مَجلس ../ موآليد شهر »• رجبْ 1434_ مآيو "يونيو 2013

[زوجه ظابط]

وين وصلت يالكرشات انتي وهي > بتنجلد هههه
المهم جلست استنى وبدت معاي الطلوق بس خفيفه ماحس فيها
واسمع ذا الحريم يصارخون وفجاءه صوت بزر انا خلاص تحمست قلت يابنت
اخلصي ترا مصخخت
وبدت الدكتوره تعطيني الابر اللي تفتح الرحم ولافيه اي فايده سبحان الله
ولما شافت الرحم بدا يفتح 2 راحت نادتكتوره التخدير
وجلست تعلمني وش اللي احنا فاهمين غلط صداع ومدري ايش
ولاشي الحمد الله
ومن عطتني ابره الظهر وتبدا الطلوق بس ماحس فيها
ونمت وانا متخوفه من ام راس ههههههه
صحيت ولاحد قبالي ارتحت اناظر بطني اليني مابعد ولدت هههه
وبدا مفعول البنج يروح ويخف ويخف وبديت احس بطلوق بس متباعده
وخفيفه مره وفك مفعول البنج مره وزادت الطلوق لحد ماوصلت تجي كل دقيقه
والله اني انتفض بس انها تتحملينها والرحم مسكر على 3 سانتي
وجت ام راس ياربببببببيه يوم شفتها اقول لها تكفين خلاص تعبت
زيدي جرعه البنج ولو تبين ادخلي انتي واسحبيه
والقابله ميته ضحك علي
ودخلت يدها تحرض وماتحملتها صدق لان طلوقي كل دقيقه
قالت زيدي الجرعه خلي الرحم ينفتح
قلت لا لا خلاص انا تعبت
وهي تكشف كانت امي برا وسمعتني وانا اصرخ وابكي
دخلت وانا رجولي تنافض وابي امسك دموعي عشانها
اثرها هي كانت تبكي يوم سمعت صوتي
يالله يابنات وطلوق وطلوق ولافتح ولانص سانتي الرحم
انا هنا خلاص لما تجي الطلوق احط يدي على بطني
واقرا سوره الزلزله ويخف الالم معاي مره
وانوم بدون ماحس بعمري واقوم من قوه الطلوق
لحد ماتعبت وكسيفت الدكتوره لقته مازال على 3 يعني طلوقي كانت 18 ساعه
ولافتح الا ثلاثه سبحان الله
قلت خلاص ابي عمليه ماعاد اتحمل وانا ابكي
فكت لي المغذي اللي يفتح الرحم وشالت التخطيط
بيجهزوني للعمليات
ومن الروقان اللي فيهم يخلوني اوقع وابصم وانا مازلت طلوق مستمره
وكلمت ابو الشباب واعلمه قال انا في المطار ثواني والله واجيك
وشربوني المحلول المخيس ووع بس
ونزلوني تحت واسمع اللي تضحك واللي تغني بغيت اقوم والعن خيرهم
انا تعبانه وهو يضحكون ههههههه
وحطوني على السرير وبدا الدكتور يعلمني انه بيعطيني بنج نصفي احسن وافضل
وانا موب معه لان الطلوق مستمره قال اكشفي عليها
والله يابنات لقوه مفتوح 5 كلمو الاستشاريه
قالت لا البنت تعبت والجنين راسه انفخ كملو عليها عمليه خلاص
هنا بدا الحشيش هههههههههه
حطو قبالي الكماشه حقت السر وجلست اقول فيه اشعار
وقصيده ههههه وهم بدو يشقون بطني ولاحس بشي
لحد ماوصلو رفعه البطن على فوق هنا حسيت فيهم
وصرت ابكي واصارخ ويسالني الدكتور شد عليك اقول له لا يالم مو شد
عطوني الكمامه السودا يازينها ههههههههههه
صرت اغني لهم ومره اقرا قران ومره ادعي هههههه
واسمع صراخ بزر وانا مادري وش السالفه واللي تقول مبروك ولد ولد
وانا اردد قولو ليوسف امك تحبك
يمكن نص ساعه وانا اقولها واسال عن امي
يمممممه قولي له تراني احبه هههه لان وقت قومتي من البنج
احسب عمري ميته وهاذا القبر حقي
وانا اصلا كنت راكبه ملاهي ومبسوطه وبديت افتح خلاص ادور الكماشه
مالقيتها دريت اني ولدت والمس بطني مافيني بطن
وانا مازلت احشش عليهم اخذرف عليهم سواليف غبيهر
وانادي الدكتوره حقتي
اشواق تعالي قوميني خلاص ابي اقوم هههههه
وبدو يفكون الكمامه والاسلاك والحوسه اللي فيني
الين فيه واحد مصري حامت كبده من صوتي شكله هههههه
يقول لي مدام خلاص جبتي ولد قلت كل تبن
لو فيك خير قومني راسي يعورني وهو يضحك علي
وطلعوني لغرفتي وجابو البيبي لي وزوجي معه
يوم شفته قلت ولدي قال لا ولد خويتي هههههههه
ياحلوه صغير وعيونه تهبل والله نسيت كل الاوجاع والم الطلوق
والم كل شي ولاكني سويت عمليه
الله يجزا والدينا الجنه
وتوته توته خلصت الحتوته