده :)

الاء : هلا فيج ، الانسان دوم يحن للاماكن اللي عاش فيها ، ان شا الله تسنح لج الفرصه بيوم وتزورين الامارات مره ثانيه وتستعيدين ذكرياتج فيها:)

ام شواخي : وين هالغطه ووين هالغيبه هااااااااااااا؟مدري منو اللي غايب احنا والا انتي؟؟ اسميج انتي بعد حركات هههههههه والله انا عن نفسي ما ربيت لين الحين ، ابا اربي بعد اسبوع ، ع كيفي ترى ههههههههههههه لو ربيت الحينه بيكون البيبي برج الميزان وانا مابا موازين بسني ولدي الصغير اللي عندي ، ابا اربي بعد اسبوع عشان بنوتتي تطلع عقرب ، احب العقارب انا هههههههههههه ، اخيرا رديتي لبوظبي بعد طول غياب؟ يعني عدنا الى قواعدنا سالمين خلاص؟؟
تولهنا عليج لا تقطعين مره ثانيه :)

ام شــواخــي · 10-18-2010, 02:26 AM

حبيبتي والله يالله ان شاء الله تربين 20-10-2010
حلو هالتاريخ ربي يسهل لج يارب ونشوف العقروبه الحلوه

اقصوصه · 10-18-2010, 02:28 AM

لا عشرين عشره بيكون برج الميزان مش برج العقرب

برج العقرب يبدى من 24

شو رايج اربي 30 مش احسن؟؟

تعالي انتي الحين وين تتابعين عشان الحمل فاي عياده؟؟

ام شــواخــي · 10-18-2010, 02:32 AM

بسير عيادة ناديه

لكن ما بسير عند الدكتوره ناديه لان زحمه ومقرفه ساعات ادخل ربعها قبلنا كم مره اضاربت وياهم امممم بسير عند الدكتوره سوسن بنس العياده هي زينه بعد حبوبه وتسولف هذا اهم شي ههههههههه

اقصوصه · 10-18-2010, 02:36 AM

انزين ليش ما تسيرين عيادة خليفه أ مب اقرب لج؟
الدكتوره موزه عندهم واااايد زينه
ووين نويتي تربين؟؟؟