الجزائرياات عطوني رايكن ..

[هبة الرحمن]

المشاركة الأصلية كتبت بواسطة lozette

السلام عليكم . أنا يا أختي راني من 2011 في تيزيري درت تلقيح صناعي و ما نجحش و كان ثمن العملية لوحدها 1.5 مليون . ثم في 2012 درت أطفال الأنابيب و نجحش و كان ثمن العملية لوحدها عشرة ملايين بلا التحاليل و الدواء يعني قريب 25 مليون . و راني إذا كتب ربي رايحة نعاودها في نفس المكان . واش نقولك أختي بالنسبة للدواء و التحاليل أظن أنها واحدة لا تتغير أما العملية فأنا لم أسأل في باقي العيادات و ما عليك سوى المقارنة بين ما قالوهلك و بين ما قلته لك. موفقة أختي

وعليك السلام lozette الصراحة الله يكون فعونك قاع هد المصاريف ومنجحوش للزوج ..ربي يوفقك هد المرة ويرزقك بتوئم يعمر عليك حياتك...
..اختي واش هما الي يقترحو عليك نوع العملية ولا انت الي تختاري؟
وايضاالما تعاوديها عندهم يحسبوعليك العملية بتكاليف كاملة ام انهم ينقصو ؟ سمحيلي طولت عليك لكن والله محتاجة للاجابة..

[lozette]

المشاركة الأصلية كتبت بواسطة هبة الرحمن

وعليك السلام lozette الصراحة الله يكون فعونك قاع هد المصاريف ومنجحوش للزوج ..ربي يوفقك هد المرة ويرزقك بتوئم يعمر عليك حياتك...
..اختي واش هما الي يقترحو عليك نوع العملية ولا انت الي تختاري؟
وايضاالما تعاوديها عندهم يحسبوعليك العملية بتكاليف كاملة ام انهم ينقصو ؟ سمحيلي طولت عليك لكن والله محتاجة للاجابة..

السلام عليكم أختي .و الله يا أختي إحساس صعيب و إنت تستناي في النتيجة . أسبوعين و أنا على أعصابي و لما جات العادة وكلت أمري لله هو العالم بأحوال عباده . أما المصاريف يا أختي هذا جزء من كثير . لأني عملت أشعة كثيرة و عملت منظار الرحم بلا التحاليل لقبل ما ينحولك البويضات تقريبا كل يومين نروح نحيولي الدم و تعملي ليكوقرافي لمدة أسبوعين و حسبي يا أختي و أنا نسكن بعيدة يعني الفواياج و الماكلة برى و ما نزيدش نحكيلك على الزعاف و التشناف تاع الراجل بصح الحمد لله جا الإنسان مِؤمن .
بالنسنة للعلاج الطبيبة هي لتقترح عليك العلاج حسب التحاليل و السن . أما العملية للمرة الثانية راني سمعت بلي زادو فيها . و نقصولك 1 مليون . يا رب يرزقني و يرزقك بالذرية الصالحة .

[هبة الرحمن]

المشاركة الأصلية كتبت بواسطة nourelhouda

انا عندي موعد في عيادة الوالدين جاية بين بئرمرادرايس و سيدي يحي شكروهالي بزاف ، الموعد 26 ماي عندي شهر من اللي اتصلت بيهم،،،، انا عندي عام و نصف رحت الفريا يا بنتي الغاشي و الخدمة ما عجبتنيش نهار الاول دخلوني عند الطبيبة استنينا قريب 7 سوايع و من بعد دخلتلها قالتي نحي حوايجك السروال باش ديرلي ايكوكرافي مهبلي و راجلي كان معايا حشمت قالتي نورمال قلتلها لا لا ما كان فراش تتغطاي بيه ما كان سيتارة والوووو المهم شلفتلي الرحم قالتلي مليح و اعطاتنا تحاليل نديروهم انا و راجلي خارج العيادة تحاليل الهرمون بصح تحليل المنوي داخل العيادة و كلما تروحي تماك على زيارة تخلصي و من بعد درنا التحاليل و جبناهم كانو نورمال الهرمونات تاعي و تاع راجلي بصح التحليل تاع السائل صفر قالك نديرولو عملية تفتيش في الخصية و اعطاونا موعد بعد 15يوم رحنا دارها راجلي و رقدوه و من بعد حطوه في غرفة طلعت ليه اعطاولو كرواسون و قهوة و قعد عشربن دقيقة و خرج دارولو تخدير موضعي و اعطاونا علبة فيها الخلايا اللي ناحاوهم الراجلي قالونا ادوهم لل لانابات تماك يحوسو على الحيوانات رحنا اديناهم مزية عندي البرمي و سقت انا راجلي كان فشلان رحنا حطيناهم قالك على عشرة ايام خلصنا قريب مليون و نص و العملية تاع الخصية خلصنا زوج ملاين و نص و غير الدوا و التحاليل و هما دارولو بحث في خصية وحدة و ما درناش تلقيح علاخاطر حتى الخصية ما فيها حيوانات منوية كاين بصح غير ناضجة و كي دينا نتيجة التحليل للعيادة تاع فريال قالنا الطبيب خلوها على ربي كي قلنالو و الخصية الثانية قالي ماكلاه خلوها على ربي و ما درنا والو،،،،،،،انا ما عجبتنيش و دراهم يدوهم بزاف و زيد الغاشي عندهم تقولي الدنيا كامل راهي ما تولدش تسمعي حكايات تاع الناس تماك كاين بزاف اللي نجحتلهم و جابو توام و جاو يعاودو و كاين اللي كيما حالتي ماكان والو غير خسارة الدراهم،،،،،،،و ربي يسهلك ان شاء الله،،،،،

اهلا اختي نور الهدى
الله يفرحك وربي يعطيك ما تتمنايا الصراحة كلامك هدا ريحني وعطاني نظرة واضحة على العيادةومن كلامك فهمت ان التحاليل يتعملو خارج العيادة والمريض هو الي يتكلف بيهم؟؟الصراحة مشكلة انت الحمد لله عندكم طنوبيل وعندك البيرمي وانا لا طنوبيل لا بيرمي ههههههههههه معناه نحصل في العاصمة. الصراحة مزال مقررناش ورحنا زدنا عيادة الوالدين الي قلتي لي عليها ولوكان غير تكملي جميلك وتبعثي لي نميرو التلفون نتاعهم باش نتصل بيهم ونشوف ادا يقدرويستقبلوني فهد الشهر....نور الهدى ربي يجازيك ويرزقك من بابه الواسع بدون اطباء ولا ادوية ويفرحك ويفرحني وجميع المسلمااات

[Nourelhouda]

المشاركة الأصلية كتبت بواسطة هبة الرحمن

اهلا اختي نور الهدى
الله يفرحك وربي يعطيك ما تتمنايا الصراحة كلامك هدا ريحني وعطاني نظرة واضحة على العيادةومن كلامك فهمت ان التحاليل يتعملو خارج العيادة والمريض هو الي يتكلف بيهم؟؟الصراحة مشكلة انت الحمد لله عندكم طنوبيل وعندك البيرمي وانا لا طنوبيل لا بيرمي ههههههههههه معناه نحصل في العاصمة. الصراحة مزال مقررناش ورحنا زدنا عيادة الوالدين الي قلتي لي عليها ولوكان غير تكملي جميلك وتبعثي لي نميرو التلفون نتاعهم باش نتصل بيهم ونشوف ادا يقدرويستقبلوني فهد الشهر....نور الهدى ربي يجازيك ويرزقك من بابه الواسع بدون اطباء ولا ادوية ويفرحك ويفرحني وجميع المسلمااات

سلام اختي نعم المريض هو اللي يدير التحاليل خارج العيادة تحاليل الهرمونات و حتى تحاليل عملية الخزعة تاع الخصية تاع الرجل الحاجة الوحيدة اللي يديروها هي تحليل السائل المنوي يديروه في العيادة،،،،، هذي الحكاية عندها عام و نص درك الله و اعلم بلاك تبدل النظام عندهم،،،،،
بالنسبة للرقم تاع عيادة الوالدين راح نبعثهولك على الخاص شوفي في الرسائل على خاطر ممنوع وضع ارقام التلفون
و على حساب واش قالولي صحاباتي راحولها كلش يندار عندهم و ما يضيعوش الوقت يعطيك منشطات و يخيرلك نوع العملية بصح لازم يكون حيوانات،،،،، اذا ماكاش يديرو الخزعة و كي تعيطي باش تدي موعد لازم الموعد تاعك يكون يوم الدورة قوليلها للممرضة بلي راكي حابة موعد في اليوم كذا تاع الدورة اذا ماكاش كومبلي ديري موعد للشهر الجاي وقت الدورة ايضا باش ما تضيعيش الوقت،،،،،،، شكرا على الدعاء ربي يرزقنا اجمعين ،،،،امين ،،

[هبة الرحمن]

اخواتي مياسة ..بسومة ..ام بلقاسم ..هادية وابتسامة شكرا لكن على الدعوات الحلوة واكيد راح اعمل بنصيحتكم واصلي الاستخارة وربي ييسر امورنا جميعاا

[تورية]

معنديش فكرة بصح حبيت ندعيلك ربي يرزقك بالتوام عاجلا غير اجلا يارب يا حنان يا منان

[هبة الرحمن]

المشاركة الأصلية كتبت بواسطة تورية

معنديش فكرة بصح حبيت ندعيلك ربي يرزقك بالتوام عاجلا غير اجلا يارب يا حنان يا منان

آمين انا وانت وكل الاخوات المحرومااات..

[هبة الرحمن]

لام اختي نعم المريض هو اللي يدير التحاليل خارج العيادة تحاليل الهرمونات و حتى تحاليل عملية الخزعة تاع الخصية تاع الرجل الحاجة الوحيدة اللي يديروها هي تحليل السائل المنوي يديروه في العيادة،،،،، هذي الحكاية عندها عام و نص درك الله و اعلم بلاك تبدل النظام عندهم،،،،،
بالنسبة للرقم تاع عيادة الوالدين راح نبعثهولك على الخاص شوفي في الرسائل على خاطر ممنوع وضع ارقام التلفون
و على حساب واش قالولي صحاباتي راحولها كلش يندار عندهم و ما يضيعوش الوقت يعطيك منشطات و يخيرلك نوع العملية بصح لازم يكون حيوانات،،،،، اذا ماكاش يديرو الخزعة و كي تعيطي باش تدي موعد لازم الموعد تاعك يكون يوم الدورة قوليلها للممرضة بلي راكي حابة موعد في اليوم كذا تاع الدورة اذا ماكاش كومبلي ديري موعد للشهر الجاي وقت الدورة ايضا باش ما تضيعيش الوقت،،،،،،، شكرا على الدعاء ربي يرزقنا اجمعين ،،،،امين ،،

آمين ...بارك الله فيك اختي نور الهدى والله يجعل لك في كل حرف كتبتيه لي الف حسنة...ويرزقك وانا بالذرية الصالحة

[M0ra]

يارب يرزقك بالذرية الصالحة السليمة المعافاة عاجل غير اجل يارب العالمين

[هبة الرحمن]

المشاركة الأصلية كتبت بواسطة m0ra

يارب يرزقك بالذرية الصالحة السليمة المعافاة عاجل غير اجل يارب العالمين

آمين ..وربي يجازيك بكل خير على هد الدعوة الطيبة