..:: رحلَتي في الحقن المجهري ::..

[أمنية ..]

ما حدا سألني وش عملت في موعدي / بس معليش راح أكتب وش صار معاي ، ممكن أحد يستفيد من تجربتي !

رحت الموعد الأربعاء إلا طاف 17/Jul ، وعملت تحليل هرمون الـ Estradiol ، وطلع شوي عالي ١٠٠٠ وشي ، وحسب كلام الدكتور المفروض يكون من ٤٠٠-٨٠٠ ، وقال هذا الشيء طبيعي في حالات تكيّس المبايض ، أن يصير عندكم تهيج سريع ، عمل لي سونار وشفنا ١٠ بويضات تقريباً مقاسهم من ١٠ و ١١ ، وقال لي أكمل على الـ Gonal-f ، ١٥٠ وحدة ( يوم الأربعاء والخميس ) ، وأقلل الجرعة لـ ٧٥ وحدة ( يوم الجمعة ) ، ومن الأربعاء للسبت أرجع على الـ Orgalutran ..

بعدها أخذت أول جرعة من الـ Intralipid infusion ، مغذي عن طريق الوريد ، يساعد على التصاق الأجنة / وبا أخذ منه جرعة ثانية إذا ربي كتب ، بعد الترجيع إن شاء الله ..



والليلة عندي موعد ثاني ، راح أعمل فيه التحليل نفسه قبل ساعة .. ونشوف كيف وضع البويضات ، حق نشوف متى أخذ الإبرة التفجيرية بالضبط / وعمليتي الإثنين على الأغلب ، والترجيع الخميس بإذن الله .. إذا مشت الأمور مثل ما الدكتور مخطط لها ..

لا تنسوني من دعواتكم في ظهر الغيب ..