دردشة بنات العراق, دردشة حوامل العراق , تجمع بنات العراق

& زهرة حياتي & · 05-23-2013, 11:32 AM

اي اكل تين وزبيب مجفف

& زهرة حياتي & · 05-23-2013, 11:36 AM

لبو اعراض الحمل مثل اعراض الدوره عيناا ماكو فرق لازم تتاخر عليج الدوره يله تتحللين
ان شاء الله تكوني حامل ولو ليش مستعجله بعدك عروس فرحي بحياتك وتونسي

&ام همام& · 05-23-2013, 11:40 AM

اقتباس:

المشاركة الأصلية كتبت بواسطة لبو لبونه

شكراً سراوي حبيبة كلبي عندي استفسار عن اعراض الحمل آني عروس جديده وصارلي شهر وشويه من متزوجه والدورة لسه بعد الها 6 ايام لكن آني عندي دوخه وغثيان الصبح وصاير عندي حب للشكولاته بصورة مو طبيعيه بالرغم انو آني كنت مااحبهه ووجهي شاحب واصفر وشفايفي بيض ممكن تكون هذي اعراض حمل وآني البارحه سويت تحليل منزلي وطلع ماكو شي اريد اعرف ممكن يكون هذا حمل لو لا؟؟؟

شوفي حبيبتي اولا مبروك ع الزواج وانشاالله ايمج كلها سعادة
طبيعي جسمج يمر بتغيرات واعراض مجانت تصير عندج لان اكو تغيرات صارت بهرموناتج ممكن تكونين حامل او حالة نفسية توحي بالحمل بس تفرق اعراض الحمل من وحدة لوحدةيعني ماكو شي ثابت يعني اكو وحدة تتقئ بداية الحمل ووحدة ثانية تتقئ بشهر الاخير زوجة اخوية صارت بيها هاي الحالة
وبعدين التحليل المنزلي ميبن الا بعد تاخر موعد الدورة ب 4او 5 ايام ولازم اول متكعدين من النوم
بس مابيها شي اذا اخذتي احتياطج امتنعي عن الجماع هذي الفترة ولاتعبين نفسج ولا تشيلي
شي ثقيل
انشاالله تفرحينة وتطلعين حامل

لبو لبونه · 05-23-2013, 11:43 AM

بنوتات اشو مارديتو عليه؟؟؟

&ام همام& · 05-23-2013, 11:46 AM

اختفت روكة وارو وشفوفة

لبو لبونه · 05-23-2013, 11:47 AM

شكراً سراوي وشكراً اروى حبايب آني احب الاطفال كولش هوايه وزوجي هم لذلك افكر بالحمل حالياً لان هذي عطلة وبعدهه عندي دوام

~~شعور الامومة~~ · 05-23-2013, 11:49 AM

هلو حبي لبونه منورة
الف مبروك على الزواج اني ياحياتي متزوجة صار 8 اشهر وان شاء الله انتي تكونين حامل بس اسولفلج الي صار ويايه هم الدورة بأول شهر خربطت وتأخرت 10 ايام وسويت تحليل حمل وطلع سلبي وبعدين نزلت الدورة وثاني شهر رجعت انتظمت لان الجسم ممتعود فتصير خربطة وراها ترجع تنتظم يارب انتي تكونين حامل بس لتفكرين هواية حتى ميصير عندج احباط من كثرة التفكير

&ام همام& · 05-23-2013, 11:50 AM

اقتباس:

المشاركة الأصلية كتبت بواسطة لبو لبونه

شكراً سراوي وشكراً اروى حبايب آني احب الاطفال كولش هوايه وزوجي هم لذلك افكر بالحمل حالياً لان هذي عطلة وبعدهه عندي دوام

انشاالله تحملين باقرب وقت
شنو انتي طالبة

~~شعور الامومة~~ · 05-23-2013, 11:51 AM

حبي لبونه انتي مثلي بالضبط هم من اول شهر واني ادعي يارب حامل لان احب الاطفال كولش

~~شعور الامومة~~ · 05-23-2013, 11:51 AM

رجعت سراوي جنت اشتغل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM