دردشة بنات فلسطين , دردشة حوامل فلسطين , تجمع بنات فلسطين

[غُمُوض أُنثَى]

حبيبتي حيفآ ،،

اول شي بدي اهديكي هالكم كلمة ،،

"إلى كل الرائعـين الذين تـتأخر أمانيهم عن كل من يحيط بهم بضع سنين ،
لا بأس ..،
دائماً ما يَبقى إعلانُ المركز الأول
»لآخر الحفل «
إذا سبقك من هم معك،
فاعرف أن ما ستحصل عليه أكبر مما تـتصور !

تأكد أن الله لا ينسى الأماني والأحلام، ولكن يدخرها لك،
وأن الله لا يضيع أجر المحسنين "

اعتقد هالكلمتين بيلخصوآ كل الحكي اللي بدي احكيلك يآه :)

بعدين حضرتك شو الشي الغلط اللي عم تعمليه بحياتك !!! تفكيرك السلبي مش المفروض يوصلك لهيك مرحلة يا بنتي شو مالك !

انا ما رح اناقشك بمشآعرك لانه متفهمة احساسك وأكيد كل واحد فينا بيمر بلحظآت بيكره فيهآ كل شي وبيشوف الدنيا سوآد بعرف هالشي والله

ان شآء الله حبيبتي تيجي الصبح مرووووووقة ومبسوووووطة ومافيكي شي وبتضحكي

وموضوع الحمل سبيه ع رب العالمين ،، هُو أدرى باللي جواتك :)

وليلتك احلأ من ليلتنآ يآ حِلوتي


-

بس كلمة اخيرة قبل مآ اروح هيا لعيون المهآ :)

عنجد اديش مبسوطة انك رح تشوفي اهلك حآسة حالي انا يلي بدي شوف اهلي والله
هيك لما قرأت كلامك حسيت بانفعاااااااال شديد جدا :)
لاني كتير متلهفة لشوفة اهلي

ياعمري بتمنآلك سفرة ممتعة وتنبسطي انتي وولادك يآآآآرب وتحياتنا للاهل وللوطن
وعقبآآآلي عن قريب يآرب

[عيـ‘ـون المهـ‘ـا]

}{ يسعـ‘ـد صَبـ‘ـاحكم و طلّتكُـم ,,صَبـ‘ـاح البسمـ‘ـه
و المحبـ‘ـه لتواجدكم,, صبـ‘ـاح النقـ‘ـاء و الصفـ‘ـاء ,,
لقلـ‘ـوبكم ,, صبـ‘ـاح الـ‘ـورد بشـ‘ـذى الـ‘ـود لحـ‘ـروفكم ,,
ياللي ارتسمـ‘ـت هـ‘ـون و راح تضـ‘ـل منحـ‘ـوته على
صفحـ‘ـة هالمكـ‘ـان ياللي جمعنـ‘ـا ,,}{

-----

رغم ضيق وقتي لكني ما بنسى اخوااات جمعني فيهم القدر
في هالمكان و ان شاء الله تضل الموده وصال و المحبه وسطنا [:
ما لئيت كلمه تحل محل هالكلمه ""ان شاء الله ربي يجمعنا تحت ظل عرشه متحابين فيه ""
اكيد راح اشتاق لاخبآركم آلحلوه خلال فترة سفري
و ان شاء الله بتجدد لقائي معكم حبيباتي و اكيد بتمنالكم اطيب الاوقات تحت مظلة هالصفحه و تقضو اجازة صيف حلوه مع احبابكم
اطيب الامنيات و ارق الهمسات لــــــــــ
الغاليه أأأأأأأأم جــــــــــودي
سهــــ 2012ــــى
بينـــك روز
سمــا الدنيــــا
ام عــــزمي
عسولــة فلســـطين
حيفــــــــا
دمـــوع الليـــل
لولو الفلسطــــينيه
دـــــوـــــDoDo ــــدو
غُمـوض أُنثــــــى
حـلا أآلماس
إم عبد الله لولو
لــولو حمـــاده
حــواء مثاليه
إنبثاقة امل
ام عمر القدس
ام عمر رشـا
نور العمر :: مبروك مقدماا الف الحمد لله على سلامتك و سلامة البيبي

يجعل المعـزَّه بينّّا دائمـــا و بذور الاحترام مزروعه بينا
معلش حبيباتي كلماتي كتير قليله و رغم اني تعبانه شوي
بس ما حبيت اترك هالمكان دون ما ابعت سلام الكم
TAKE CARE [:
و ان شاء الله كل ما لئيت فرصه بطمنكم عني
دعــــــــــواتكم

[عيـ‘ـون المهـ‘ـا]

~حيفــــا~
أسأل الله العظيم الذي لا تطيب الدنيا إلا بذكره
و لن تطيب الاخره إلا بعفوه
و لن تطيب الجنّة إلا برؤيته
ان يشرح صدرك و يسهل امرك و يعجّل لك الخير
و يعطيكي ما فيه سعادة لك في الدنيا و الاخره
جد حيفا و الله عن تجربه و الرسول اصدق القائلين
من لزم الاستغفار جعل الله له من كل هما فرجا و من كل ضيق فرجا و رزقه من حيث لا يحتسب
كلنا منمر بهالمحطات بس لازم نكون اقوى من صراع انفسنا
حتى نكمل طريقنا ............. و بتستمر الحياه
الك مني اجمل تحيه هلآ نايمه ههههههه
صباحك عسل [:

[عيـ‘ـون المهـ‘ـا]

أإأإأم جـــــــــودي
**
يا صُحبة في الله تحلو الحياة بهم
هم معدن الخير في الناس طابت سجاياهم
هم أصل الود تسعد الروح بذكراهم
و بين الضلوع في حنايا القلب ماواهم
فيا رب احفظهم و زدهم في مزاياهم

صباح جمعـــه مشرق يحمل كل الخير الك
يمكن يكون هاد اخر تعقيب الي لاخت غاليه لامست شخصيتها الحلوه
من خلال كلماتها اللي صافحت حروفي هون و قدرت اكون فكره رائعه
لا يمكن ان انساها في مخيلتي
نعمَ الاخت و نعمَ الصديقه
حبيبتي ام جودي بتمنالك كل الخير و السعاده و ان شاء الله تفرحي
بحمودي و ربي يتمم الك حملك على خير و تشوفي حمودي و البيبي دائما هم حوليكي و يملو عليكي الحياه بالضحكه و الابتسامه
ربي يحفظ ما عندك و يجعلهم قرة عين الك و لزوجك و يضلو بهجة الحياه و جمالها
بتمنى توصلي بوساتي لحمودي و ادوم كمان ببعت سلام لحمودي و الك و للبيبي
هههههههه
معلش يا قمر عم بكتب و انا تعبانه شوي بس اكيد اللي في القلب اكبر من اي وصف
ان شاء الله كل ما سنحت لي فرصه راح اتواصل معكم {;
اغلى سلام

[لولو الفلسطينية]

صباح الخير
جمعة مباركة عليكم و علينا
حيفا
حبيبتي بنعرف انو الموضوع مش سهل بس ما كان لازم توصل فيكي لهالمرحلة و الله احنا كلنا حاسين فيكي و انا عن نفسي بكل صلاة بدعيلك باسمك و ربنا بيعلم و انتي الي عليكي ستويتيه و اتركي الباقي على ربنا و ما رح تندمي
ربنا رح يعوض صبرك عن قريب بس انتي لااازم تصبري هاد امتحان و ربنا مع بيمتحن الا الانسان المؤمن و انتي مؤمنة و واعية و ربنا رح يهطيكي على قد نيتك الطيبة
بعدين خذي العبرة منا هون اغلبنا الي حملت بعد سنتين و الا ماتلها ولد او اتنين و الي لسا بتستنى و الي اجهضت مرتين و الي تلاتة و كل وحدة فينا عانت و الحمد لله على كل حال بس ربنا ما بترك حدا هيك بدون ما يعوضه
شوفي انا متلا خلال خمس شهور اجضت مرتين و المرتين بعمليه تنضيف طلعت روحي الله وكيلك و انا تعبت و زعلت و انقهرت بس شو فادني الزعل ولاااااا اشي
وقت ما ربنا يريد بريد
و الناس وقتها ما رحموني الي يحكي لزوجي شكلها مرتك مضروبة و الي يحكي روح شوف فلانة و علانه اتزوجو بعدكوو هبهم بدهم يخلفو و حكي كتييير و انتي بتعرفي الناس ما بترحم
لدرجة انو عمي زعل خواته عشان حكيهم معايه
المهم يا حيفا يا حبيبتي لازم تصبري و ما تحكي ليش انا لا و غيري اه ؟ هااد حررررام
بس انتي اصبري و ما بعد الصبر الا الفرج و ان شاء الله يا حيفا الشهر الجاي بتبشرينا باحلى خبر يا الله يا كريم
ربنا رح يعوضك عن قريب ان شاء الله و انتي بتستاهلي كل خيييير
هدي و روقي و ربنغ يحقق كلللل امانيكي و يسعدك يااا رب
غموض
ما تنسي تخبرينا شو بصير معك
و ان شاء الله تكون الاخبار حلوة
عيون المها
يسعد صباحك ام ادم
رح نشتاقلك بس ما تقطعينا من اخبارك يا عسل
ربنا يكون معك و تكون سفرتك سهلة و مريحة و تشوفي اهلك على خير و تنبسطي معهم
ياااا رب
يسعد صباحكم جميعا

[جارة القمر]

الله يسعد صبااااااااااااحكمـ

حيفا:

مش بيحكو كل تأخيره فيهاااا خيره .......

والله بعرف انه فترة الانتظار صعبة .......

وكوني على يقين انه الازمة اللي بتعدي فيها رح تروح باذن الله

لكن زعلك ما رح يسرع ويقدم اللي انت بدك ياااااا
لانه محدد ومكتوب متى رح يصير
عشان هيك بنصحك من اخت لاختها ما تخلي وقت فراغ عندك

التحقي بش دورة بشي نادي باي شي اصلا لما تطلعي من البيت رح ترجعي بنشاط

ورح يقلل من الوقت اللي بتفكر فيه بافكار سلبية ...........

واعرفي انه كل شي مقدر ومكتوب ومالك الا الدعاءقيام الليل والاستغفار

الله يرزقك الحمل عاجلا غير اجل

[اية من الجمال]

صباح الخير حبايبي جمعة مباركة عليكم
خير يا حيفا شو مالك حبيبتي
صلي عنبي

[فوفو89]

جمعـــــــــــــة مباركــــــــــــــة

اللهــــــــــم صلّ على محمد وعلى ال محمد كما صليت على ابراهيم وعلى ال ابراهيم انك حميد مجيد ..

[فوفو89]

حيفا

الله يكون بعونك ويفرج همك
بس حرام الي بتحكيه .. لازم انتي تكوني راضية بقضاء الله وقدره شو ما كان خير او شر
ولا تنسي كل ما صبرتي وحمدتي الله اكثر كل ما فرج همك اكثر
الزمي الاستغفار احسنلك من هالكلام لانك بتقهري وبتمقتي حالك فيه
اهم اشي ادعي الله وانتي ساجدة بخشوع واكثري الاستغفار واقرأي سورة البقرة يوميا بنية الحمل واذا بتقدري اقرأي سوري البقرة على مي واتغسلي فيها ،،او اقرأيها على زيت زيتون واتدهني فيها .. كثير بتفيدك احسن من التذمر والحكي الفاضي الي بتقهري حالك فيه

والله يفرج همك ويرزقك الي بتتمنيه ويرزقك الحمل السليم بالقريب العاجل ياااااارب

[~{{ DoDo }}~]

يسعد صباحكم جميعا يا صبايا
جمعة مباركة ربنا يعطينا خيرها جميعا

حيفا
والله يا قلبي ما عندي كلام احكيه اكتر من الي حكوه الصبايا
كفوا ووفوا ، وكلي امورك لله وفوضيها لله وهو الوحيد القادر ع كل شي
ولا تنسي انه الدعاء والاستغفار بيغيروا القدر وانتي عارفة هالحكي
كل ما تجيكي افكار مش منيحة استغفري ربنا وقومي توضي وصلي ركعتين واقري قران
والله ما الك الا هيك ، وياااااارب يكرمك عاجلا غير اجل انتي وهالصبايا ومتل ما قالت لولو
كل وحدة منا قبل ما تحمل وربنا يكرمها مرت بظروف صعبة كتير بس عدت الحمدلله
خلي ايمانك قوي وانتي قوية وفهمانة :) يارب يشرح لك صدرك وييسرلك امرك يارب

عيون المها
الله يسهل عليكي يارب
رحلة موفقة وحلوة وممتعة ياااارب الك ولادم ولاسيل وللانا
ربي يتم عليكي بشوفة اهلك واحبابك وما يحرم حدا
اجازة سعييييدة حبيبتي رح نشتاقلك كتير كتير وسلاماتنا للاهل

غموض
طمنينا عم نستنى منك شو بيصير معك
واللي رايدة ربنا يا محلاه ؛)

لولو وجارة وفوفو واية وباقي الصبايا نهااااااركم سعيد وجمعتكم اسعد يارب :)