قصتي لمحاوله الحمل وآخرها الحقن المجهري

[سحابة الماضي]

مسا الخير صبايا
غبت عندكو كتير كتير وصارلي فترة كبيرة ما دخلت على المنتدى
يتمنى تكونوا بصحه وعافيه وكل خير راح احكيلكو قصتي

صارلي متزوجة سنتين وشهرين بالزبط .. ولحد هسا ما حملت بالمرة ولا باي طريقه
بعد سنه تقريبا من الزواج وحنا على الدكتور عشان نعرف ليش ما حملت لهسا طلب مني الدكتور اعمل فحوصات هرمونات وزوجي يعمل فحص حيوانات منويه أنا فحصي ما كان في أشي كلو تمام الحمدلله بس زوجي كان عندو ضعف في حركه الحيوانات المنويه 17 بالميه كانت حركتها حولنا الدكتور على التلقيح الصناعي اول طلب طلبو مني الدكتور هناك اعمل الصورة الملونة الي هي بتموت من الوجع فطلع عندي قناه مسكرة فحولني الدكتور اعمل ناظور عشان يفتحها وما فتحت لأنو ما تحملت
المهم بلش الدكتور يتابع معي بلشت اوخد إبر منشطه عشان التلقيح الصناعي عملتو تلت مرات وللأسف ولا محاوله زبطت فقرروا يعملولي حقن مجهري وبعد شهر وافق ولي وبلشواالإجراءات وطبعا قرؤوا يعملولي إياها بشهر رمضان الشهر هاد الشهر يعني آجتني الدوره قبل رمضان بأسبوع وبلشت متابعه فحص دم وسوار داخلي وبلشت اوخد إبر لحد ما وصلت البويضات للوضع التمام وكانت عمليه سحب البويضات يوم الخميس الي فات حكولي اتصل تاني يوم أشوف كم جنين صار وهما سحبنا مني 8 بويضات
اتصلت تاني يوم كان صاير تلت احنه انبسطت كتير الحمدلله رب العالمين وحكولي ارجع يوم الأحد الي هو امبارح رحت وحطولي الجنين بس واحد وجمدوا التنين الي ضلو حكولي ارجع في 4/8 ان شا الله
وانا بستنى وان شا الله يا رب يثبت ادعولي يا بنات والله الله يعلم شو تعب هالشغلات حاسه بكل وحدة فيكو
الله يرزقنا الذريه الصالحه المعافاه يا رب
ويثبتلنا أجنتنا في الشهر الكريم يا رب يا رب وما يحرم حدا

[ام سينا]

الله يثبته ويرزقك فيه سليم معافي

[راسيل]

سلام أختي سحابة الماضي
انا رجعوا لي جنينين
الأحد اللي فات
لي الان 9أيام
الله يثبت جنينك ومايخسرك ربي
امييييين

[راسيل]

بس ليش مارجعوا ليك الثلاثه ؟

لانه تزيد فرصة الحمل كل مازاد عدد الأجنه

[سحابة الماضي]

المشاركة الأصلية كتبت بواسطة ام سينا

الله يثبته ويرزقك فيه سليم معافي

الله يسعدك وينولك الي فبالك تسلمي عالمرور

[سحابة الماضي]

المشاركة الأصلية كتبت بواسطة راسيل

سلام أختي سحابة الماضي
انا رجعوا لي جنينين
الأحد اللي فات
لي الان 9أيام
الله يثبت جنينك ومايخسرك ربي
امييييين

الله يثبتلك إياهم يا رب وتفرحي بحملهم يااااا رب
يسلمو على مرورك
أزا صار معك أعراض احكيلي؟

[سحابة الماضي]

المشاركة الأصلية كتبت بواسطة راسيل

بس ليش مارجعوا ليك الثلاثه ؟

لانه تزيد فرصة الحمل كل مازاد عدد الأجنه

اه اكيد لتزيد فرصه الحمل أنا كنت بدي تنين بس ما رضو . لأنو جسمي ما بتحمل ولا سمح الله ما ربط الحمل هاد الشهر برجعولي التنين الي ضلو وان شا الله يا رب بثبت

[أحلى عطور]

بشريناااا
ياقلبي...

[سحابة الماضي]

لسا حبيبتي بستنا هالكم ساعه الله يمرقهم ع خير
والله يثبت اجنتتنا يا رب

[أحلى عطور]

بكرة تحليلك الله يرزقك يارب ....