..:: رحلَتي في الحقن المجهري ::..

[أمنية ..]

.

.

التكاليف : وما أدراكم ما التكاليف !

شفت تساؤلات كثيرة عنها ، وأنا مثلكم بحثت وما لقيت رد شافي ..

فتح الملف مع الاستشارة وسونار مجاني ، كان سعره : ٢٥٠ ريال

تحاليل هرمونات ثاني يوم الدورة : ٨٥٠ ريال ( فيه تحاليل طلبوهم سعرهم ١٢٠٠ ريال كاملين ، منهم للمناعة ومنهم فصيلة دمي ومنهم للإيدز ومنهم للكبد الوبائي ، عملتهم برا في مستشفى تبع شركة زوجي ) ..

السونار لمتابعة التبويض ( مرتين ) : ١٥٠ ريال للزيارة

تحليل الهرمون ( مرتين ) : ٢٠٠ ريال للزيارة

العملية كلفتنا : ١٣٠٠٠ ريال ..

الأدوية والأبر إلا كتبهم بعد العملية كلفوا ٦٠٠ ريال تقريباً . .

أما بالنسبة للأدوية إلا قبل العملية أسعارهم مرة غالية ، بس الحمد لله أن شركة زوجي يعطونا منهم لأن عندهم في المستشفى وأخذتهم مجاناً ، ما عدا الإبرة التفجيرية كتبوا لي نوع ثاني ما يبغاه الدكتور ( شريتها بـ ٢٠٧ ريال تقريباً ) ، ونقصت علي إبرة تنشيط ( شريناها بـ ١٩٠ ريال ) ..

بالنسبة للحساب ، أعتقد ممكن يكلف مجموع الإبر المنشطة مع التفجيرية ٣٠٠٠ ريال تقريباً ، على حسب كل وحدة كم تحتاج كمية ..

الله يعوضنا بكل اللي دفعناه ويعوض كل وحدة مرت في هالتجربة ، بطفل يملي حياتها سعادة وفرح يا رب العالمين :)

.

.