دردشة بنات ليبيا , دردشة حوامل ليبيا , تجمع بنات ليبيا

~~sosolibya~~ · 05-06-2013, 10:20 AM

مانا كيفكم اقعدوز راقدين

انا ضيعت هلبة وقت وبنمشى نقرا

goldrose · 05-06-2013, 10:36 AM

ربي يوفقك سوسو وان شاء الله بالنجاح

ابنة القدر · 05-06-2013, 10:53 AM

سعيدة بوجودى بينكم احبابي في الله

جوهرة ليبيا · 05-06-2013, 11:49 AM

السلام عليكم
كيف حالكم اليوم كووووووووولكم
ان شاء الله بخير يااارب

نورتوا ضيوفنا الجدد

كيف روحت لحوشي آمس بايتة في حوش بوي زوجي في الحوازة عندة اسطاوات بنديروا فيها حوض سباحة ليا سنين انطالب بية هههه
بما ان البحر ماينقربش وربي يستر عالجميع

جوهرة ليبيا · 05-06-2013, 11:54 AM

ان شاء الله شهرين ونبدا كركوبة بطططططططططططططططة مانعرف نقدر نسبح او لااااااا
اهي اهي اهيييييي

اليوم عندي صداع ربي يستر

جوهرة ليبيا · 05-06-2013, 11:58 AM

اقتباس:

المشاركة الأصلية كتبت بواسطة goldrose

ربي يوفقك سوسو وان شاء الله بالنجاح

مراااااحب
كيف حالك

وكيف الحمل معاك
وشن قلتلك الدكتورة كتكوتة اوكتكوت <<<قصقاصة هههه

goldrose · 05-06-2013, 11:58 AM

انا في نهاية السابع وقبل اسبوعين مشيت للدكتورتي و قالتلي الماء اللي حولين البيبي زايد شوي قالت يمكن عندي سكر حمل
طلبت مني تحليل السكر الثلاثي وقالت لي لازم تجيني كل اسبوعين لان المية زايده
انا خفت هل في خطر عالجنين طمنوني
وانا درته التحليل والحمد لله قال اخصاي التحاليل طلعت النتيجه طبيعيه وامس العشيه كان موعدي مع الدكتوره مشيت واعطتني ابر كرتوزن علي خاطر رئة البيبي قالتلي لان احتمال ولاده وقالت راس البيبي لوطا والماء زايده
ولما روحت للحوش شافت الجهاز طلع اني في الاسبوع 34و5 ايام وموعدي يوم 11-6
وعلي حساب الدوره انا المفروض 30 اسبوع و2 يوم موعد الولاده 12-7
الفرق شهر علاش طمنوني وانا بكريه ماعنديش هلبه معلومات

goldrose · 05-06-2013, 12:07 PM

اقتباس:

المشاركة الأصلية كتبت بواسطة جوهرة ليبيا

السلام عليكم
كيف حالكم اليوم كووووووووولكم
ان شاء الله بخير يااارب

نورتوا ضيوفنا الجدد

كيف روحت لحوشي آمس بايتة في حوش بوي زوجي في الحوازة عندة اسطاوات بنديروا فيها حوض سباحة ليا سنين انطالب بية هههه
بما ان البحر ماينقربش وربي يستر عالجميع

اهلين النور نورك جوهرة كيف حالك
مليح والله عندك الحق بكل البحر ماينقربش

اقتباس:

المشاركة الأصلية كتبت بواسطة جوهرة ليبيا

ان شاء الله شهرين ونبدا كركوبة بطططططططططططططططة مانعرف نقدر نسبح او لااااااا
اهي اهي اهيييييي

اليوم عندي صداع ربي يستر

تقدري ان شاء الله انا اختي في حملها بولدها تمشي للبحر وكانت وقتها في السابع
ماشي الحمد لله وخلاص
قالتلي بنوته

والله خايفه ونخمم وماعرفه شي انا المده اللي فاتت كان تخميمي كله وين بنجيب لان دكتورتي ماتجيبش الا في السرور وانا مانحبهاش او لو يوم اربعاء او جمعه تمشيلها في الشفاء
لكن توا ولت الحكايه فيها ولاده مبكره زاد تلخبيطي وخوفي علي البنوته ومافهمتش شن السبب الدكتوره حسيتها ماتبيش تحكيلي ماتبيش تخوفني تش،ف للجهاز ووجها متغير وتقولي حالك باهي واخبارك تماما وماقلت شي علي البنوته وماتبيش تعطيني اي تفاصيل اه ان شاء الله خير وخلاص

جوهرة ليبيا · 05-06-2013, 12:39 PM

لالالالالاالالالالالالالا ياغالية تفائلي خير وكثري الصلاة والدعاءحتي لو تعبانة والصدقة اهم حاجة
ويااااااااااااارب ايطمن قلبك عن قريب
والله انا عندي بنوتة وهذا تاني حمل بس والله مانعلرف شن قصة المية المهم انها مش في راس البنوتة
والولادة المبكرة عادي كان في مصلحتك انتي والنونو بالعكس تطمني

شن اسم دكتورتك
انا عندي زوز في بنتي د.اعتماد المسلاتي في رفيدة والامومة
وتوة انتابع عند د.رقية الكيال في مصحة الرحمة

جوهرة ليبيا · 05-06-2013, 12:51 PM

goldrose

انتي طرابلسية صح سوق الجمعة زيني؟؟؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM