وش افضل الاماكن بدبي

[إحساس إمرأة]

ان شاء الله بنات يفدونك حبيبتي♥♥♥

[اميراتي هيا وريا]

والله يا حييبتي دبي جميلة جدا وراح تحسيها بيتك الثاني اني بالنسبة الي احبها حيل واعتبرها مدينتي الثانية بعد بغداد الحبيبة ...دبي بيها هواية اماكن اذا من المولات فاكو مول دبي كلش حلو وجبير وبي كل شي وبي شغلتين لازم تشوفيها الاكواريوم والنافورة وبي بالداخل شلال دبي مول الامارات بي سكي دبي وهو هم كلش حلو الجميرة كلها تخبل بكل شي بيها اذا الجي بي ار او الممشى او تروحين لجزيرة النخلة كلش حلوة بيها مترو خاص بيها بس وبنهايتها اتلانتس كلش حلو وعدا هذا اكو اليخوت اللي بالمارينا مثل اليللو بوت حلو او عالبحر تروحين بالقارب ويكدر زوجج يطلع بالمنطاد واكو التايم سكوير واكو باص دبي واذا عندج اطفال وديهم لكدزانيا بدبي مول وبعد وبعد اذا اتذكرت راح اكتبلج وبالنسبة للحمل اني قبل سنتين جنت بدبي وجنت حامل ببنتي ريا وعندي بنتي الجبيرة هيا يعني روحي تونسي ولاتهتمين بس اسألي طبيبتج الاول وشوفي خطوط الطيران اللي راح تطيرين عليها لحد يا شهر بالحمل يسمحون للحامل تروح وبالتوفيق ياربي