<<تجمع حوامل اللي ولادتهم شهر رمضان1434>>

[أم تااالين]

المشاركة الأصلية كتبت بواسطة ناعسة العين

بنات حبيباتي بما انو قربنا من التاسع من الولادة .. عندي استفسارات ..

طبعا استفسر لاني بكريه ..

وانا بكريه بس بجاوبك باللي اعرفه وسمعت عنه وراح اعمله ان شاء الله

بعد الولادة ايش اشرب هل شي دافئ او بارد مثل العصائر ؟♡

معروفه الأعشاب حقت النفاس وكل شي دافي حبيبتي حتى المويه لاتكون بارده
حليب .. قهوة النفاس ( قهوة قشر ) .. يانسون .. زنجبيل ودارسين ...الخ

سمعت انو الوحده بعد الولاده او اثناء الولاده تكون بردانه يعني تلبس شي ثقيل ولا مو لازم ؟♡

حتى انا سمعت بكذاا بس باخذ معي شرابات انتي خذي معك روب احتياط

ايش المفروض تكون بشنطتها مهم لها وللبيبي طبعا بغض النظر عن الملابس ؟♡

انا جهزت شنطتي حطيت ادوات الحمام ( شامبو .. فرشاه .. معجون .. صابون .. شامبو الجسم مع ليفه ) كريم ميبوو للخياطه والجرح .. قطن .. شنطة صغيره حقت الميك اب
حطيت فيهااا مشط صغير ومرطب شفايف وكريم شعر وفازلين صغير وقلم حواجب
اخذت معي اكياس صغيره للملابس الوسخه واحتياط لأي شي اخذت خمس اكياس صغيره
وحطيت برضوو روب حمام اللي يجي لفه ع الجسم مع فوطة شعر واخذت فوطتين للنفاس احتياط وبس مع الملابس
بالنسبه للبيبي حطيت لبس حق يوم لأني بولد بخاص واكيد بلبسونها وحطيت 3 حفاظات احتياط ومهد صغير وبس
طبعااا جهزت الكاميرا وبخلي زوجي يجيبها بعدين لما اولد بالسلامه


ايش نوع الالويز اللي البسها فورا بعد الولادة مباشره ؟♡

انا سمعت عن فوط لوتس خاصه لما بعد الولاده كبيره وزينه للأيام الأولى ماتطبع
واخذت كوكتس اللي لونه اسود للدوره الغزيره للأيام الوسطى وآخر النفاس

اقدر استخدم فولتارين تحاميل بعد الولادة وكريم مخدر ريالوكين على طول ؟♡

لا فولتارين سمعت تستخدمينه بآخر النفاس بعد ال 35 يوم وتستخدمينه يوم ورى يوم
لأنها تنظف كل الإفرازات وبستخدمها بعدين ولسى ماشريتها بدري
بالنسبه للمخدر كنت بشتريه بس ترددت قلت بوقتها بعد مااولد بشوف الوضع واذا احتجتها بخلي زوجي يجيبها لي

واللي عندها زيادة نستفيد ..

الله يقومك بالسلامه ياقلبي وجاوبتك باللي اقدر عليه

[مصفوقه بقووه]

هلاا ناعسسة ههههههههههههه ايووه اتذككر ماششااءالله الايام سريععه

وكننا نفحط بقسم الوحام والحمل

ايش جنس البيبي بنت ولا ولد ..؟؟

انا الحمدلله قالو بالبداية بنت وبالشهر السادس والسابع اكدولي انه ولد

وقضيت ملابس له وبسس ماكملت له ومافيني انزل الحن كل ما جا اليوم الثاني اقول لا بنزل السسوق بعد بكره ويالله هذا حالي



اهليين المحبه كيفكك..؟؟

وانتم كروشات كيفككمم



كنت ابي استفسر عن شي يوم 13 ابغى اسافر وطول السفر 5 ساعات وبحضر زواج وبرجع يوم 15 في ضرر ع الحامل السفر ..؟؟

انا ودي احضضرر وخايفه ع البيبي

[جونة]

صباح الخير ياحلوين
يااااقلبي محبه لاتبكي الله يخليكي الله يقومك بالسلامه انتي وكتكوتك هانت الحمدلله ..
صادقه الله وحده اعلم متى يناسب كل بيبي انو يخرج للدنيا .. ادعي واتوكلي على ربك وطنشي كلام الدكاتره كلهم ..

مهره هلاحبيبي كيفك نورتي..انتي عمليه؟ ايش السبب؟

ياحياتي دانينو ربي يسهلك قلوبنا معاكي وان شاءالله بنتك مافيها الا العافيه

[جونة]

هلاامصفوقه حطي في السيارة ورا فراش ومخده وانسدحي يعني مايكون احد جمبك وزحمه لانو مره تعب .. حتى لمن تجلسي قدام برضو تعب لازم تكوني ورا وتغيري وضعيتك كل دقيقه ..

[ثلاث وردات]

سلامات ياحلوين ماحبيت انام قبل ما ادخل اطمن واطل عليكم
جاني نوم دلوقتي حاسة جسمي كلو خملااااااان وعضلاتي فاكة ومرتخية كدة
وجاني طلق وحرقان وشد اسفل بطني بسبب اني تنشط وقلت بغسل
التلاجة والمطبخ وفعلا عملتهم ولسة بقعد ارتاح الا والالم شغال قعدت
اقرأ وارقي بطني حتي هدا عني شوي الله يعين اللي يولدو طبيعي ويتحملو
الطلق دة بصراحة فظيع.
يلة تصبحو علي خير يومي بكرة حاااافل حصحي8 للحكومي وماادراك ما الحكومي
والدور والزحمة ...وحغير بكرة فرش بيتي والسجاد وجاياني الخدامة بكرة
للبيت اتنظفه عشان مامتي واختي حيوصلو بعد بكرة من مصر دعواتكو
حبيباتي ...
حكيتلكو نص قصة حياتي بكرة اكملكو ان شاء الله سلام يااحلي كروشات.

[جونة]

هبوب الله يسعدك ويسهل ولادتك زكرتيني باشياء كتيرة في شنطة المستشفى

[جونة]

كيمو تصبحي على خير حبيبتي يارب بكره يتسهل موعدك وتسمعي اخبارحلوه وبالسلامه لمامتك واختك انتبهي لاترهقي نفسك في البيت كل شي ملحووق

[أم تااالين]

كيمووو نوم العوافي ياعسل وربي يسهل امورك بكره وتوصل مامتك واختك بالسلامه
جيجي حبيبتي الله يسعدك بعد ويسهل علييييك ياحلووه

[المهــــــره]

ناعسه ماقصرت هبوب ف الرد عليك بس اساليب النفاس تختلف ف بعض الاشياء من دوله لاخرى انا مخليه الموضوع ع امي من ناحيه الاعشاب والادويه واما انه بعد الولاده الوحده تبرد ايوا يصير له تبرد انتي خذي لك شرابات لانهن كثير ضروريات الاقدام كثير تبرد وشوفي اللي بتقدري تاخي معك وبالنسبه للفوط الصحيه اللوتس وايد وايد زين للولاده حتى معنا ف المستشفيات هي الفوط الاساسيه اللي تستخدم للولاده والالويز كثير خفيف لدم الولاده ومايكفي وبيسرب هو زين ف اخر ايام النفاس لكن ف البدايات افضل اللوتس وبالنسبه لشنطه الولاده اهم شي تخلي اغراضك ف شنطه واغراض البيبي ف شنطه ثانيه واغراض المرافق بشنطه وطبعا تخلي شنطتك وشنطه البيبي مع المرافق اذا قالت الدكتوره انه خلاص ولاده والاشياء اللي بتحتاجيه تكون فوق وتخبري المرافق عنها وشنطه المرافق تكون بالسياره وتنزلوها ع الراحات وهذا رابط بتجهيزات الشنط ماذا تضعين في الحقيبة المخصّصة للمستشفى؟ - بيبي سنتر آرابيا

[أم تااالين]

حبيبتي المهره انا فصلت شنطتي عن شنطة البيبي
بس ماعندي خبر عن شنطة المرافق لازم يعني له شنطه ؟؟
لأن فكرت لما اولد بالسلامه بكون بغرفة لحااالي وان شاء الله يوم يومين بالكثير واطلع
مافكرت ابدآآ بيرافقني احد الا زوجي وقت الولاده وخلاصصص