ساعدوووني من خبرتكم تكفوون اريد تعليم بنتي دخول الحمام

[kayan]

هلا حبيبتي

بالنسبة للحفاظ
حاولي انك تشجيعها كثير يعني لما تسويها في الحمام
بعد ما تخرج كوني مجهزة لها هديه او اي شي بسيط او اكله تحبيها
او اتصلي على عمتها او خالتها ( شخص مفضل عندها ) وخليها تسمعك وانتي تكلمي
قولي ما شاء الله بنتي كبرت سارت زي ماما تدخل الحمام من حالها وامدحيها مرا
او اعملي لها جدول كل ما دخلت الحمام حطي لها نجمه وشجيعها
وامدحيها في كل مكان عند ابوها وعند جدانها
الاطفال بيعشششقوا المددح

اممم حاولي انها تدخل معاك الحمام كمان ، عشان تشوفك وتتحمس
وفي نفس الوقت عشان تتعلم تغسل نفسها
وتهتم بنظافتها بنفسها

وأفضل لو انك تعلميها الحمام وقت الليل برضو
عشان ما تتعبي كثير ، تضربي عصفورين بحجر

حاولي كمان مرا ما تلبسيها حفاظه ، اشتري بامبرز اللي زي الكلوت
وشيلي الحفاظات قدامها وارميها قولي خلاص انتي كبيرة
وفهميها انو بامبرز ( الكلوت ) مو حفاظة ، لا هذا سروال النوم والسيارة بس


ومن ناحية الرضاعه ممكن تحطي لها ملح في الحليب ، واول ما تذوقه حترميه ما راح يعجبها
قولي لها خلاص انتي سرتي كبيييرة تشربين في الكاسة الرضاعه حقت النونو
وجيبي لها كذا كاسة بأشكال حلوة
وقولي لها خذي وحدة من هذي
وانتي كمان خذي لك وحدة قدامها وحطي لها وحطي لك حليب واشربوا في الكاسات
وامدحيها قولي لها خلاص انتي سرتي زي ماما
ووقت النوم اذا صحيت تبغى الرضاعه حطي لها فيها مويه
الين ما تبطلها

بس اهم شيي الصبر
وسعة البااااال
لانو انتي بتحرميها من شي تعشقه وتمووت فيه ، راح تسير عصبية وتتنرفز بسرعه
وانا بنصح دايما اذا الام ما عندها سعة بال لا تعلم طفلتها شي

راح تكبر وتدخل الحمام من حالها وراح تبطل الرضاعه ، من غير لا تنضرب ولا تتعب نفسيتها

بس ان شاء الله انك صبوورة وتتحملي

تحياتي لك يا عسسل